夢

夢預測短期既將來測得太準了

準到我決定都係唔好再check 解夢喇~


我還是真的要認我唔識得捉實d 好男仔

但係知道有人更懂得愛惜同珍惜你地, 成件事一定只會更美好

我呢還是繼續傻下傻下啦~~

機遇!

這幾日好運仔, 很有得著 :), 想記低佢!

在現在讀的business course 度早已feel 到同另一team 人好夾得埋
星期五同我teammate 聽左其中一位吹水吹8個鐘
諗野好多部分同我好似
密謀合作中,興奮!
再一齊去食vietnam 粉, 好耐冇食, 太好食了!!

星期六試工, 幫位荷蘭女人打掃~
順順利利
之後去食m 記麥樂雞
吸引力法則係會實現的
我早幾日在想其實有冇麥記員工會唔小心比錯雞數目
今日買6件
變左7件
:D


星期日
其實估同近來一些夢有點關係
另一份打掃試工
竟然係幫位這邊一家大型互聯網公司既vice president 燙衫打掃屋企
十分之好傾 
話時話佢屋企其實係好乾淨的
但係都抺左好多野下

下午同埋佢表妹一齊食飯, 再戰vietnam 粉, 老細請!

打掃方面我自問唔係做得十分好
不過佢十分開心
人工比多20歐 (其實主因係做長過預定時間既)
最開心唔係這個
而係可能佢幫到我review 一下之後要做的business plan
同埋更有一些未知但可能既機遇
佢講起自己想開一間小公司的idea
十分認同有得做
說不出的興奮!!
下星期已再約食飯
yeah!

低溫下頭暈

春天黎到,仍然係冬天既天氣
凍到冇朋友
在阿姆斯特丹住
氣溫低其實問題不大
著多條褲, 加幾件衫, 冷帽手套頸巾到出動的話
基本上零下幾度走出街都冇問題
冬天包括落雪的日子
我每日落街行一陣既堅持都保持得到

但係
這裡最討厭既地方係大風, 仲要勁大風
如果再加落雨就更無敵
即使氣溫係正數, 出晒太陽咁
一大風就真係勁勁勁凍
我的手套冷帽保暖卻唔擋風
大風的日子雖然一定會照帶
但作用明顯細左好多
手指經常會變冰..
 
自從有左而家部單車開始
有一星期日日都踩單車返學
但係實在太凍太大風
我發現到我踩踩下, 停車落地或鎖單車時會好頭暈
有日返到屋企暈左好一排, 訓返一覺好先好返 
但我在這裡香港德國巴塞士耳奇都叫有踩過下單車
從來都未試過頭暈,
難道我身子變得這麼弱!?
就上網check 下

原來首先在低溫下吸入氧氣已經是較困難
做運動就已經會辛苦d
其次是低溫+大風會令內耳入面的液體變冷
令人覺得會頭暈
所以在這種天氣下一定要保護耳仔唔好入風
除左有d 人冷帽笠耳仔, 仲有d 人會帶耳塞
 
咁又學到野喇!

見

好朋友德國working holiday 結束

特地選了amsterdam 作終點

希望這幾天你開心

感謝你

之後咩事發生有咩起落, 都要記住過得開心 

5月5日IJ-Hallen 見

未來2個月將跟同屋搬家

因為間屋原屋主留左好多野O係度, 相信將會有好多舊野執出黎

所以book 左IJ-Hallen 5月5日的攤位賣野

這件事其實就係我一直都想玩既事 :)

到時又搬屋又搬野去賣,會好忙但又好期待呀! :)

如果咁啱咁橋有人在這個時候在amsterdam, 就唔好錯過這個fleamarket 順便黎探我啦 :P

阿姆斯特丹動物園 - Artis Zoo

聽過用(荷蘭)學生証可以3歐入動物園已經好想去,原價要19.5歐都真係唔平

朋友之前的經驗原來剩係學生証都未夠, 仲要大學取錄信先得, 週末同假期都唔可以用此折扣

今次約齊人帶齊文件出發

其實個動物園同我返學幢大廈好近, 在阿姆斯特丹東部

 

下列係當日比較鐘意/ 特別的動物照

 

 一坨蛇

 7彩雀

 可以親近的毛球

 

 好雪白好似毛公仔的貓頭鷹 <3

 好鐘意佢地, 超強保護色, 在照片中間已有3隻 (提示: 他們的尾巴好像片小葉)

  微笑的蜥蝪

 動物園內的餐廳咖啡外面差不多, 2.2歐杯cappuccino :)坐坐都不錯, 很高樓底很足陽光的, 個人很喜歡足陽光的室內

歐洲最大flea market - IJ-Hallen

每月第一個星期六日的9am- 4:30pm, 在阿姆斯特丹北部有每月一次的跳蚤巿場, 名為IJ-Hallen, 係歐洲最大既flea market

地點舊址為造船廠, 2個廠房共容納750 個(!!!!)攤位, 主要售二手, vintage 或舊的東東, 衫褲鞋襪袋傢俬杯碟玩具咩都有

之前時間唔啱, 今次終於抽到時間去!! :)

由centraal station 後面搭免費船, 再行5分鐘就到

等船時見到回來的人都一抽二lun 基本上都買唔少野,感覺已經好良好

為以防萬一, 過完對岸提多小小錢先入場

入場4.5歐, 比錢入場都幾快搞掂

 

我在柏林時mauerpark fleamarket 都叫個個星期都有, 唔買野都叫做可以好快再去過, 這個呢, 感覺真係幾抵, 唔買下次可能冇這一檔了

我見到些質素真係唔錯既大褸, 20歐就買到, 真係好可惜, 歐洲人比我大粒得多,最後鐘意既有, 但係啱碼就冇...其實真係好想買件 :(

好在有提款, 唔係我會後悔~

最後戰利品 !! 屬於我的: 二手單車一部 15 歐 (冇錯), 22歐紳士帽 (上圖黃色個盒)

有人買左5歐帽, 10歐真皮褸 (真係抵), 長袖冷衫3 歐 (睇落都幾新)

仲有這條由3歐變1.5歐的十分cozy頸巾 :) 之後去了外婆家吃飯送給她了

想不到尋到不少寶! 已愛上了這個market, 但係再去一定再出血, 都係小心d!