一年一度花巿Keukenhof

每年3月底至5月底
就有一年一度的Keukenhof花巿
最多當然是荷蘭之花鬱金香
超多種顏色
好多好靚~仲有唔小sakura~

十分建議有時間走出keukenhof 旁邊的草原
7彩顏色好靚
可惜我跟學校去,唔夠時間走出去

Bloesempark 睇Sakura

春天來臨, 有時在街上不時見到一兩棵Sakura
然後心諗
其實荷蘭有冇地方係可以見到好多好多
便上網找找
原來在我其中一份打掃的家(在Amstelveen)附近叫Amsterdamse Bos 既地方, 有一個極大既公園
大公園內有一個小公園叫做 Bloesempark ("開花公園", 哈哈)
我聽說了Amstelveen 是個J&J 的城巿,住的人大多是Japanese & Jews
這個公園是日本人慶祝節日的聚腳點
同時有一個海難紀念碑
園內種了整整400棵Sakura
每棵樹都有名字, 200棵係荷蘭人名, 200棵係日本人名, 不過我冇特別留意佢地有冇掛D 名出黎

個公園又靜又靚:)
去左2次都只係見到好小人
似乎唔係太為人知
但同時要去這個公園又好似唔係好就腳

 這是在Amstelveen 中心內的日本餐廳旁,也很美

 

我是4月中來的, 花開得最茂盛:)

9月23 柏林友聚之mauer park

是日星期日, 雖則之前住柏林一段時間, 但星期日返工既關係, 我係從來都冇去過Mauer park, 星期日有flea market, 今日終於如願以償!!

入面真係好多野睇, 唔覺唔覺我地行左都有4個鐘, d 人賣 2手衫褲 真係會1歐咁賣, 有點心機時間運氣同唔怕人著過的話, 其實買黎著訓覺都抵

我用50 cents 買左件H&M 長袖橫間衫 :D 抵到爛

仲買左頂我好鐘意既帽 (但好可惜..已經在回程既火車上唔見左)

話就話mauerpark 收5點, 但我地走既時候都已經6點半, 當然都眼見d 舖收檔

之後本來想去食一心, 到左先發現星期日唔開, 其他分店都唔開

就轉左去間食傳統豬手既德國餐廳- Tiergarten quelle, 就在Tiergarten 站其中一個出口旁, 似乎好出名, 等左好耐先有位, 見到人人枱上的食物都係大大碟

入門口先撞到一位認識的港人, 冇耐坐低, 竟然見到另一位朋友於7月份在這餐廳杯墊上的留言, 真的是太巧了

因為我地2個女仔既關係食唔落豬手

就每人叫左個湯, 叫個細沙律同一碟意粉諗住share

點知湯未飲完人已飽, 飲完食埋個沙律後已經食唔落其他野

就直接cancel 左個意粉閃人, 希望下次有機會多d 人一齊食, d 野都幾好味

天氣很冷又累, 回家後就唔想再出街了

9月22 柏林友聚之 Ikea + Hotpot!!! :D

下午起床, 跟朋友一齊去Ostkreuz 間行ikea 兼食lunch

ikea 入面間food court 堅大, 野食既選擇都好多, 慳錢的關係, 我食左個兒童1歐餐, 有茄汁意粉同一包小蘋果汁, 1歐當然係1歐質素, 估唔到我煮意粉既詣藝竟然可以媲美ikea 大廚房

另外仲同朋友share 左一份牛扒, 唔係減價都唔買, 算係ok, 不用一試 :P

之後去左一個風箏festival, d 風箏既造型真係好可愛, 尤其係蝙蝠, 有似蝙蝠俠個icon 既, 亦有眼大大腳fing fing 既得意版

仲有一個大型風箏我覺得好impressive, 係一個大蛙人, 其中一隻腳仲有小鯊魚咬住. 有藍天做背景, 個蛙人真係好似在海入面潛緊水咁

去完掃我未來個月既日用品之後, 就到我最喜愛的環節- 打邊爐 :D

這間在charlottenburg 的利好餐館, u-bahn 一出數步即到, 價錢同lucky star 一樣, 但食物款式比較多! 而且仲有得叫1.5L 既可樂, 唔駛逐杯order 咁貴

是晚見返多一位之前在柏林的香港朋友, 仲識多2個新朋友 :) 去了其中一人家吹水後, 就回家訓覺, 累死了

4日旋風柏林行(2)

8月18 星期六  Arena 

check out, 花好一點時間找第二間hostel, 諗住在附近間河邊cafe 坐坐就出發去第二間hostel, 驚覺原來Arena 就在間cafe 不遠處

其實點睇都覺得好正, 成個泳池在河中. Weekend entrance fee 只係4歐, 旁邊有間club仲有個antique market

pic from http://arena-berlin.de/badeschiff.aspx

今日天氣係好熱好熱, 但係落這個泳池真係好凍.. 2M 高既池對於唔太識游水既我係太高, 大部份時間都只可以坐, 同埋游過對面

接著來了一場locker 個鎖連所有belongings 都唔見既虛驚........

如果當時真係唔見晒d 野, arena 真係絕對要包我地食住2日連回程...

之後就去左hostel check in, 我地住在Ostkreus 的A&O Hostel, 話就話係Hostel, 間房比The Fabrik 這間3星酒店還要大還要乾淨..A&O Hostel 有好多分店在柏林, 其他在巿中心的都不能連住2日/要同人share 房..... 但係Ostkreus 既好處係近夜蒲點Ostbahnhof 同Waschauerstrass, 我地正正就鐘意這個方便處. Checkin 完立即訓覺..因為2小時後就要出去喇!