香港人在荷蘭, 比利時 | Hongkonger in the Netherlands & Belgium: Munich 慕尼黑

顯示包含「Munich 慕尼黑」標籤的文章。顯示所有文章

2011年10月24日星期一

找屋記

因為工作, 要暫時搬家3星期至darmstadt (離frankfurt 一個鐘車程)
只有兩星期時間找屋

用了以下網頁
www.wg-gesucht.de
www.studenten-wg.de
以及聯絡了公司介紹的一位仁兄仁兄幾乎9成9肯定, 但最後說了不這刻真係覺得要訓街了, 很趕急的再找
連couchsurfing 都出動埋, 主動提出租屋, 寫出自己的budget

發了些email 給放租的人
回覆率很低
最後決定在wg-gesucht post 出自己的request, upload 埋自己張相上去, 好似更有誠意一點
第二天就收到兩個回覆
第一個更是地點perfect, 而且新裝修, 房間klein aber fein. 走路上班只是15分鐘, 但當時有另一人想租, 若這人不回覆我便可以租
第二個我跟房東skype 了睇房, 也沒什麼問題, 租是較便宜, 但上班車程要1句鐘

幸好第一位確認可以租給我, 二話不說就答應!

感覺自己post 要求出黎, 等有心出租又符合要求既人聯絡, 比自己主動聯絡放租者更有效呢

祝我好運!

2011年10月19日星期三

15/10 終於踏單車+我不入廚房誰入廚房

sorry 我update 既日子好散亂, 得閒想起咩就update 咩

話說之前老闆借左單車比我, fix 好條tire 先知seat 位高得滯根本踩唔到
我有日咁啱同屋主兼朋友講起, 踩單車係我第一次去English Garden 後覺得一定要在慕尼黑做既事
第二日, 比佢用左個好假既藉口叫我一齊落車房, 一部單車在我眼前!! Surprised!! 原來佢同相熟既鄰居借左

my bike!!

到今日, 天氣只得10度, 約好朋友一齊由Arabellapark - Duelfestrasse - English Garden 單車遊
佢抵達後幫我較好了單車高度試了無問題
我屋主今日work at home
佢都有單車,但係有點問題
咁啱佢2個既架生加埋可以整好埋
最後- 理得work at home - 一齊出發!

踩到duelfestrasse 都差唔多成粒鐘, 比埋舊單車比另一位朋友, 就4人一齊出發English Garden, 之後再踩返Arabellapark, 共踩3個鐘左右, 新手黎講, 算係咁啦! 凍到隻手冰左同因為交換左單車踩..個pat pat 位好痛..

返家, 首次下廚比其中2位白老鼠食, 今日既實驗品係白汁三文魚螺絲粉

成品賣相不算討好, 汁可以更稠, 意粉可以更煙靱, 三文魚可以更香..哈哈總之有進步空間啦! 最後大家冇肚痛我已經成功左一半

玩monopoly 德文版..在最貴的酒店壯烈犧牲

之後打機, 打爆左忍者turtle 同打左陣街霸

2011年10月18日星期二

16/10 作客 + 17/10 生日快樂 + 18/10 找屋

16/10
今日同左意大利露營mates 聚首一堂, 順道交換當時影左既相, 我唔記得左帶..sosad .

去左其中一個人家作客, 有自製的spinach lasagna 作午餐 :)
到朋友家探訪, 如果佢地有整野食的話, 禮貌上係要買d 野送比佢的. 這日佢屋企我諗多左至小5-6支紅/白酒

仲睇埋佢地octoberfest d 相..笑...佢地飲多左d 表情都搞笑.....
有時間我都放d 上黎

晚上睇朋友download 左既新planet of the apes, 好睇!! 另外Johnny English 老翻質素麻麻..又唔太好笑, 睇到一半就冇睇了. 戲可以由這download..http://www.kinox.to/ 但好多有味廣告架

之前睇Silent Hill 睇完有D唔明..最後上網check 埋

17/10

補記. 今日香港的一位好友生日, 希望佢開開心心! 返黎送你一吻慶賀, 呵呵

是日都係一位德國朋友的生日 (唔記得左帶電話影相!!!!)

去左Augustiner 既brewery 度食, birthday star order 左2大木桶啤酒(15 L each), 佢要扑開酒桶, 都幾得意!! Octoberfest 開幕時巿長都係扑酒桶

這裡的文化是跟香港不同
生日的人自己organise 成個event, 自己book 枱, 人都係自己約
幾乎琴日既啤酒全部都係birthday star 倒..=.= 不過這個並不平常喇..
食飯也不會是朋友請, 都係大家各自比自己
而禮物呢, 我朋友話通常係生日Party 係O係Birthday star 家搞的話, 大家就會帶禮物
今次係餐廳搞, 有心的, 當然也可以送禮物

18/10
其實原來下星期就出發Frankfurt (確實地址係在darmstadt 做野), send 左幾個email 找屋幾乎都冇回音, 好在間公司比左個contact 我可以打到問問, 如無意外應該ok, 祝我好運!

2011年9月21日星期三

請我喇~

難道心靈感應??
真係琴晚+今朝諗住send email 去claim frankfurt 的車錢順便問下其實份工情況如何..本來話等2-3日, 而家都等左個半月!!早2日仲已經開始計劃緊好好利用10月尾11月去旅行..

今朝出門返工時就收到電話, 先問我收唔收到上星期既email.. 我email 都有regular check 就唔見有, 問落就知道左- 請我喇^_^ 真係我好理想既工作, 大公司, 人夠international, 5日工, causal wear, 好靚既office + pantry + IT (我之前都係做IT) + Language, 簡直完美!! 開心, 有小小mixed feeling, 因為要離開慕尼黑, 加上近來我在這裡能量低..為體驗O係德國工作, 順道來個改變, 真係冇reject offer 既理由

同時 = 我又要再搬屋! 又 = 我既旅行計劃要提早! (雖然有d 困難+ 貴)

2011年8月10日星期三

10-13/8 小記

- cut & coloured my hair BLACK, 第一次染黑, 好唔慣, 但總覺得黎到, 係要proud of 自己的膚色同髮色. 同埋貴到hihi, 又染得差, 冇下次.
- book 左rideshare, 由frankfurt 去cologne, 第一次玩rideshare
- 琴日有個好消息係房東肯減租, 壞消息係只可以住到9月尾, 本來我都決定左北歐trip 返黎就搬家, 對我冇影響, 但係擔心10月頭返港的同屋, 希望房東同佢間學校傾到extend 多幾日啦!!
- 近來開始發覺同德國人之間既文化差異..
- 打算星期六唔返工了, 一星期7 日夜晚讀書/做野真係冇朋友
- 仲有個零鐘出發frankfurt, 感謝德國人朋友幫我找了佢frankfurt朋友比我住2日, 但係車錢claim 唔claim 得返仲係未知數
- 欠違了的高跟鞋, 2個幾月冇著, 而且今次買O個對真係太高, 唔係好行到路
- 琴晚先得閒睇北歐團details, 原來係巴士團, 去丹麥瑞典挪威芬蘭, 執gip 極求其, 只將本來都冇乜既冬天衫放晒入gip
- 執好晒gip直去車站, 火車出發前10分鐘才買票. 由慕尼黑搭去法蘭克褔, 中途才有時間準備下interview
- 去到frankfurt 要轉ubahn, 兜兜轉轉才找對的方向, 跳左上車即刻發覺我係冇買車飛, 即刻心跳加速, 下個站即落車買飛, 迷網在買票機前, 好在有好心的德國人幫助
- 去到同新朋友約好的站下了車, 卻一直打唔到電話比佢, 佢又冇打比我, 我又冇佢地址, 等左近一粒鐘, 在我打緊message 比我個德國朋友之際..佢出現左了!!!! 真係以為自己又訓街..原來我save 左個錯電話, 佢又冇save 我電話..好在大家約好左O係O個個站見面ja.

- 11/8 interview, 間office 好靚!! 又好multinational, 真係係我好想做ge 公司類型~仲可以casual wear. 講返interview, 因為temp job 既關係, 其實冇formal 既interview, 只做左一個個人覺得都幾簡單的test, 個interviewer 即場對答案, 我見佢不停地剔, 之後講"This is the best result I even had! I am so impressed!" yeah~ 應該99.99%得卦???不過之後同個agent 傾人工, 就..um...唔係佢當初講咁, 但係其實都好唔錯
- 之後就在frankfurt 遊走, 所有tourist spots 都好近, 亂行既我都幾乎去晒了, 最正就係鐵橋, 大風吹過feel 到條橋有小小震, 同埋見到好靚既晚霞..

2011年8月6日星期六

我的近來

- 住宿上網問題出現已久, 勞煩了我同事, 樓下的朋友, 最後係極之好彩, 琴日下午, 同屋的朋友來拿東西, 我的Indian flatmate 又早左返黎, 我朋友又剛好下班比我老屈左過黎, 卒之合三人之力整返好左
- 今日去左Erding 水上樂園,貴, 但係真係正! 有成10幾款slides, 其中3款係extreme 既, 所有slides 同最extreme O個2個我都玩左, 最後一個比個職員話我唔夠50kg 冇得玩. 仲有mini golf, 有好正的晒太陽area, indoor outdoor 泳池..呀..slides 完過後換來了約5處瘀痕
- 試左水煙, 唔, 咪即係吸煙, 唔鐘意
- 終於游左2次水, 太好了
- 德文堂開始左2星期, 因為慳錢放break 時冇同同事去樓下cafe 買野飲吹水, 小左D 識朋友既機會, but its completely fine for me, 我其中一個同學係vietnam 黎既40多歲女人, 我個人唔太鐘意佢..但係位置在老師隔離, 我還是日日都係同佢坐
- 試左聞說Munich 最有名的pizza
- 食左日本野, 感動, 但係有泰式辣醬同咖哩角..?
- 有個星期六落雨, 暫時同wakeboard 無緣
- 仲有好多野未做, 下星期五就出發北歐, 但係去koeln 的transportation 都未搞掂, shit
- 之前send 左CV for translator, 有得interview 了, 但係真係要去到近frankfurt..仲未得閒買票
- 琴晚horror movie night 睇貞子1, 好在去親scary 位就朋友就講爛gag 紓緩氣氛
- 拿左老細架單車都好一排, 仲未得閒搞佢
- 意大利之旅首腦要搵工, 唔知仲去唔去到

還有好多事要做, 星一至五下午返babysitting, 一至四晚讀德文, 五六日晚做水吧, 一星期做足7日但係收入又唔係多, 時間真係唔夠用呢

2011年7月14日星期四

11-14/7 重點提要

14/7
- words with friends 棋逄敵手, 玩到好緊張!!! 由被拋離百幾分等機會追到只相差8分..最後輸23分, 但雖敗猶榮, 破紀錄一個字有成70分!!!同時因為咁差唔多4點半先訓...
- 第二晚返新水吧, 這一份工係6點食一餐, 10點再食多餐, 真係食唔到咁多, 2日我都只係食6點O個餐都已經好夠..
- 用國語講"我沒有QQ 喇~"
- 開始覺得自己有d時間錯亂..唔記得星期幾, 幾多號, 同埋計唔返香港時間同日期..可能係唔夠訓之過
- 落實北歐團成團, yay : D

13/7
- 今日開始自己住的日子, 直至同屋7月尾返黎

- bb 成日以"bb" 黎稱呼自己, 循循善誘左一排, 今日佢開始識以"我"黎叫自己喇 : D 又多樣滿足
- 交了去北歐7 天遊既錢 : D
- 以"學生身份"成為Deutsche Bank 的客戶, 哇哈哈!!

- 蘋果話整返個電話mon 承惠199 歐羅, 仲貴過香港1700. 真係睬佢..
- 返第三份part time (暫做2星期), 都係水吧. 一定係我腳頭好, 第一日返工就忙到#$%^&*()_+. 手部皮膚敏感的我, 可以過到這2星期吧?
- 這餐館的同事都估我歲數, 老闆娘話"你O係e度一年之後就返去報讀大學啦?", 廚房哥們"17-8 歲有沒有?" 呵呵

12/7

- bb 好鐘意所有事物都有爸爸媽媽BB囡囡同姐姐, 今日畫了bb 豬 : D . 仲有爸爸豬媽媽豬囡囡豬姐姐豬, 一鑊(煮)熟