能量

我朋友真心的說, 很高興跟我們同team

在此留証

睇佢4個月後仲係咪咁講, 哈哈哈



有件同我距離本來有點遠, 但我又點都想玩下既好玩事, 但我冇idea 點玩, 但朋友有idea! 發了封電郵去問,希望會收到正面回覆!!  收到既話5月就玩, 收唔到就唔知仲有咩更好既機會玩


仲有, 學費loan 申請成功 :)
雖實質上只能多吊2個月命, 但"申請到" 已經令我很滿足 :)


但有一方面還是令我能量流失, 雖是比以前好點, 沒流走那麼快那麼多, 但是慢慢的滲, 似乎只是死慢點而已, 既不能救又不想殺,...

爽忙

bootcamp 過後基本上忙爆了

有4日時間, 3個人寫一份8-14 頁startup document, 日日見住我朋友兼teammate
到今日deadline,  發覺2位都因事晚上8點後不能趕工, 就趕頭趕命在心驚膽跳急急忙在deadline 前2分鐘交貨, 嚇死人咩.

同時又為另外一個startup 影product 相, 又準備pitch, 雖然係上堂好causal , 但係點都係要準備d 野

還有不久有presentation, 但要present 的書找不到.. email 來回數轉才找到可借出書本的professor..

還有下星期就來mid term, 書才上星期五訂, 昨天星期三己送到, 奇怪的是, 訂是在荷蘭書商訂, 書卻是由曼谷寄黎, 嗯~ 錢是這樣賺的

還有這個月開始了瑜伽班 (找到了我想是最便宜的! 35歐9堂 + 10 歐一次性手續費, 學生優惠至有!), 全班荷蘭人得我一個異族, 但導師已經轉channel 用英文教~真係好, 覺得都ok!

還有終於第一次在荷蘭賺點小錢!!! 就係幫大學research做試驗, 今次做2小時15 分鐘, 賺到32.2歐~又幾好玩,係關於個人利益同投票取向的~我朋友山窮水盡, 卻因為遲到了不能參加試驗...吔~原來當試驗人太多, 有小部份人係出現後自願退出唔駛做, 就咁出一出現都收7歐, 真係覺得我朋友遲得好唔抵...

今天收到另一個通知, 下星期mid term 後有得做~ 又可以做個半鐘~賺10-20歐~^_^希望密d 黎密d 手~

其實由bootcamp 開始, 我已經特變為了早上人, 日日為開會為返學或為返瑜伽都要8點左右起身 , 而家凌晨1點都已經有我以往4, 5點個種眼訓爆既感覺, 真係好

仲有早排天氣勁唔穩定, 出現了近年以來最嚴重既敏感, 面上出紅疹, 好唔舒服, 有幾日好醒訓

就在最痕當天半死地被拖去藥房買藥膏.. 今次係醫生好人幫手出藥單, 極破外至買到..下次真係要睇醫生先肯比喇

而家天氣終於穩定小小, 暖返小小(下午6度已經算係暖返了) 期待春天~

衝了兩星期~今日交完份大野, 明天好好休息~之後又衝過~

Boot Camp

好玩認真緊湊的boot camp 完滿結束!! 腦汁幾乎都用晒....

緊湊到係冇時間影相的...只有入camp 前同出camp 後

睇相真係覺得好似城堡咁架, 這間係在Heemskerk 的StayOkay Hostel, 其實除左外表, 其他同普通hostel 冇咩分別, 一般般
 

 只能遠觀的靚花園

第一日係互相認識同諗idea, 目的係要組team, 因為往後既6個月都係對住自己一team... team 唔啱人就唔好啦...

晚上有karaoke, 我以為係人人都要唱的, 所以好乖的交左歌,仲拉左本來唔打算唱的朋友一齊唱, 誰知一唱成名, 首歌也真係太搞笑了 :P

唔講唔記得原來係小比賽黎, 最後大比數勝出, 有首歌係其中2位同學衫都除埋都只係得幾票 :D

好可惜電話冇電冇得影低當晚顛況:D

第二日

真係好似打仗咁

因為要落實同咩人form team, 幸好我跟朋友跟一位同學都於第一日已經覺得會夾, 3人已可以成team, 仲可以加一人, 但也可有可冇

有些同學會黎睇下我地會有咩idea, 然後有2位同學在我地面前嘈晒交爭位

最後我地還是安樂地保持3人, 這樣比較好

之後大個下午係諗諗諗諗諗諗諗諗諗諗諗諗諗諗諗諗爆頭出個final idea

再present 比4位評核, 得佢地答覆 Go 定係No-Go

Go 了以後, 接下來的6個月就耐力賽了

真係開始了!

=========================================================

離camp 當晚仲有另一個類似既course 開始, 返家訓左陣又返學

諗住純去聽下玩下

點知原來又黎真, 仲認真d tim

毫無準備下用我個人真正想搞既 idea pitch 左2分鐘

因為team 眾多 有team selection

又比我地中晒佢地想要既野, 入左, 又玩多"飯"囉!

這6個月忙死都抵 :)

型

上完了第一星期的business 課, 老實說, 這科目真的很實在, 因為是要落手落腳搞d 野出黎, 這星期只是理論什麼的, 但真係好期待之後的日子, 一定會好好玩, 下星期就同同學們去一連3日之boot camp, 邊個會諗到讀書會讀到去camp 呢

而business school 最底下一層, 原來其實在水平線下
真心覺得好型! 

冬天近尾聲, 間中有小雪

大雨, 大雪都經歷過了
但是大冰雹還是第一次遇上
很多小粒的冰雹在身上及地上彈跳
打在皮膚上是會痛的
很多騎單車的人都被狂打, 很狽

冰雹過後, 地上好像下完雨一般的濕

但是看看商店的落地玻璃窗卻一滴水也沒沾到
感覺真的很怪~

可愛的Volendam

荷蘭細細
搭30分鐘巴士就去左第二個城巿
在可愛的她離開前一天
我們到了Volendam
原來是我們第一次及最後一次的day trip!
寧靜的享受2人世界~^^

在Volendam 旁有這個小村
感覺好像是local 人來渡假村

這些小舊很整齊的排列真的好可愛
好像模型屋一樣
 

 

 小村對面這條街, 好明顯是極有錢人住的...首先不是太傳統的屋, 然後就是他們的garden , 又大又靚 ....打理得勁乾淨樹木又好多種類

 走進Volendam, 好整潔好美

 是日星期六, 街上有小攤, 下午3,4時左右就關門

拖肥夾餅, 這些餅在超巿買都甜得很
這家即製的, 溫熱而且沒有那種很誇張的甜

 這條小小的海濱走廊~一邊是海洋另一邊回望房屋群

 這小小的屋內發電機來,只是比人高一丁點, 好得意~

荷蘭美美的城巿還有很多呢~

到等車回amsterdam 的時候, 她開始發現, 離開在即...在回程的巴士中, 談了很多很多

但我很高興她們都是帶著很多瘋狂又美好的回憶笑著回家呢