葬禮

上星期她離世了
是我打工那位女士的媽媽
她們各有自己的屋子
但距離很近所以她們都會到訪大家的家
由我開始打工便開始跟她媽媽有接觸

在荷蘭跟老人家接觸多於在港時
在這裡認識的
都令我大開眼界, 啟發了我很多

他們都很樂觀很堅強
到他們家作客的話
都會堅持招呼周到
作客的只用坐坐飲飲食食
他們不要,不需要也不喜歡別人幫助
年紀都過80了
身體總不如年輕人
但他們還很有活力生命力
十分的自力更生

他們不是有錢
都只是住政府的公屋
他們喜歡有自己的空間所以獨居並不是問題
老人家有政府資助可以請家務助理打掃家居

她離世前一段時期她都卧病在床
醫院的病床直接放在家中客廳
每天有三位不同的護士來照顧和觀察
我不禁擔心她們的開支
但原來這都是包括在全民基本醫療保險內

記得她知道自己生命距離完結不遠時跟我說
I lived a long life, but a happy life, so it's ok
這真是我第一次從老人家口中說出來

話說荷蘭是有安樂死的
如要安排
是需要醫生及一位第三者在場作證
也要連續數天她都肯定要作才會成立
她不是十分肯定
最終沒有做

今天是她的葬禮
天下著雨
說再見的儀式
荷蘭語我未聽得懂
但我知道大家都很愛她
我也一樣
儀式完結
遺體就移到下葬地點
每人在棺木上放下一支淺粉紅玫瑰送別
然後到會客室喝點東西, 吃點小食, 聊聊天然後離開
整件事很美很美

她的女兒-我為她打工的女士- 有著糖尿病, 身形倘大, 單身, 現在要完全照顧自己
相信之後的路不會是好走
幸好我知道她跟她媽媽一樣堅強
她的溫暖,關懷及樂於助人的性格
令她身邊有很多樂意幫助她的人

很希望自己老時也能跟她一樣正面堅強, 無悔一生
她是我遇過最美的人
很高興認識妳
我愛妳, Lida
再見

思

想睇書好耐

首先找英文書都已經唔易,

找到有英文但唔知係咪荷蘭人剩係睇fiction

都找唔到想睇果類

終於唔小心地留意到學校附近有間2手英文書店

在地牢既小小角落裡找到本較合眼的買了回家

然後看著看著想了點事

以前看的什麼經濟書云云會建議我們現在要為將來退休儲好足夠既錢

令將來冇工作時都可以保持而家既生活水平

然後大家開始計如果自己退休後仲有x年生存的話
原來要儲 y百萬元既錢

驚覺原來錢要而家立即現在即時這刻開始儲

然後上班消費都變得有壓力要計數

這都是對的, 我也認為將來是要打算及計劃

(只是現在我什麼都沒在做)

書中提到人要感覺自己富有與否,是要跟別人比較

人有我有的話不會令自己感覺富有

如果其他人比我有更好的更甚

這2樣野加埋

令我諗到

也許

如果不是因為人都想自己有的比別人好

或都要同其他人或潮流科技同步

如果我們不是活在這個消費型社會

我們所謂的 "現有生活水平" 本來就不會這麼高

若我們可以調整 "現有生活水平" (當然唔係要下降到令自己過得好凄慘) 

那將來的生活所需的那一筆要算起來一定會較低

也許我們只要悟到如何可以過less is more 的生活

又能接受自己活得跟別人不同

那我們便可以更著眼調整自己現在的生活

小買能省錢, 又可降低"現有生活水平", 令"將來生活所需"下降

人不是會輕鬆很多嗎?

Reach out..

Some things are really not going well...
i wonder if i can help
how i can help
how anyone can help
who can help
who should help

i used to think that i should just leave
but leaving leaves the problem unsolved
and makes the problem even worst

how to tell someone to stop doing something when one doesnt think its wrong, and meanwhile you are not convinced that it is that bad too?

how to get someone's life back when one has already lost it for years?

how can i live with everything thats going on?
...

7月份

轉眼7月過左, 冇工作既我, 時間何以還是過得那麼快?

重點是旅行 - 去了9日8夜的土耳其(istanbul+ pamukkale), 小休後又即興到了荷蘭最大離島Texel 紮營4日3夜

不過去之前, 又發生了一堆事. 上回提及有一個基本問題, 回來之後這個問題困擾我良久..再這樣我真的會受不了, 但真的很難很難提出,.. 可是某天, 情況對的時候還是說出來了. 雖有掙扎, 但最後的坦誠, 我真心相信, 在我識既人當中, 絕對冇可能有人做得到. 他也不可能對其他人有同樣的坦誠. 對於我的影響, 就像腦部未開發的地方突然打通. 腦開發. 我曾這樣跟我的朋友形容: 這個人, 我真的裡裡外外都認識了

是真的, 相信我, 這不是件容易的事. 前無古人, 我相信後也無來者.

之後同一個星期四, 這應該是第一次跟他和他哥哥一齊出去. 到左一間club 過左瘋狂又美麗的一晚. 其中一樣好難忘的是我見到我覺得這生之中最靚有最女人味的人, 但佢係一個男人, 是一位Armani 的model

那天我更了解的不只是一個人, 是兩個人

到了早上的白痴事, 不會再出現, 但大家卻慶幸發生了, 理由是遲早都發生, 早點不好嗎?

不過呢, 了解了並不是KO 了件事. 還得要接受, 要磨合, 是無間斷的工作...

8月了, 要接受讀書方面的現實, 其實已經放棄態度, 但今日見到有人連offer 都無, 又令我諗諗難得有機會, 放棄是好嗎?  但是能力方面...........

7月4日

走了, 問題不是解決了
來了, 也不表示一切會好起來..

我回到了一個當初已出現的問題內

..而這個問題, 我真的不懂應怎處理..
也不知從何, 及跟誰說起


一直在黑暗走著
幾時才會見到出口的那點光?

那邊廂
你終於走出陰霾
找到新幸福的希望

這邊廂
...
.....

是日有感

真的很多事無從說起

雖我返工六日每日十粒鐘幾乎是冇時間
返工時冇客n 老闆唔睇住時, 就會上網睇d 野..
放工後剩的時間不多, 又在房內或餐館內上網睇d 野..
放假的時間也不多, 除非落狗屎, 唔係都會100%外出..睇多一點柏林..

時間很小
但感覺還是很多事在發生
我也感覺在忙很多的事
感覺自己了解自己多了
之後的路明確了一點
勇氣還是繼續要有

我已經是香港小撮的人選擇了德國working holiday 的路..
也是這一小撮人之中再選擇嘗試繼續留下
小小撮人之中有一些方向
希望是這小小小撮人之中挑戰自己成功....

這段期間發現自己已經處理了/ 在處理一些我從未想過會要處理的/複雜的事..
每一次都會覺得這事是too much for me 既時候..
可是還是關關難關關關過..
挑戰個人border 後眼界又闊一點..
可接受的事(經痛苦的一輪掙扎後)又多了一點..

早一排我身處不確定中
現在這段時間已經叫過去了
雖還有些不確定性
但比之前的範圍縮窄得多
也在我可想象範圍之內

今天突然想爸媽
可說是在德以來第一次
真想給他們一個緊緊的擁抱
問一句你們會以我為榮嗎?

還有事要等, 要research, 要處理
各樣的挑戰會繼續來
不知哪來的毅力, 請繼續陪住我!

Germany working holiday (首回合)回港後感

於28 Jan 2012 的日記

============

sometimes i wonder whether it is the best for me

sometimes i think to myself just go n u will know..

有時靜下來就可以諗得好理性

但有時顛起上黎就咩都唔會理

今天突然有感..

一向自問近年對$ 既管理都唔錯, 至少我係鐘意慢慢儲錢的人, 雖然比好多人儲得小(好過冇or 負先啦), 但見佢慢慢成長會開心的

返到黎發覺原來自己"剛巧"安排到有2張credit card 係欠我錢的 (強調:係欠我) 小小地都有幾百蚊用, 碌完咭唔駛還, 就會多謝6個月前既自己, 為6個月後既自己做左e d 野

返到黎個幾2個月

0 收入, 只有支出

雖洗得唔多, 但於我感覺不太好

先幸好我不是購物狂..

但是以往有收入的日子, 買點喜歡的東西送自己, 食多幾餐好既, 都不會有任何擔心

而家要減少接觸誘惑, 總覺得有野約束住, 要顧著不要多支出

並不是說我山窮水盡..只是不喜歡見住cash flow減小..

去working holiday 6 個多月, 不負責任了6個多月

其實也有怪自己這6個月都沒為將來安排任何野(雖然的確這是當時的目的..什麼都不管), 又沒有瀟瀟灑灑的收尾, 回來還要執手尾

就好似自己一向都有舖開前路既習慣, 但舖到出發working holiday 就冇了

由當時到而家的日子都是見步行步.......

新一年的"計劃"也因為一時的情況而訂

回來執信時發現原來我d 信係已經好organised, 一日就KO 晒6個月既信..也是因為以往的習慣方便了而家

同過唔同既人講起

我再出發的態度是跟第一次迴然不同

這次有更大的uncertainty..心情又唔同..心境又唔同..

今次去既目的, 明確明智嗎?

visa 5月尾到期

由出發至5月尾都只係3個多月, 好短者, 其實, 擔心咁多做乜? 

這是因為, 連是否5月尾都係唔肯定吧

visa 完了仲有3個月travel visa, 所以可以係8月底

以當初因為唔知點計劃而計劃的讀書計劃計, 讀得了書就再加1年或2年

雖則而家仲未apply

個人新年休息至今都未繼續找理想又合乎budget的科目

但係1-2年喎..要住要食要生存仲有返小小娛樂又唔想影響儲蓄

似乎影響唔到saving 既成數好細, 而且仲要好辛苦地做part time 

再者讀完書順勢在當地找工

唔鐘意當地話就話可以返黎找

但到時pick up 返我以往種下的根基, 會太遲嗎?是否一切都改變?

但係等陣..這是不是我想過的生活?

當初想回去的原因?

明明不打算讀書卻有讀書的念頭, 原因?

值得這麼辛苦,值得連所剩時間唔多也要花這麼多時間去證明最後是否值得嗎...?

會幸福嗎?

之前覺得要見識, 覺得人生在世必試一次, 唔係會一世後悔的心態

而家都去左, 這種心態已經冇左..今次去的原因, 也許真的唔係好說服到自己..

還是..這裡有牽繫著我的有很多....

sometimes i wonder whether it is the best for me

sometimes i think to myself just go n u will know.

談外國之愛情觀

這是我最覺得有cultural shock 的事
一直都知外國人open, 但什麼是open?

記得之前在慕尼黑的同屋是德國士其奇人
他告訴我
這裡的人, 朋友之間有性無愛是很平常的事
即使牽手接吻更進一步都發生過
只要雙方不提起的話
就不是男女朋友
只是有性的朋友

要是想作男女朋友, 就要大家有討論過, 有問起過才是
我o 咀, 當時想也許只有他是這樣
還暗想他是個pk

但早前在我這打工的那個女仔也提起
她德國的男同學也是這樣想
對他們來說, to be in a relationship, 已經是考慮到對方是結婚對象, 對他們來說是一件很認真很認真的事, 是已經要知道大家將來路向是否一樣等等的

也在荷蘭朋友得知, 他有朋友也是一直不跟女生提起大家的關係, 所以這不只是德國人的觀念, 可能是歐洲吧, 也聽說美國人也有這樣

於我第一次聽這事, 作為一個自以為不算保守的人來說, 覺得真的不可接受, 也發覺自己原來真的是很保守, 覺得這次序是不是倒轉了?這對女生是否不太公平呢?

但在這裡, 是沒有我們傳統 "女仔係蝕底d "既想法
男女都覺得這是各取所需, 男女都會享受, 怎會有不公平?
這裡女仔也會主動的啊
比如說, 我見過有德國男生的手機內有女生發的sms 直接了當的問今晚要不要
男女都單身的話, 男生要對主動offer 的女生say no 有絕對的難度啊
猶記得Ockoberfest 內有對single 的德國男女不停的相擁接吻並不停的拍照留念, 過後還只是朋友, 要接受這樣的關係, 要是我的話唔知要訓練幾耐才行, 真不容易!
single 的話可放縱自己做任何事, 聽來是不好, 其實不也是對的嗎? single 不用向什麼人交代, 重要的還是自己接受

我當初真是覺得不可理喻的, 但這樣想便中了拿自己的價值當成可以apply to the universal 的價值之陷阱。 不同地方有不同想法不同觀念, 到一個新環境, 固有在香港的理所當然, 在外國是不會再理所當然的啊!

去了倫敦十分感受到香港真的是被英國統治過, 交通街道很熟悉的感覺, 人也是保守單純的
所以, 香港的男仔其實我還是覺得比較好呢..至少我身邊認識的都很純品

工作, 態度

之前為了連請4日假, 先是連踩11日, 放假後再連踩10日
唔係佢地唔比我放
而係我自己都冇提起要休息
可能咁佢地都唔記得左原來這個人係要休息的

休息一天, 原來唔放好過放
反正返工返到慣, 返到唔知星期幾
放一日假, 就會想放多幾日, 但想起明天又要返工, 又不能外出太晚

我發覺雖然現在返的工種跟香港截然不同
但係在港學到既soft skills/ 處事的態度, 去到邊度都應用到

我更了解自己做野既態度
我唔太鐘意人地order 我做野
也唔鐘意人地在我負責的範圍內挑到有咩毛病
所以
我負責的範圍都會做得好, 而且
在人地未叫我做之前我已經做好左

在這裡
唔係我做就老闆娘做
佢唔想做/佢冇做咪又係我做
反正都係咁
就未係佢出聲之前我就做好左
等佢冇得挑我有任何野未做/做得唔好
佢未做個份我都做埋
到佢想挑既時候又發現原來冇野好挑

哈哈 :P

不過我也知道, 我不能再做餐館喇
還是找份對自己將來有點作用的工
也不希望再是這個人工喇.....

水吧工作記

不知不覺差唔多做左成個月

這份水吧工, 一星期返六日, 返11:30-22:30 (本來老闆話係21:30, 囉) 包食宿

要做既野主要係斟酒水比客, refill 酒水, 收洗抺杯, 洗吧枱, 收抺枱, 放好餐巾刀叉, 仲有林林總總既小事, 唔駛洗廁所(因為我有朋友做水吧係要洗廁所架..which i cannot accept...)

full time 在間餐館基本上只4 人, 老闆+廚 負責廚房, 老闆娘+我 係跑堂+ 水吧, 星期六日廚師的侄女來part time, 還有送外賣同清潔2 人, 需要時才出現

人工不算高, 但我想working holiday 的人已經覺得ok..這個人工本是要交稅的, 不過我沒有稅咭, 也做不長, 老闆又冇所謂(其實唔交稅佢付出都小d 架), 但冇交稅同時又等於我冇medical coverage..其實有咩事都冇保障

不過即使要再打工, 我唔希望係中國人老闆..

老闆老闆娘人是很nice

不過處理事上我不很認同..
比如..
我連續放假4日, 早早通知了老闆
差唔多就到我放假佢地才急忙找人
我話我幫手找人佢地又唔show 我
最後有一個住在另一城巿的女生講明想找長工
老闆叫左佢黎做
佢專程搭火車黎到
做完4日就放假
老闆再推佢去見其他工
這個女生當然十分唔高興, 但也無能為力, 最後搭火車返歸, 4日人工, 有2日人工花在火車票身上, 賺了2日的工資, 還賺了多日既無奈同震怒

方法有咁多,時間又咁充裕,  點解佢地要用這個方法呢?

這個女仔走的當天, 我也很不悅, 佢地都feel 到, 最後老闆娘來同我扮friend 係咁撩我傾計扮傾心事, 兼數這女生的不是
我只問了一句
"其實你地係咪請長工呢"
她心虛的別過頭去
"這個我不知道, 你問老闆吧!"
靜。
心照啦

她很會裝公事都唔由佢決定. 既然你唔干預公事, 早前3次無理要求我早返工30分鐘, 我都唔理你是很應該的

同時老闆娘很喜歡避免你找到老闆
怕老闆同其他女仔接觸好, 怕你同老闆傾任何安排好(請假, 明明話放9半做乜放10半etc)
我覺得後者多..

老闆是什麼都到時先算的人
即使比你問到都冇乜用..
一開始什麼都話得, 到時先話唔得個種..

還有擦鞋的廚..
老闆一齊食晚飯既時候就好好餸..(可能係老闆自己煮的關係..)
老闆唔一齊食的話..只得一碟青菜(+洋蔥或青椒), 多謝晒..
早上一人一個豬仔包..(佢放假時另一個廚會煮面..)

有風吹過話這個廚會在不久的將來買這間舖
i thought to myself..(what the fxxk..)
咁姑寒的老闆..才不要在這裡工作..佢買舖之時, 也將是我visa 到期之日..即使能留, 情願轉工

他們這樣對這個女生, 對我也不會有什麼優待
對我口頭上有多好的評價也好
心裡卻還是覺得隨時誰都可以來取代
偽善
討厭的中國人特質

但基本上這工我已經覺得是比部份人的好..
至少我住的房間很不錯
老闆娘年輕,也受過教育
只是我不認同他們處理事情的手法
己經好過我聽過的一些老闆出價很低, 以及/ 或老闆娘脾氣臭, 苛刻, 洗人唔洗本
對他們來說, 在這裡找工作的中國學生多的是, 你唔做還是有其他人做. 工資雖不高, 但相比國內已經好很多. 沒什麼感情好言.



======================================================

在這裡孤身作戰
還是要變得強硬一點..保護自己多一點..這裡不時感到底線被挑戰
以往很冇所謂的我, 這些日子以來, 會set 底線, 會say no..有些事變得有所謂..不想不願意的事情 說出口..(真的很難..)
基本上對人的警戒高了..信任低了..由過份樂觀變得審慎了
當然不只單單因為這份工作..還有好多好多的事

你不為自己爭取, 誰會為你爭取?
要知既事真是要問到底, 這裡沒有什麼是by default 的

可能這些日子內遇很多不同的人, 也是自己在港時日常社交不會遇上的人, 所以覺得香港比較單純..我想是我在這邊遇到香港人才能放鬆...

玄緣

這本係我2011 的organiser cover, 購於2010年年底吧

我沒有想過在我10月12 日拿出黎望望個封面, 一陣感動直由心衝上面

巴黎! 我都沒有察覺到! 像預先安排好咁, 今年我就係去左巴黎! 從前只知巴黎有鐵塔外咩都唔知既我(先唔好笑我見識少, 我的確係..) 左上角座building, , 我竟然知係咩

很喜歡Gaspard et Lisa, 這本organiser 內, 他們所到的地方他們的生活都是我很嚮往很羨慕的, 沒想到,原來,部份實現了

路走得這麼遠了

其實一直都好想update blog, 一直沒有靜靜坐下來的時間, 而家德文A1 已完成, 星期五六的part time 都不用返, 感覺終於得閒點了

先講旅行史..

- 上回提要去左北歐, 最後只係去左三國, 丹麥瑞典芬蘭, 6日巴士團, 頭尾2日各坐足12 個鐘車, 加埋其他車程, 我估都用左3日半了, 每個地方都逗留好短時間.中間有2 日在遊輪度訓, 第一次, 同埋見識到在一個狹窄既空間點放4張單人床. 雖然沒有北極光沒有聖誕老人村, 踏足芬蘭一刻心情真係無比開心, 因為芬蘭係我心中一個夢想要到既地方..希望有機會再黎過. 

- 去左捷克布拉格, 2日行程, 起程又再次遇到train delay, connection train 如肯等多30秒, 其實就所有人都上晒車. 就因為短短30秒, 差點要delay 成4個鐘. 最後DB call 的士送晒d 人去左一個山KA LA 站, 坐左好短好舊既火車繼續行程, 個人覺得幾特別. 最後都delay 左2個鐘, 但已經好過4個鐘好多了

天氣預報話會好好天, 但係第一日落狗屎, 太大雨+ 太凍, 只能好好利用我地既day pass 遊電車河, 間中坐低飲杯熱野, 冇帶外套既我就去左zara 買返件長袖以防萬一. 第二日, 好天到不得了, 見識到布拉格的美. 可惜遊人實在太多, 當地人也並不像友善, 大家都沒有笑容, 黑黑沉沉的. 回程的火車玩的monalisa 自行改進版, 笑死左!!!!

- 去左德國南部小鎮Wuerburg + Bamburg. 雖Bamburg 有小威尼斯之稱, 但個人覺得很一般, 在這2個地方也沒特別感受. 值得記的就是在巴士上問路遇到很友善的德國人, 仲咁啱同一個站落車, 做了短短5分鐘的tour guide

- 剛過星期五六日, 去左意大利Garda Lake 露營+ 威尼斯!! 人生的第二次露營, 竟然係在意大利!!! 感覺好型, 哈哈~~這次也很特別, 係跟住9個德國人一齊去! 的確, Germans only want to be drunk! 第1 日買左成36罐啤酒+ 2支紅酒+ Tequila +可能仲有我都唔記得係咩. 第二日仲買多8罐啤酒+2支烈酒, 不過!! 並沒有出現有人發顛既情況, 一切都好正常. 我都試多左D 酒, 都冇事~教左大家玩monalisa 遊戲, 第一次玩已經有自行研發既character, 哈哈~

威尼斯逗留的時間不長, 這其實也是我夢寐以求要到的地方, 很感謝朋友幫我爭取(因為有D 人想去水上樂園), 令我可以踏足這裡, 可惜心情卻不是想像中的興奮, 可能過多一排我回望既時候, 我會覺得自己好似做夢一樣, 將想去的地方一一踏足了! 地方沒有我想像的漂亮, 也不是很乾淨, 但係見到岸邊放眼望去都係海水, 還是有點感動! 而且去意大利一定要試的Pizza, Pasta 同Gelati (即係雪榚) 一一試了, 我最愛的Lasagne 食起來也真的不一樣!

之後就係個人史了..

- 話咁快3個幾月就過左, 剩返3個月, 總感覺之後的日子不是太容易過..

在這邊我有2條很重要的支柱, 就係同是working holiday 要好的2位朋友

其中一位, 不算突然, 但係迅速的回港了, 

另一位也會在10月初回港

也有一位常聯絡的, 11月也會回港一段時間

我係明白大家會在香港見, 也知道分隔2地都可以聯絡依然, 但人不在身邊, 需要朋友的時候就變得難受了..大家都說我都好快返香港, 其實都係喇..一個又愛又恨的地方..有時離開了才知道當初的好. 慕尼黑也是我很喜歡的地方, 可惜冇人知過多10年8年我仲會唔會鐘意.. 我暫時聽過有2個長住這裡的人, 話唔鐘意留O係度好想走. 也有很鐘意在這裡住的人. 

- 9月黎到, 開始秋天, 開始晚上7點幾8點就天黑, 真係唔想冬天來臨..不能想像下午4點幾5點天黑的景況 ..祝我好運, 在日照時間還是長的這個零月, 去多D 旅行

- 昨天中秋, 跟朋友們在English Garden 渡過, 有純蓮蓉月餅, Ikea 蠟燭, 啤酒, 紙牌麻雀同埋滿月陪伴. 是不錯喇, 但一定沒有在香港同家人好友過咁開心

- 單車修好了, 但我卻唔夠高踏..so sad

- 試了整蕃茄薯仔湯, 個人覺得都算成功..

- 確認了一件事..太複雜的事我處理不來也不想處理, 簡簡單單的..算罷

10-13/8 小記

- cut & coloured my hair BLACK, 第一次染黑,  好唔慣, 但總覺得黎到, 係要proud of 自己的膚色同髮色. 同埋貴到hihi, 又染得差, 冇下次.
- book 左rideshare, 由frankfurt 去cologne, 第一次玩rideshare
- 琴日有個好消息係房東肯減租, 壞消息係只可以住到9月尾, 本來我都決定左北歐trip 返黎就搬家, 對我冇影響, 但係擔心10月頭返港的同屋, 希望房東同佢間學校傾到extend 多幾日啦!!
- 近來開始發覺同德國人之間既文化差異..
- 打算星期六唔返工了, 一星期7 日夜晚讀書/做野真係冇朋友
- 仲有個零鐘出發frankfurt, 感謝德國人朋友幫我找了佢frankfurt朋友比我住2日, 但係車錢claim 唔claim 得返仲係未知數
- 欠違了的高跟鞋, 2個幾月冇著, 而且今次買O個對真係太高, 唔係好行到路
- 琴晚先得閒睇北歐團details, 原來係巴士團, 去丹麥瑞典挪威芬蘭, 執gip 極求其, 只將本來都冇乜既冬天衫放晒入gip
- 執好晒gip直去車站, 火車出發前10分鐘才買票. 由慕尼黑搭去法蘭克褔, 中途才有時間準備下interview
- 去到frankfurt 要轉ubahn, 兜兜轉轉才找對的方向, 跳左上車即刻發覺我係冇買車飛, 即刻心跳加速, 下個站即落車買飛, 迷網在買票機前, 好在有好心的德國人幫助
- 去到同新朋友約好的站下了車, 卻一直打唔到電話比佢, 佢又冇打比我, 我又冇佢地址, 等左近一粒鐘, 在我打緊message 比我個德國朋友之際..佢出現左了!!!! 真係以為自己又訓街..原來我save 左個錯電話, 佢又冇save 我電話..好在大家約好左O係O個個站見面ja.

- 11/8 interview, 間office 好靚!! 又好multinational, 真係係我好想做ge 公司類型~仲可以casual wear. 講返interview, 因為temp job 既關係, 其實冇formal 既interview, 只做左一個個人覺得都幾簡單的test, 個interviewer 即場對答案, 我見佢不停地剔, 之後講"This is the best result I even had! I am so impressed!" yeah~ 應該99.99%得卦???不過之後同個agent 傾人工, 就..um...唔係佢當初講咁, 但係其實都好唔錯
- 之後就在frankfurt 遊走, 所有tourist spots 都好近, 亂行既我都幾乎去晒了, 最正就係鐵橋, 大風吹過feel 到條橋有小小震, 同埋見到好靚既晚霞..

2/7 Regular day, but Special night

今日既節目係(super)market research, 慢遊左2間超巿, 諗住去第三間時, 行行下行左去睇衫:P

人生第一次在H&M 買衫, 在德國, 仲做緊Sale, 買O個件只要5歐, ok抵

咁就唔覺唔覺地行左3個幾4個鐘, 就夠鐘返晚上水吧份工

今晚雖然冇book 枱, 但係客似雲來, 第一次咁忙, 都唔係好搞得掂, 老闆的細佬黎左坐坐, 最後都要佢幫埋手, 今日出錯野飲x1,  撞爆杯x2....sosad, 太忙關係, 做多左一個鐘, 食埋飯都12點幾

這些都係初體驗, 是特別, 但最特別不在此, 特別在感覺

第一:
因為老闆娘是有學healing 的, 一直都好想同佢傾多點計, 今晚終於有這個機會, 真係覺得同我諗既野也實在太似.. positive..law of attraction. 其實唔洗理e d terms, 只係講緊你諗咩, 你就會得到d咩. 心入面既野正面, 你遇到既事就會係正面; 反之亦然. 簡單道理, 卻經常受質疑.

咁啱佢都提起focus, 專注, 巧合程度簡直係玄妙. 佢supportive 既程度係令我有感動到想喊既衝動, 唔識形容, 一句"Follow your heart"穿透左入心. 現在, 我就是在following my heart. 之後, 我有很大的想頭, 不知道將來可不可以做到. 但是我想,  既然咁多人都唔滿意現有的生活模式, 要脫離現在去追求自己嚮往的生活為何會是一個大想頭?

我是不會明白為何有人有件事想做, 但永遠有句"我都想, 但係xxyyzzz" 纏住自己, 最後件事永遠只係不斷重覆在"想"的階段

仲有佢既30 歲想achieve d 野, 40 歲feel the power, 認同& 佩服不過! It's never too late to make a change!

第二:
專注日的第一天, 感覺非常良好, 做左大掃除, 心靈負擔的確減輕不少, 也感受很大的正面改變, 現在這樣, 很好!!!! 愛的感覺都回來了 :)

第三:
歡迎你成為了我的好友行列, 因為今日的坦誠對我來說並非容易

專注

近幾個月經常會想起這個字, 最近佢正式成為我2011年的目標之一

專注, 就是心無旁騖, 將全副精神集中在某事上, 因為我認為專注會達至成功

例如, 我有不經意的專注了在儲asia miles, 幾乎碌咭的積分都是轉做asia miles

因為專注要儲分, 一開始自不然會留意搵用最小錢儲最多分的方法, 之後就幾乎唔洗再點research, 成件事自然的運行。不經意的儲分, 都己經換過2張免費台灣機票, 另一次再去台灣都平左800蚊, 而家仲有45000 miles O係手等用。咁啱有留意開, 間中都賺到幾百蚊免簽

不經意的儲了日日賞, 唔知幾時無啦啦有70幾蚊, 返到香港可以食3餐免費麥記, 錢駛晒都唔駛餓死

不經意的專注在投資, 一開始乜都唔識就自學一下,至少有D concept,  開始月供匯豐 (現己停), 先唔好challenge 匯豐係咪一個好選擇, 但係唔需要理佢, 三個月派息一次, 再以股代息, 合埋眼隔多幾年後無啦啦可能多左幾手, 也先唔好challenge 我幾年後會唔會有金融風暴

不經意的專注在工作, 第一份工作做了近5年, 一直也是捱,也得到幾次升職加薪的機會

不經意的專注在運動, 找到了康文署aerobic及樓下yoga 班, 又平又教得好, 原來aerobics 斷斷續續都join 近2年

在專注之前, 當然要知道要target 在邊方面, 定好之後, 就開始專注這件事, 直至變成自然, 咁就完成

有樣野我至今都未係好專注, 這也是失敗的原因,  一直也是一波未平一波又起, 沒有多時間反思。這件事長遠不健康, 也十分直接影響未來我的時間可以用在咩地方, 不得不正視

我相信今次的專注會好影響我一生

所以, 一定要成功

循環

開始，完結。開始，完結。開始，完結。

本來就是永恆的循環。

開心的事，慶幸發生了，不能奢求它能持久，快樂過已很足夠。深刻的，就永遠記在心底裡。

不開心的事，不論用多少時間才能克服，但至少我知道，它一定將會過去的。

這一刻，是不開心的，但至少曾開心過。

我堅信，從來一切都是緣。

29/5 - 3/6: I love hostel-ing

時間過得很快, 轉眼住在Hostel 的5日就過左, 我只能說我很喜歡! 這段時間也沒有太多閒暇坐定定記低一切

我住的hostel 都唔錯, 至好係房內都可以wifi 上網, 仲要唔慢, staff 都很helpful, 最重要還是在hostel 內遇到的人

頭2日我的roommates 是加拿大來的女仔, 第一日都冇乜對話過, 到第二日join 完hostel 免費的walking tour 後, 結伴一齊去English Garden, 才稔熟起來, 同時認識了她們另一個加拿大的朋友~

當晚 我在hostel 的lobby 見到個香港男仔就一齊吹水, 原來佢係Sem break 的一個月時間遊歐洲, 會在慕尼黑stay 幾日, 咁就開始約埋一齊周圍走了

同晚roommates 去左飲野識左一個澳洲的ABC男仔, 就上埋間房一齊吹水~第二晚佢過來吹水+ 一齊去酒吧飲野~ 就friend 左~ healthy night out..我飲apple juice, 佢飲tomato juice (飲完先記得大腸桿菌...shit)

這幾日遇到的都是很nice 的人, 慕尼黑給我感覺很安全, 人又friendly, 野食又好食(係貴), 環境都企理, 周圍都很美! 景點大多都多marienplatz (慕尼黑的city centre), 很方便. 只是我沒有搭Bahn (即係香港既地鐵)的月票, 買單程很貴..所以為左唔駛搭車, 這幾天都步行至marienplatz 行~ 好在hostel 只是相距約15分鐘~

1 Last Night

愛在心內
盡在不言中

今日是我們的第四週年
赤柱度過了輕鬆的下午, 一直想到的美利樓, 今日終於到了, 嚐了其中的西班牙餐廳
塊牛扒(厚身+有點焦)係我既favorite

晚上又趕著出去買野
未來老闆的DVD 搞掂了
好友即興的來了相伴
一直保持這樣吧! 這樣真的很好:)

保險有問題, 時間又不足, 都係唔要了
旅遊書今天才買
超級的臨急抱佛腳
這就是我的天性... 真係改不了!!

這數個月以來, 其實也安排得尚可喇, 係最後這個月有意料之外的事, 真的有很多體驗, 感受!!
不知道之後會有什麼新事物出現, 現在不去想太多!

3日

好不容易有一個下午待在家中, suppose 係執野的

卻一片空白, 不能提起勁來

昨天的所有所有, 我會好好記著..

倒數5日..

稅還未清..明天做
幫餐館老闆娘帶D DVD..未買
保險, 今日才落實買邊份

還有很多很多零零碎碎的事要做, travel plan 仍然是0

雖然是已不用工作一星期, 但日日都好忙~出發前見證了2位好友結婚~很開心很感動~也完成了在港最大的任務-做姊妹~剩下來的時間真的要好好整理一下自己

近來心情起落有點大, 有率性而行的事, 也有本來覺得好肯定的事突然間唔肯定起來, 開心唔開心唔捨得.. 去完6個月後, 會否再返德國, 又再次成為了未知數

只剩5 日, 我能給你的時間還有多小?

今日才想起我是29號的00:XX 機, 即係28號晚已經要去機場..我仲一路以為係剩6日