英國新BNO Visa - 申請資格及工作問題

話說大家近來都好期待知道英國會對British National Overseas (BNO) 人士有咩新措施, 7月22日英國終於發表詳情, 讓BNO 人士居住5年後可以申請永久居留, 1年後更可入藉成為英國人

這5年的Visa 可以是一開始申請2.5年後再續期2.5年, 或是一次過5年。持有這個簽証的人士可以在英國工作或讀書, 但不能享有社會福利

2021年1月1日起, 合資格人士就可以開始申請這個新既簽証

Photo by Emily Wang on Unsplash

新BNO 移民英國路線- 申請條件

• 你符合 BNO 資格 (即使你本來冇BNO 護照, 如你有舊的亦不需要續期)
• 你一般在香港居住
• 你要証明你財政上及住屋上可支持你在英國生活至少6個月
• 如適用, 你要表示你會願意努力學習英文
• 通過肺結核測試
• 支付申請費用, 及英國醫療保健附加費

申請條件可能會不時更新，所以請以英國政府網站為準: https://www.gov.uk/guidance/british-nationals-overseas-in-hong-kong)

好了。詳情就出左，我留意到的是，身邊的朋友由興奮變得審慎。能理解的, 路是多了一條, 是不是代表你要走這條路呢? 移居至另一個國家從新開始，一來要有勇氣，另一方面要好多好多野要考慮。

不論是移居去哪個國家, 我最最最最最常聽到的問題是

在英國容唔容易找工作?在荷蘭易唔易揾工? 在比利時難唔難揾野做?

...我其實都好想答案係易。作為一個外國人，唔熟識當地語言，而同當地人+ 其他同你一樣由外地黎居住既人競爭，答案一定係難。但係難, 係咪代表冇可能? 唔係。

先講如你讀既係IT, 或者係XX Engineering, 至小在歐洲己經可以好吃香, 人工隨時高過香港。

如果你讀或做既係generic 點既, 要搵返在香港差唔多既職位或人工水平, 就未必可以咁直接即時揾到。

如果你唔介意一開始先做義工, 讀下書, 做下另一行, 或由低小小做起先拿點當地生活同工作經驗的話, 將來要揾返以往既職位同人工其實係有可能的。至少我係咁。

另外, 如居留簽証冇包工作簽証既話(好似我一開始荷蘭申請既orientation year visa咁) , 仲要揾generic 工, 仲要唔識當地語言, 你揾工既難度係x999999  倍。作為過來人, 這方面真係唔係講笑

這張新簽証既然已經包左工作簽証, 加上其他申請要求真係算係好低 (又冇限申人數, 學歷同年齡) , 剩下來申唔申請, 搬唔搬, 就真係好睇你個人同你家庭考慮因素多點。

這張新簽証，有些人覺得一申請就係commit 移民。你其實都可以退後一步, 當佢係一張冇年齡同時間限制既working holiday visa (尤其是你係單身, 未有家庭責任)。冇人話你申請左唔可以返香港。你申請左都可以唔去; 去左唔鐘意都可以隨時走; 去左揾到工唔鐘意做都可以再揾過或走...我有認識既人去過英國做野覺得當地人唔value 佢既talent 返左香港; 都有聽過朋友既朋友去左挪威覺得悶返左香港等等。冇人可以guarantee 一切都順順利利 (係冇可能的), 外國亦有好多佢地既唔好處。如你唔知去唔去好, 你申請左去一年, 親身體驗過 再決定其實會更好。

有家庭小朋友或要照顧家人/長者的, 考慮因素會更多影響力會更大..

希望大家都可以過自己想要的生活。

6月30, 反枱日

早前已同新老闆電話講好, 7月1就開始唔返

接手當日6月29日, 突然話預左下個月我會返工, 因為我做得好什麼什麼的

做唔係問題, 不過7月中土耳奇的旅行已經訂好了, 我也預好左唔做, 我只想在柏林多留幾日, 見見剛開始德國working holiday的好友, 去還未去的地方

最後我隨口up 左個我可以最遲留低的日期, 大約一星期, 佢地就想我這星期都返工, ok...多搵小小唔係問題

====================================================================
6月30

他到柏林看我, 是日我放假..suppose 如無意外佢5點幾6點就到..

我就在7點尾醒來奇怪為何佢仲未到, 佢冇電又打唔到比佢, 剛好琴日還左上網隻usb 手指比老闆娘check 唔到whatsapp  或facebook..就走出街找上到網的地方, 至收到消息

原來他在過來的夜車中已經遇了些事已經要對上警察, 沒怎睡好, 電話又冇電, 行程又遲了, 到我宿舍我又不在(因上到網知道佢會遲就諗住出去接佢), 又開始下雨, 諸事不順, 最後, 佢擒入左我間房..........仲有人見到佢半天吊在我窗外...好在冇人報警........

我回來後告訴了他有關扣錢, 計錯糧的事..加上很多很多之前他都知道的事, 還未休息的他忍不住到樓下, 找剛梳洗出來的老闆娘單獨和平的聊聊

老闆娘一如以往, 重點回答 "這唔關我事" "我也不清楚", 他反問"那什麼關你事" 的時侯

老闆氣沖沖的走下來, 認定是他在搞事, 已經在怒吼, 拿出電話說要報警之類, 打電話比新老闆要求我地要立即走, 話佢白食白住仲搞事 (首先佢並冇白食, 我地放假都一早出街!!!), 話我地唔識法律, 保險已經打折等等, 他又不懂德文& 英文, 完全唔比機會我地講野, 他講德文, 老闆就怒罵"Kein Deutsch sprechen!!!" - "唔好講德文!!") 就往他肩膀打去, 再拿出鑰匙, 想亮出繫在匙上的軍刀

此時毛都悚埋, 我跟老闆娘各止一方才停下, 否則肯定有人流血.... 我們立刻退回房間, 執野走人

走前問老闆娘拿返我報稅張紙, 佢要求我在張証明我昨天出幾錢糧既紙上簽名, 我地唔肯簽, 佢都唔肯比張野我

拿著很多的行李, 在附近的警署摸門釘後打的去最近的警署

關於打交同blackmailing (扣留我報稅紙)的事佢地記下了, 佢肩上的紅印也被柏照留了証明, 可惜至於關於工作上要report 老闆報假數, 卻要我們到別處辦理, 我們已經很累也有很多行李, 決定先找地方settle 再算

之後在potsdamer platz 的他累到在街上都訓得著.. 在anhalter bahnhof 附近找了間budget hotel 留宿2天. 放下行李後, 什麼都冇食, 一訓, 由下午4點到第二日早上10點.. 整整18小時

我還記得老闆娘最後說
"你要知道中餐館跟其他地方是不同的, 你帶著他, 不要希望在其他中餐館工作"

呸!!!!!!
1. 首先中餐館本身也只是一間公司, 是有你這種人去打理才是變得"不同"
2. 你算係恐嚇? 唔做中餐館會死?
3. 唔知你點教你個6歲仔?

由當刻起, 除非我確實知道其員工得到應有的福利, 否則我一律杯葛中餐館

任務完成卻有一肚氣

一直在等既保險咭
終於收到
大學既final registration 終於也正正式式地交左
之後就係聽天由命既時間
批唔批, 都冇謂多想了
將會去土耳其9天旅行, 返到黎check email 就會知

============================================
今日也是我工作的餐館交接的日子
大廚明天將會是老闆
現任老闆今日就同我地清人工
最後佢地在我人工內扣了部份保險的錢

這件事，其實真係嬲
一開始以醫療保險引我繼續做, 等佢賣舖得以順利賣得安心, 我亦正需要交保險比學校
最後因為幫佢慳錢又要幫佢合法請我, 佢報人工只報200歐
which turn out 係令我冇醫療保險的
唔問佢張保險咭佢一世都懵你
搞左一排而家終於改返報420歐
但420 歐的話, employee suppose 係唔駛比保險錢, 全係由老細比
點知今日出人工時就講話又一人比一半, 100 歐　(都唔知係咪, AOK 話就算唔做自己比都係150歐, 一半都只係75!)
這個錢, 佢賭一次波90分鐘就冇左啦
佢係老闆我係打工，對100歐係多係小既睇法梗係會唔同
當employee  幫佢日日賺緊佢一個月人工既時候, 佢只係當你係草
佢而家既講法係覺得你做得好, 所以施捨你繼續比你做, 你當時唔做大把人可以頂上
佢真係唔諗下當時想人留低時佢點講野!

新老闆前文已提要會更差
我目的達成隨時拍蘿柚走人等睇戲

中國人, 就是利用對法律唔熟悉, 凡事冇所謂,  年輕天真而supply 大量既中國人
中國人對付中國人
真係好悲哀......................................................

我聽聞有朋友的中餐館是報足稅的
雖則經三除八扣後人工真係唔高
但係總好過拿得多點人工然後發現你應有既保障原來被mook(唔識打)削左

好多人working holiday 都係做中餐館
唔怪得之前有位曾做中餐館既朋友咁慨憤
我又係咪自閉得太耐變左憤青?

不過..我都有我目的留在這裡, 只是時間不許可, 令凡事都不能計劃完美
目的達到, 算係咁啦
可惜結果係點, 仲有一段時間至知
我只知我能控制的部份已安排好

是日有感

真的很多事無從說起

雖我返工六日每日十粒鐘幾乎是冇時間
返工時冇客n 老闆唔睇住時, 就會上網睇d 野..
放工後剩的時間不多, 又在房內或餐館內上網睇d 野..
放假的時間也不多, 除非落狗屎, 唔係都會100%外出..睇多一點柏林..

時間很小
但感覺還是很多事在發生
我也感覺在忙很多的事
感覺自己了解自己多了
之後的路明確了一點
勇氣還是繼續要有

我已經是香港小撮的人選擇了德國working holiday 的路..
也是這一小撮人之中再選擇嘗試繼續留下
小小撮人之中有一些方向
希望是這小小小撮人之中挑戰自己成功....

這段期間發現自己已經處理了/ 在處理一些我從未想過會要處理的/複雜的事..
每一次都會覺得這事是too much for me 既時候..
可是還是關關難關關關過..
挑戰個人border 後眼界又闊一點..
可接受的事(經痛苦的一輪掙扎後)又多了一點..

早一排我身處不確定中
現在這段時間已經叫過去了
雖還有些不確定性
但比之前的範圍縮窄得多
也在我可想象範圍之內

今天突然想爸媽
可說是在德以來第一次
真想給他們一個緊緊的擁抱
問一句你們會以我為榮嗎?

還有事要等, 要research, 要處理
各樣的挑戰會繼續來
不知哪來的毅力, 請繼續陪住我!

工作, 態度

之前為了連請4日假, 先是連踩11日, 放假後再連踩10日
唔係佢地唔比我放
而係我自己都冇提起要休息
可能咁佢地都唔記得左原來這個人係要休息的

休息一天, 原來唔放好過放
反正返工返到慣, 返到唔知星期幾
放一日假, 就會想放多幾日, 但想起明天又要返工, 又不能外出太晚

我發覺雖然現在返的工種跟香港截然不同
但係在港學到既soft skills/ 處事的態度, 去到邊度都應用到

我更了解自己做野既態度
我唔太鐘意人地order 我做野
也唔鐘意人地在我負責的範圍內挑到有咩毛病
所以
我負責的範圍都會做得好, 而且
在人地未叫我做之前我已經做好左

在這裡
唔係我做就老闆娘做
佢唔想做/佢冇做咪又係我做
反正都係咁
就未係佢出聲之前我就做好左
等佢冇得挑我有任何野未做/做得唔好
佢未做個份我都做埋
到佢想挑既時候又發現原來冇野好挑

哈哈 :P

不過我也知道, 我不能再做餐館喇
還是找份對自己將來有點作用的工
也不希望再是這個人工喇.....

水吧工作記

不知不覺差唔多做左成個月

這份水吧工, 一星期返六日, 返11:30-22:30 (本來老闆話係21:30, 囉) 包食宿

要做既野主要係斟酒水比客, refill 酒水, 收洗抺杯, 洗吧枱, 收抺枱, 放好餐巾刀叉, 仲有林林總總既小事, 唔駛洗廁所(因為我有朋友做水吧係要洗廁所架..which i cannot accept...)

full time 在間餐館基本上只4 人, 老闆+廚 負責廚房, 老闆娘+我 係跑堂+ 水吧, 星期六日廚師的侄女來part time, 還有送外賣同清潔2 人, 需要時才出現

人工不算高, 但我想working holiday 的人已經覺得ok..這個人工本是要交稅的, 不過我沒有稅咭, 也做不長, 老闆又冇所謂(其實唔交稅佢付出都小d 架), 但冇交稅同時又等於我冇medical coverage..其實有咩事都冇保障

不過即使要再打工, 我唔希望係中國人老闆..

老闆老闆娘人是很nice

不過處理事上我不很認同..
比如..
我連續放假4日, 早早通知了老闆
差唔多就到我放假佢地才急忙找人
我話我幫手找人佢地又唔show 我
最後有一個住在另一城巿的女生講明想找長工
老闆叫左佢黎做
佢專程搭火車黎到
做完4日就放假
老闆再推佢去見其他工
這個女生當然十分唔高興, 但也無能為力, 最後搭火車返歸, 4日人工, 有2日人工花在火車票身上, 賺了2日的工資, 還賺了多日既無奈同震怒

方法有咁多,時間又咁充裕,  點解佢地要用這個方法呢?

這個女仔走的當天, 我也很不悅, 佢地都feel 到, 最後老闆娘來同我扮friend 係咁撩我傾計扮傾心事, 兼數這女生的不是
我只問了一句
"其實你地係咪請長工呢"
她心虛的別過頭去
"這個我不知道, 你問老闆吧!"
靜。
心照啦

她很會裝公事都唔由佢決定. 既然你唔干預公事, 早前3次無理要求我早返工30分鐘, 我都唔理你是很應該的

同時老闆娘很喜歡避免你找到老闆
怕老闆同其他女仔接觸好, 怕你同老闆傾任何安排好(請假, 明明話放9半做乜放10半etc)
我覺得後者多..

老闆是什麼都到時先算的人
即使比你問到都冇乜用..
一開始什麼都話得, 到時先話唔得個種..

還有擦鞋的廚..
老闆一齊食晚飯既時候就好好餸..(可能係老闆自己煮的關係..)
老闆唔一齊食的話..只得一碟青菜(+洋蔥或青椒), 多謝晒..
早上一人一個豬仔包..(佢放假時另一個廚會煮面..)

有風吹過話這個廚會在不久的將來買這間舖
i thought to myself..(what the fxxk..)
咁姑寒的老闆..才不要在這裡工作..佢買舖之時, 也將是我visa 到期之日..即使能留, 情願轉工

他們這樣對這個女生, 對我也不會有什麼優待
對我口頭上有多好的評價也好
心裡卻還是覺得隨時誰都可以來取代
偽善
討厭的中國人特質

但基本上這工我已經覺得是比部份人的好..
至少我住的房間很不錯
老闆娘年輕,也受過教育
只是我不認同他們處理事情的手法
己經好過我聽過的一些老闆出價很低, 以及/ 或老闆娘脾氣臭, 苛刻, 洗人唔洗本
對他們來說, 在這裡找工作的中國學生多的是, 你唔做還是有其他人做. 工資雖不高, 但相比國內已經好很多. 沒什麼感情好言.



======================================================

在這裡孤身作戰
還是要變得強硬一點..保護自己多一點..這裡不時感到底線被挑戰
以往很冇所謂的我, 這些日子以來, 會set 底線, 會say no..有些事變得有所謂..不想不願意的事情 說出口..(真的很難..)
基本上對人的警戒高了..信任低了..由過份樂觀變得審慎了
當然不只單單因為這份工作..還有好多好多的事

你不為自己爭取, 誰會為你爭取?
要知既事真是要問到底, 這裡沒有什麼是by default 的

可能這些日子內遇很多不同的人, 也是自己在港時日常社交不會遇上的人, 所以覺得香港比較單純..我想是我在這邊遇到香港人才能放鬆...

4月1 回歸德國-柏林

經過一日的努力, 在開元網找到一份在柏林的水吧工, 老闆幾乎只係問左我有冇做過水吧, 就直接叫我去返工, 好明顯, 這是太幸運...怎會一日就找到..

卒之3月31日夜巴士由amsterdam 出發至柏林, 4月1日抵達後周圍走完, 4月2日就即上崗

working holiday 的working 部份終於返來了, 包食住有wifi (不過data有limit....) 正正係我想找的, 唔洗煩找屋的問題, 1星期返6日每日10粒鐘, 淨做唔駛點洗錢, 辛苦點但係還是我想要的- 要level 返之前用左的$, 至少level 左我在amsterdam 個半月的洗費先..話時話我個半月在amsterdam 洗的錢係950 歐..已經唔係成日出街都洗咁多..!?

我的working holiday visa 5月底到期, 我將會用盡佢黎打工, 之後點都會有小小旅行..再之後我會在何方..就留待今個月底, 看我的命運如何了! 離開歐洲前, 我還是有個地方是一定要去的..

至現時工作一星期, 老闆老闆娘人都好好, 唔識德文唔緊要, 但要唔錯既普通話. 雖我自問都ok, 但有時佢講完我都load 唔到係咩.. 近來最大的挫折係講完第一句後就比人知我係香港人 XD

放假的時候就join 左個免費(但會比tips)的walking tour 行柏林最key 的景點, 之後去了sony center 的cinestar 度睇左場the hunger games! 原來我已在慕尼黑, 倫敦, 阿姆斯特丹, 柏林都去過戲院睇戲了!

這樣工作的日子, 時間過得很快

近一星期的景況

如要形容我的近況, 而我係一個好負面的人既話, 我會用"衰到貼地"黎形容

首先是25.10, 實現也許是你的生日願望.

當晚用了想睇好耐而又未睇的新世紀福音戰士電影版+ 破黎分散自己注意. 真係好好睇, 好期待Q 快d 出

26.10 起身再用想睇好耐而又未睇既slumdog millionaire 分散注意. 幫房東燙衫既時候還是想起, 希望恤衫唔會留有咩痕跡..亦趁佢不在, 是晚請左3位朋友來家煮食+屈蛇, farewell我又好, 陪陪我又好, 分散我注意也好

27.10 急忙pack gip, 下午ride share 去到Frankfurt, 在車站邊上網邊等在Frankfurt 的朋友返家, 開始屈蛇, 打算30號搬去darmstadt (好不容易租到屋)

28.10 (星期五) 早上買左frankfurt-darmstadt 的月票 (多謝承惠156 歐), 去左間agent 度簽contract, 準備31.10 (星期一) 開工

同日下午遊了離Frankfurt 40 mins SBahn的 Mainz. 此時, agent 下午4點急忙地打電話黎話個project cancel 左, 閣下可以唔駛返工了. 曾於6點前打電話返agent, 永遠都去留言, 我電話charger留了在慕尼黑, 電話瀕臨死亡邊緣

WHAT!? 由8月開始等, 花左咁多時間等, 10月頭同我講10月底返工, 即刻係咁找屋, email back and forth 左咁多次傾details, 仲由慕尼黑搬家黎到Frankfurt 簽埋contract e 一刻同我講cancel? 點同darmstadt 既房東交代!? 咁我留O係frankfurt 做乜呢?

當下冇mood 5分鐘, 之後繼續遊我既Mainz. 星期六日佢唔開工, 返到家check email 連email confirmation 都冇, 都唔知係咪, 決定唔理, 星期一踩上佢office 搞清楚


咁惡劣既環境下都有好事一件: 電話冇電, 博一博去左Mainz 間Saturn(買電器的舖頭) 問可唔可以比我差電, 又肯比我咁做!


同時好老實的email 左darmstadt 房東講出我的情況, 好在佢冇野, 同埋好好彩地, 佢冇request 我要比deposit.

29.10 本來今日ride share 早車去Heidelberg, 鬧鐘set 好左, 點知原來set 左只係weekdays 冇響到. 所以去唔到..變左冇計劃

下午同左同屋出去行+食sushi, 晚上同左2位剛抵達frankfurt 的working holiday makers 食個晚飯

今日去唔到heidelberg, 反正明天己經唔駛搬屋, 就改明天去, 仲拉埋O個2位一齊去, 仲平過ride share 自己去

30.10 去左heidelberg. 秋天都幾靚, d 葉綠黃紅都有, 如果天色冇咁灰暗, 景色將會係一絕!

31.10 先上client company, 目的只係想親耳聽佢地講真係cancel 左, 唔係agent 吹水
再上agent, 討論後事如何..suppose 佢地係要賠返我contract 所講的人工. 佢地最後verbally 話比"goodwill money" 我, 叫我簽左張contract termination 才可以transfer 錢比我. 成件事咁亂, 我也只能半信半疑. 月票要退回都係要我自己搞, 但肯定冇得100% 退回...硬食

同日遊了離Mainz 5分鐘SBahn 的Wiesbaden. 其實d 景點都幾靚, 可惜好多只可遠觀不可內進. 當地有個casino, 竟然係要比入場費先可以入去, 入casino 已經係去敗家架啦, 仲要比入場費?

1.11 這幾天其實已經度左我既contingency plan, 就係將我既amsterdam + london trip 提前, 這幾天只要可以上網我都係在找transportation. 家裡冇得上網, 就在starbucks 花了整個下午上網. 就在買機票的一刻, 發生了冇帶passport 驚魂.

當日即刻諗埋冇帶passport 就第二日返慕尼黑拿再出發..因為當時由amsterdam 去london 的車票己買, london 回munich 的機票這一刻check 到有平, 唔買冇得買, 把心一橫, 不論passport 在frankfurt 定munich 都要買, 因為反正冇得返轉頭了! 好在返到家, passport 乖乖的在我gip 內

2.11 搞我十分last minute 既couchsurfing..花了至小5個鐘在電腦前發了50+個request. Amsterdam 同London 有咩景點仲未知呢.

是日將月票退回, 套戥104.2歐, 只有原價的2/3.

在frankfurt 的日子, 慳錢慳時間的緣故日日至小一個McDouble. 一開始research 我就冇留意時間,食無定時, 個trip 就開始未定住宿又緊張, 開始胃痛了. 晚上打算唔再食McDouble, 食返好小小, 在中央車站一間asian 餐廳想慢慢的食個飯, 卻遇著德國人站在我旁邊要錢, 仲話在門口等我. 趁剛好有位警察叔叔來買野食的時候, 就一支箭咁跑出餐廳, 結果還是冇得安樂食返餐, 跑完換來胃更痛

還好我唔係一個負面既人. 繼續祝我好運罷

14.10 德國是個福利社會呢..

自冇做野至而家開始習慣了早睡早起, 12點零訓8點零9點起身, 睡眠很充足
天氣開始冷了, 唔check 唔知今早得一度, 但係太陽仲好猛所以出街感覺都唔凍

之前知道這裡打工的annual leave 都很多..比如朋友就有成30日..這個數字相比香港的12日..

今日同德國朋友講起這裡的medical insurance
在這裡只要你有收入你就complusory 一定要有份medical insurance
簡單黎講因為你份保險, 你只須三個月比一次10歐就可以任睇醫生(牙醫另比10歐)

原來除左咁之外仲有更筍既野..
就係保險公司為左唔想諸位有咩事上黎醫藥費貴, 佢地想大家定期做check up..有咩事可以及早 搞搞佢, 定期檢查係有錢收架!! 仲要唔小tim...e.g 一年睇一次牙有20歐..2年body check 一次有100歐etc..我O係香港好恨有定期check up 做, 公司medical 又冇包..洗費真係貴..絕對覺得這一著真係好正.. check 對自己好又有錢收, 保險公司又安樂d, why not???

當然凡事係兩睇, 你要有付出至會有咁好既benefit 啦..在德國打工, 只要你人工過400歐..就要交稅, 德國好貴稅..身邊幾位單身人士就個個月交4成稅, 幾乎你人工既一半, 所以就好睇自己點衡量喇

昨天終於收到contract 喇, 感覺即刻踏實起來. 工作由31.10 開始至18.11, 三星期, 開始找屋了..希望順順利利, 有點兒期待! 法蘭克福我又黎喇...!

也因有份工作, 我也應將會有medical insurance, 有需要可以用黎睇皮膚

請我喇~

難道心靈感應??
真係琴晚+今朝諗住send email 去claim frankfurt 的車錢順便問下其實份工情況如何..本來話等2-3日, 而家都等左個半月!!早2日仲已經開始計劃緊好好利用10月尾11月去旅行..

今朝出門返工時就收到電話, 先問我收唔收到上星期既email.. 我email 都有regular check 就唔見有, 問落就知道左- 請我喇^_^ 真係我好理想既工作, 大公司, 人夠international, 5日工, causal wear, 好靚既office + pantry + IT (我之前都係做IT) + Language, 簡直完美!! 開心, 有小小mixed feeling, 因為要離開慕尼黑, 加上近來我在這裡能量低..為體驗O係德國工作, 順道來個改變, 真係冇reject offer 既理由

同時 = 我又要再搬屋! 又 = 我既旅行計劃要提早! (雖然有d 困難+ 貴)

10-13/8 小記

- cut & coloured my hair BLACK, 第一次染黑,  好唔慣, 但總覺得黎到, 係要proud of 自己的膚色同髮色. 同埋貴到hihi, 又染得差, 冇下次.
- book 左rideshare, 由frankfurt 去cologne, 第一次玩rideshare
- 琴日有個好消息係房東肯減租, 壞消息係只可以住到9月尾, 本來我都決定左北歐trip 返黎就搬家, 對我冇影響, 但係擔心10月頭返港的同屋, 希望房東同佢間學校傾到extend 多幾日啦!!
- 近來開始發覺同德國人之間既文化差異..
- 打算星期六唔返工了, 一星期7 日夜晚讀書/做野真係冇朋友
- 仲有個零鐘出發frankfurt, 感謝德國人朋友幫我找了佢frankfurt朋友比我住2日, 但係車錢claim 唔claim 得返仲係未知數
- 欠違了的高跟鞋, 2個幾月冇著, 而且今次買O個對真係太高, 唔係好行到路
- 琴晚先得閒睇北歐團details, 原來係巴士團, 去丹麥瑞典挪威芬蘭, 執gip 極求其, 只將本來都冇乜既冬天衫放晒入gip
- 執好晒gip直去車站, 火車出發前10分鐘才買票. 由慕尼黑搭去法蘭克褔, 中途才有時間準備下interview
- 去到frankfurt 要轉ubahn, 兜兜轉轉才找對的方向, 跳左上車即刻發覺我係冇買車飛, 即刻心跳加速, 下個站即落車買飛, 迷網在買票機前, 好在有好心的德國人幫助
- 去到同新朋友約好的站下了車, 卻一直打唔到電話比佢, 佢又冇打比我, 我又冇佢地址, 等左近一粒鐘, 在我打緊message 比我個德國朋友之際..佢出現左了!!!! 真係以為自己又訓街..原來我save 左個錯電話, 佢又冇save 我電話..好在大家約好左O係O個個站見面ja.

- 11/8 interview, 間office 好靚!! 又好multinational, 真係係我好想做ge 公司類型~仲可以casual wear. 講返interview, 因為temp job 既關係, 其實冇formal 既interview, 只做左一個個人覺得都幾簡單的test, 個interviewer 即場對答案, 我見佢不停地剔, 之後講"This is the best result I even had! I am so impressed!" yeah~ 應該99.99%得卦???不過之後同個agent 傾人工, 就..um...唔係佢當初講咁, 但係其實都好唔錯
- 之後就在frankfurt 遊走, 所有tourist spots 都好近, 亂行既我都幾乎去晒了, 最正就係鐵橋, 大風吹過feel 到條橋有小小震, 同埋見到好靚既晚霞..

17/6 第二份part time

第一份part time- babysitter- 做左個零星期, 可能個小朋友都乖吧!!感覺都做得唔錯。

老闆人很好, 知道我想揾多份part time, 佢又知道有朋友想請人, 琴日就比左contact 我打去問, 係在餐館幫手的(今次真係喇), 當日晚6點幾7點就直接過去餐館見見面

這家是高檔港式菜的餐廳, 我當初唔知道, 仲著得好hea, 有點唔好意思。老闆很友善很健談, 簡單談完工作範圍,時間, 就開始聊天, 背景家庭股票生意無所不談。 而且我知道佢老婆係做Healing Therapist, 覺得真的有點緣, 因為我好友對這方面極有興趣! 同時知道佢都是相信吸引力法則, 佢都話好多有錢人黎佢度食飯, 都係有差唔多既想法! 閒聊完,很喜歡這種很正面的感覺!

最後我近11 先走, 中間老闆請左我食2餐飯+好多杯野飲!!

德國人的口味都幾咸的, 味道都較重味

這份工不是regular 的, 就是他需要人手時會打比我, 最後一連二日都去左幫手, 第一日都好緊張, 因為未做過, 有倒瀉過菜汁, 第二日教左我小小水吧工作, 終於可以自己整到Spezi, weisseschorle, apfelschorle, 倒到支裝啤酒落杯又有點泡; 清理好枱面又可以放好餐具, 總算有效率同冇做錯野, 哈哈! : D

第二日返工的晚餐, 炒鴨飯, 給自己整了一杯apfelschorle (蘋果汁+ 有氣水) 試試 : D

Babysitting 份工包lunch, 這一份基本上都包左晚餐, 所以2份都返晒的話, 我就只做早餐就夠~

繼續~~~~~只欠讀書, 只要讀書fill 埋我下午的時間, 就係當初我最ideal 的時間安排! (雖然好忙)

6/6 慕尼黑日出+ 首日返工

係咪天意, 就在寫完循環O個日的第二日, 晨早5點幾就扎醒左, 望出窗外是粉紅色的雲層, 要我看到慕尼黑的日出, 實在是驚嘆她的美

真是感覺到她是在告訴我一些什麼的

 約半小時後

 

 就這樣坐望著天空約1句鐘, 就翻訓了!

今日係第一日返我份part time 既工

查左iphone DB 個app, 找左條路線返工 - 地鐵轉巴士
返12 點, 11點出左門口, 但因巴士遲左10分鐘, 返工都遲左10分鐘..
老闆之後都點返條啱路比我, 原來返工附近係有個地鐵站架...

比老點了在這裡轉巴士..

本來我知道這份工是在餐館內幫手, 收銀呀舀飯菜咁, 最後原來係去照顧佢一個2歲既囡囡~變左做babysitter!

 在地上一齊畫公仔- (之後係有刷走的)

晚上去左巿中心試試真正的德國豬手!!

巧, 巧, 巧!!!!!

上回提到: facebook 有個working holiday 的女仔A 小姐post 左想同人share 房, 因為佢同屋會搬走, 所以我就同佢聯絡傾下詳情

剛好同事話我知AM730 有個人寫關於在德國working holiday 的專欄, 一睇個樣, 好眼熟!
好似係同一個人WOR! 唔係咁橋呀嘛!?!?

本來諗住去到一齊住咪証實到, 就冇再諗. 近來A 小姐在fb介紹另一個朋友我識, 佢朋友問我係咪有睇個A小姐既column,  當下覺得已經99.9%係!! 咁啱A 小姐去左london 睇皇室世紀婚禮, 我就刻意睇AM730個column, 果真係當期就係這個topic, 卒之問一問A小姐, 原來真係!!! WOW!

==============================================================

不久之前我confirm 左份在中餐館的part time 工作 (又係在偉大既FB 度見個老闆出post), 個老闆提起係有個WHVer 唔做, 但唔知點解佢同我講有位W 小姐話我會住佢間屋, 我都唔知W 小姐係邊個, 我屋又另外同A 小姐settle 左, 係咪有咩誤會....??

同時我又同A 小姐講, 我找到份part time, 佢笑說O個份工佢各有3個朋友做過, 第3個朋友做緊, 我係第4個~

===============================================================
閱讀理解題..A 小姐話佢同屋會搬走, 佢朋友做緊我份新工, 老闆話有個WHVer 唔做, W小姐話我會住佢間屋

我的理解, W 小姐就係A 小姐的同屋, 兼係老闆的兼職

我早前在FB不要面地不停add 人時, 的確有位W 小姐, 又係住Munich, 咁就inbox 佢問下, genau!!!!!所有謎底已經解開!!!

我的確同時係佢屋 AND job 既replacement !!!

真係好巧合!!!!

可能係兜左好大個圈(i.e 一開始已聯絡到W 小姐咪爽晒!), 但成個過程, 真係好新奇同過癮~~正!