英國新BNO Visa - 申請資格及工作問題

話說大家近來都好期待知道英國會對British National Overseas (BNO) 人士有咩新措施, 7月22日英國終於發表詳情, 讓BNO 人士居住5年後可以申請永久居留, 1年後更可入藉成為英國人

這5年的Visa 可以是一開始申請2.5年後再續期2.5年, 或是一次過5年。持有這個簽証的人士可以在英國工作或讀書, 但不能享有社會福利

2021年1月1日起, 合資格人士就可以開始申請這個新既簽証

Photo by Emily Wang on Unsplash

新BNO 移民英國路線- 申請條件

• 你符合 BNO 資格 (即使你本來冇BNO 護照, 如你有舊的亦不需要續期)
• 你一般在香港居住
• 你要証明你財政上及住屋上可支持你在英國生活至少6個月
• 如適用, 你要表示你會願意努力學習英文
• 通過肺結核測試
• 支付申請費用, 及英國醫療保健附加費

申請條件可能會不時更新，所以請以英國政府網站為準: https://www.gov.uk/guidance/british-nationals-overseas-in-hong-kong)

好了。詳情就出左，我留意到的是，身邊的朋友由興奮變得審慎。能理解的, 路是多了一條, 是不是代表你要走這條路呢? 移居至另一個國家從新開始，一來要有勇氣，另一方面要好多好多野要考慮。

不論是移居去哪個國家, 我最最最最最常聽到的問題是

在英國容唔容易找工作?在荷蘭易唔易揾工? 在比利時難唔難揾野做?

...我其實都好想答案係易。作為一個外國人，唔熟識當地語言，而同當地人+ 其他同你一樣由外地黎居住既人競爭，答案一定係難。但係難, 係咪代表冇可能? 唔係。

先講如你讀既係IT, 或者係XX Engineering, 至小在歐洲己經可以好吃香, 人工隨時高過香港。

如果你讀或做既係generic 點既, 要搵返在香港差唔多既職位或人工水平, 就未必可以咁直接即時揾到。

如果你唔介意一開始先做義工, 讀下書, 做下另一行, 或由低小小做起先拿點當地生活同工作經驗的話, 將來要揾返以往既職位同人工其實係有可能的。至少我係咁。

另外, 如居留簽証冇包工作簽証既話(好似我一開始荷蘭申請既orientation year visa咁) , 仲要揾generic 工, 仲要唔識當地語言, 你揾工既難度係x999999  倍。作為過來人, 這方面真係唔係講笑

這張新簽証既然已經包左工作簽証, 加上其他申請要求真係算係好低 (又冇限申人數, 學歷同年齡) , 剩下來申唔申請, 搬唔搬, 就真係好睇你個人同你家庭考慮因素多點。

這張新簽証，有些人覺得一申請就係commit 移民。你其實都可以退後一步, 當佢係一張冇年齡同時間限制既working holiday visa (尤其是你係單身, 未有家庭責任)。冇人話你申請左唔可以返香港。你申請左都可以唔去; 去左唔鐘意都可以隨時走; 去左揾到工唔鐘意做都可以再揾過或走...我有認識既人去過英國做野覺得當地人唔value 佢既talent 返左香港; 都有聽過朋友既朋友去左挪威覺得悶返左香港等等。冇人可以guarantee 一切都順順利利 (係冇可能的), 外國亦有好多佢地既唔好處。如你唔知去唔去好, 你申請左去一年, 親身體驗過 再決定其實會更好。

有家庭小朋友或要照顧家人/長者的, 考慮因素會更多影響力會更大..

希望大家都可以過自己想要的生活。

在荷蘭找工作，要識荷蘭文嗎?

不論大家係用新的工作假期簽証黎荷蘭, 定係用學生簽證黎留學, 或是因為要同荷蘭伴侶團聚, 都應該有考慮過在荷蘭找份工。

當年我在荷蘭畢業後先返港一年, 再申請orientation year (zoekjaar) visa 返荷蘭試一試找工作, 果一年體會很多很多, 在此分享下我的個人經驗

荷蘭人英文咁好, 係咪可以唔駛學荷蘭文? 

我在荷蘭讀書時, 我果科係用英文教學的, 所以沒有語言上的問題。
跟荷蘭的同學們聊天時，他們都跟我說我不用學荷蘭文, 因為大多數荷蘭人英文都很好, 並笑說荷蘭這麼小, 學來去別的地方也用不著。加上我這數年生活都沒有問題﹐就這樣, 我留學期間沒有上過任何語言班。 

我畢業後回港的一年想開始讀，但只找到私人班，所以就報讀近似荷文的德文，再另外下載 app 自學。 

之後，我以orientation year 回來找工作。

我再跟一些荷蘭朋友聊天時說我想找工作，他們卻第一時間的反應卻時問"你會荷蘭文嗎?"

我即時心想"下, 之前你地唔係咁講架喎" 

.......

如大家正在荷蘭找工作, 都一定發現99% 的工作都要求流利荷蘭語。而且, 就連國際大機構也要求你要懂得荷蘭文。

我到埗後的數個月, 就是耗了在發現這個現實上。這現實跟想像中的落差很大。

發了許多許多的application letter , 去了不少的career fairs ，都沒回音。

加上, 我當時的orientation year 是沒有包工作簽証的，要有公司肯幫你申請先得。這一點令我更難找工作。 

就這樣，頭4個月就飛過去，我覺得十分挫敗及氣餒。

於是，我就聽取了意見, 好吧, 就去學荷蘭文吧。

因為好在有自學，我可以直接跳讀B1 (竟然)

這樣又過了2 個多月。然後我發現，要流利荷蘭文，唔係幾個月一兩年時間就得的。

試想想，我地英文學左咁耐，同流利都仲欠一大段距離。就算比你流利極，都未會到去native 既程度。

因此，我發現我都係冇得同本地人去爭果99% 要流利荷蘭文的工作。

而且我繼續讀的話，我visa 就好快會到期。

咁講，咪即係唔駛讀荷蘭文? 

雖然我用2個幾月先明白到原來我都係冇可能找要求荷蘭文的工作，我其實仍然係十分建議大家去讀的。

 點解讀?

 1. 流唔流利都好，讀到咩程度都好，你讀當地語言表示你有想融入社會的心態。你send application 或面試時，你CV 會比一眾冇讀荷蘭文既internationals 突出 (因好多人都係覺得識英文就夠)

2. 學左可以知道火車詀廣播講咩, 開始聽明小小荷蘭人講野, 收到信可以大概知佢講咩等等...生活上會方便好多

當然，唔好好似我咁，咁遲先急住黎讀。

荷蘭男生的"進取"

男仔有bro code
女仔都有sister code

唔知點解我覺得在荷蘭這樣野係幾乎蕩然無存 (幾乎者, 仲有人有既)

正如
女生有男友
其他男生如對這女生有好感的話
還是會上前一試自己的機會
即使其實那男友是他的朋友

又如
女生剛跟男友分手, 男友就找上她的朋友一試機會

怎說, 係就係覺得好似冇咩道德咁
但另一方面我又覺得荷蘭人很早就練得很厚面皮
在comfort zone 外很自在
佢地被拒絕其實又冇損失
但如得到想要的, 佢地其實係賺到的
對生活同工作上其實超有好處

在這個國度
人人一有機會都拋自己出去睇下有咩收穫
拍緊拖甚至結左婚既人其實都仲有好多distraction
唔清清楚楚表態, 或唔清楚自己想要咩, 就會花好多時間拉据
唔怪得我覺得荷蘭女生真係好tough
係就係, 唔係就唔係

我作為一位好有禮貌既女生(!?)
因為這裡笑著say no = 唔算say no
要練成西面say no 其實我仲要訓練好耐下

我地習慣中立, 佢地習慣取態
我地習慣迴避, 佢地習慣直截了當
好多好多的文化不同, 真係唔係一時三刻住幾年就感受得到晒

最後其實我最想呻一句: 工又唔見咁多offer, 屌.

轉眼又大半年過去了

真係唔想時間過得咁快
真係太快太快了

前排其實好有挫敗感
因為太在乎自己冇既野
因為比較自己同人地既情況
因為太多不穏定性
因為太多事不是能自己控制
因為懷疑自己
因為懷疑做的是否真係值得
因為很多的付出卻未必會有回報
..
一直屈住在心中, 但當講出黎後, 又發現好多野冇心想中咁壞
看自己一直走來, 很短時間做了很多事, 一個又一個小小的check point, 其實應該很值得自滿的..
可是還有想要的還未做到, 就覺得很有挫折, 很想放棄, 回到那個安全舒服的Comfort zone

我沒有的
誰都很輕易地就看到

我擁有的
從來不是physically 看到碰到的東西
卻是人生中十分重要的

但正因為唔係觸碰到的, 很容易就覺得自己一無所有
要不停提醒自己
有些東西不是一時三刻就有
唾手可得就不可貴喇
只要不要放棄, 總應該會得到的, 只是時間長短的問題
我真的很希望是如此

開左facebook page

我有點點怪自己德國working holiday 既生活都冇好好整理同記敍
還有勁多相都冇時間睇返
朋友有時提起以前發生既事我都唔係好記得了哈哈哈
不過我既性格應該還是唔係去整理架喇, 活在當下, 還是現在最重要

返左荷蘭
間中都有點日常事想分享, 為方便隨時update
就開左個facebook page "生活在荷蘭" : www.facebook.com/livethedutchway

而家只係invite 左朋友睇都冇promote
有興趣可以來看看啊

回來一年又離開

in een wereld ken ik niet..
在一個我不熟悉的世界

=====================================================================

直至11月中, 工作了一年多
應該只有我才最清楚
我出國前後的工作態度及成熟度都真的大大轉變了
"為何有這個轉變?"
真的不是有什麼大事件發生了
一切都是一點一滴積累而來

我可以說
我知道自己最能專心的時間是2-6 (有時2-8) pm
這是我做thesis 的時候發現的
當時自己搵自己黎搞, 做了個小小實驗- 如果我做得鬆容不迫 (i,e 唔逼自己晨早彈起身), 結果會是如何?

另外就是, 如遇上了喜歡或想做的事, 我可以一直做而完全忘了時間, 像別人所說"in the zone/ flow", "in a trance" 咁
這是我找旅行機票住宿 + 讀minor + 做thesis 既時候發現的

仲有..do it right the first time
這是我以往工作時開始浮現, 但在讀preparatory course 的時候才認真的開始落實
因為hea 做完pat 屎出黎然後要改, 其實係仲辛苦過由頭做過
所以當工作上遇上了位凡事求奇交貨, 卻又因其好口才而總可以過關的人
真係覺得佢好浪費他人時間及覺得佢當所有人都係白痴..
我以前都有係咁, 不過而家已經唔係, 睇返轉頭真係on9

還有, 很重要的是eliminate distraction 同寫priority/ task list
我都忘了什麼時候開始在有需要時就會做這2項..

除以上原因外,  有好大原因係我心裡總有著一個deadline
因為在開始工作很早期
我已經心知我可能又再離開
這樣只有2個結果 - 一就是hea 爆一年佢, 一係就做好一年佢
幸好我可以做到後者
如果我沒打算過又要離開的話
我想我真的不會如此上心 - 因為大把時間嘛
但當一切都有一個期限, 一個完結的話
人不是就會好好珍惜現在嗎?

又因為這個deadline, 我又會多了點fuck it (好聽點是why not?) 的態度
試試工作上own it like you are the boss
試試出席才見面一次的朋友的邀請
試試跟其實一直讀一所中學, 住同一座大廈又搭同一架lift 的師兄打招呼
試試做自己支持的組織義工
試試挑戰自己報做TEDx HK義工
試試跟住附近的好友多點聯絡
同時又試試不管一些會令自己能量下降的人
好運地接了一單翻譯的freelance 工作

只是單單一年在港的生活, 已經跟以往廿多年很大不同
我知道這一年, i made some differences..

=====================================================================

一年完了, 什麼都好像才剛上軌的時候, 我又離開了
回到這個我不熟悉的國度
更大的挑戰又來了

荷蘭至今最大的TEDxAmsterdam event的義工又給我超級好運last minute 地做到了
已經是一個很好的開始

回首我所做的, 一直都很不錯了
現在我真的真的很需要的是
給自己多很多很多的自信
加油!!!!!!!!!!!!!!

missing our good old times..

Missing our good old times..

9月中回港，11月返工，轉眼又到左2月，已經知道自己這年要做既工作，是有能力做的，只是不時會想，為何要為別人而做？努力做了別人又不是會感激你，只是覺得是應該，應份。還要因為架構，決策又要點時間，又要上頭幫忙考究老細的品性，揣摩他們的喜好，更要處理最令我覺得耗時耗力的人事關係..跟沒有共同目標的人/自顧自的人一起共事，不用很久已經很累。也許是出走過的人的心態吧/我認為時間不多吧，身邊有很多美好的值得付出的，真的覺得時間不應花在stuck with 那些只顧自己的人。

剛好跟韓國好友聊了兩句，又想起了我們美好又瘋狂的日子，又想起了以往的一些人，幸福就好了。我也希望我們的努力會有很好的結果。

論文成績已出

交完論文一星期後
同香港的好友同佢老公一齊自駕遊德國奧地利同捷克14日
我日日只要上到網既時候就check 下email 睇下分數出左未
終於到我旅程最後一日收到阿sir email
我本來希望至少要有7.5, 最好係上到8分
點知得到8.6
真係好開心, 我真係好用心做架
最後既2星期. 每日都schedule  至少4個鐘返學做(係, 都仲未算好多:P)
以前細個讀書成績都未試過咁好

以前拿高分成日都可以話靠好彩
前個sem 讀minor找到2個客阿sir 話我地好彩
今次我唔會話我只係有運了
仲有努力架:)

分數都一來
阿sir既comment 令我更開心
佢話係我份野係佢近年以來睇過其中一份最好既論文
(仲要係我人生第一次寫)
每次諗起都開心:)

YEAH!

我的4月份

近來呢

學校4月開始已經唔駛返, 上學期讀2科既成績都出左, 其中一科是教得好廢, 但我對個topic有興趣, 做功課比較有心機的, 成績最後都唔錯 :) 另一科內容同上堂都很有趣的, 但workload 很重我又不願意花多點時間做, 合格了就好. 剩下既日子只係要完成論文, 而家未算係好忙, 5,6 月就會喇

4月13-23日

我媽媽同家姐黎左阿姆斯特丹:) 其實我真係冇諗住我媽媽會黎到, 因為機票真係唔係話平, 而家始終年紀唔細要周圍行路唔係咁易. 但係真係開心佢地黎到. 我地一齊去埋巴黎, 第一次住airbnb, 我好鐘意間appartment! :) 為左個女我, 今次係媽媽人生中第一次衝出亞洲, 有點感動又為佢開心, 我的確好想立即有車牌租架車帶佢周圍去等佢唔駛行咁多. 

我上次去巴黎好希望下次會同特別既人黎, 今次有家人真係好有意思. 希望佢都覺得好特別同開心!!

仲約左好朋友見面, 每次都感到一見如故 :) 一齊行吹水已經好開心

4月26日

國王節終於可以玩boat trip, 係唔駛在街上同人擠, 但係船都會塞船

我地船有2個人跌左落運河, 仲要d 人在船上飲到爛醉. 其實真係有點危險

我呢d 唔飲既睇住大家由正常變顛變嘔企唔穩. 哈哈哈, 幾好玩, 好有節日氣氛

boat trip 前如舊年去賣野 :) 開心地又一個鐘賣晒, 賺到既錢比得返boat trip飛2張仲有剩 :) 最開心莫過於此, 同日又賣野又慶祝,應駛好多錢既日子變左唔駛駛錢之餘仲賺, hehe, 幸運地又冇比人拉:P

第二日周身好似比人打完咁, 抖足一日先夠皮

4月29日

訂了回港的機票

9月18就回家喇

買完立即有了踏實的感覺

已經開始有點期待

同時代表給了自己時限

要去的地方想做的事就趕緊計劃一下

機票買來回還比買單程便宜

所以買了來回

不過回程是否會用還未知道

我暫時留港的傾向比回荷蘭大

回港後我要好好重整自己的生活

另外我的小米電話已經幾乎去到唔太用得既地步, delete 左2次我D contact, 又delete 我所有memo..所有app 好似重新裝咁咩record 都冇, 成日 hang 機又成日彈app...  我打掃工作位太太見我用部電話用到超級frustrated, 決定送一部2手iphone4 比我. 真係好感動...! >__< wuwuwu!! 我知佢好鍚我, 真係對我太好了.... :'(

葬禮

上星期她離世了
是我打工那位女士的媽媽
她們各有自己的屋子
但距離很近所以她們都會到訪大家的家
由我開始打工便開始跟她媽媽有接觸

在荷蘭跟老人家接觸多於在港時
在這裡認識的
都令我大開眼界, 啟發了我很多

他們都很樂觀很堅強
到他們家作客的話
都會堅持招呼周到
作客的只用坐坐飲飲食食
他們不要,不需要也不喜歡別人幫助
年紀都過80了
身體總不如年輕人
但他們還很有活力生命力
十分的自力更生

他們不是有錢
都只是住政府的公屋
他們喜歡有自己的空間所以獨居並不是問題
老人家有政府資助可以請家務助理打掃家居

她離世前一段時期她都卧病在床
醫院的病床直接放在家中客廳
每天有三位不同的護士來照顧和觀察
我不禁擔心她們的開支
但原來這都是包括在全民基本醫療保險內

記得她知道自己生命距離完結不遠時跟我說
I lived a long life, but a happy life, so it's ok
這真是我第一次從老人家口中說出來

話說荷蘭是有安樂死的
如要安排
是需要醫生及一位第三者在場作證
也要連續數天她都肯定要作才會成立
她不是十分肯定
最終沒有做

今天是她的葬禮
天下著雨
說再見的儀式
荷蘭語我未聽得懂
但我知道大家都很愛她
我也一樣
儀式完結
遺體就移到下葬地點
每人在棺木上放下一支淺粉紅玫瑰送別
然後到會客室喝點東西, 吃點小食, 聊聊天然後離開
整件事很美很美

她的女兒-我為她打工的女士- 有著糖尿病, 身形倘大, 單身, 現在要完全照顧自己
相信之後的路不會是好走
幸好我知道她跟她媽媽一樣堅強
她的溫暖,關懷及樂於助人的性格
令她身邊有很多樂意幫助她的人

很希望自己老時也能跟她一樣正面堅強, 無悔一生
她是我遇過最美的人
很高興認識妳
我愛妳, Lida
再見

Dreamland?

奧運完結
荷蘭這小小國家今年成績超卓
尤其溜冰更數次見到冠亞季均是荷蘭人
其中一位女生更成為史上拿下最多獎牌的奧運選手
更有一位媽媽拿下金牌

荷蘭的國王在奧運期間都跟皇后在場觀賽打氣
這樣的國家領導人很鮮見
然後因為成績實在彪炳
國王把8位得金牌的選手都封為爵士
成為國家貴族

現在電視直播著
我整個人就是出神了
真的超現實
這什麼國家啊
好像一切童話一切不可能的都有可能發生

思

想睇書好耐

首先找英文書都已經唔易,

找到有英文但唔知係咪荷蘭人剩係睇fiction

都找唔到想睇果類

終於唔小心地留意到學校附近有間2手英文書店

在地牢既小小角落裡找到本較合眼的買了回家

然後看著看著想了點事

以前看的什麼經濟書云云會建議我們現在要為將來退休儲好足夠既錢

令將來冇工作時都可以保持而家既生活水平

然後大家開始計如果自己退休後仲有x年生存的話
原來要儲 y百萬元既錢

驚覺原來錢要而家立即現在即時這刻開始儲

然後上班消費都變得有壓力要計數

這都是對的, 我也認為將來是要打算及計劃

(只是現在我什麼都沒在做)

書中提到人要感覺自己富有與否,是要跟別人比較

人有我有的話不會令自己感覺富有

如果其他人比我有更好的更甚

這2樣野加埋

令我諗到

也許

如果不是因為人都想自己有的比別人好

或都要同其他人或潮流科技同步

如果我們不是活在這個消費型社會

我們所謂的 "現有生活水平" 本來就不會這麼高

若我們可以調整 "現有生活水平" (當然唔係要下降到令自己過得好凄慘) 

那將來的生活所需的那一筆要算起來一定會較低

也許我們只要悟到如何可以過less is more 的生活

又能接受自己活得跟別人不同

那我們便可以更著眼調整自己現在的生活

小買能省錢, 又可降低"現有生活水平", 令"將來生活所需"下降

人不是會輕鬆很多嗎?

Asia miles 今年到期

而家sem break 中, 但仲有幾日又開學
今日返學校交份功課順便上網
知道自己返學schedule 就check 下中間可唔可以去下小旅行

咁啱發覺我有一半asiamiles 今年9月就到期
但係9月左右可能我先返香港
係咪返黎後就立即去一轉台灣呢?

又有冇得由amsterdam 出發去第二度呢?
一check 發覺可以去一轉dubline
好驚喜!! : D
再check 下有冇其他地方去到先!!

又到新年

又咁耐冇寫
不是棄blog
也不是因為沒特別事
其實有很多
只是愈來愈覺得無須記下
拍照有一段時間很小有自己的照片
進入了無我狀態
(即使拍了, 因為朋友永遠手震, 總是沒有一張正常照片)

以往臨近新年都會列定下年目標或景願
今年想也沒有想
春天會想嗎
也許吧

今年新年既特別又沒啥特別
雖很可能最後一年在歐洲過新年
但又沒什麼很牽動的情緒
還在想著去年的新年
她們在的話會多好

My favorite cake shop

Although nothing really happened n shits going on, I am feeling happy today

Introduce my favorite cake shop in Amsterdam: De Laaste Kruimel

Address: Langebrugsteeg 4, Amsterdam

It is quite close to where I go to school :) They have nice coffee too and as a student, I can get 10% off discount ^^

The cakes & pastries are beautifully displayed

 And very cozy music & interior

Just the seats n tables r really small, but they bring people closer

damn it

why am i going through all those crazy shits

返學

開學終於開始忙

日日都要睇3-5 篇readings 眼都盲了

還未成功睇得晒...

然後很累很想睡 zZzZz

睇字從來都係我弱點...

讀書人還未懂得點讀書 -__-

I love Science Park

Not the science park in Hong Kong but the one in Amsterdam

After i moved, it only takes me less than 10 mins to bike to science park

There stands a university building and a sports complex

The interior of the university building is much more modern and new, it is a nice place to spend time working on school stuff

but what i like the most is the sports complex

Apart from the normal facilities like hot shower, it also has a SAUNA

Last year I had a chance to peek into the sauna, it looked EXACTLY like the picture below.

and the light colour changes

Because i moved so close by so i started joining sports courses there, and i thought the sauna was for special members so I asked, the reception told me that whenever I finish my lesson I can go there FOR FREE

Im already excited n definitely will try it out! Its so cozy!! 

Although it means that I am super poor, it's still good to be a student sometimes, as I can get some student discounts for good stuff that no one else can :)

And i really find this sports complex really cool as they offer a lot of exciting courses like windsurfing,  freerunning, and even parachuting!!! Too bad theres no student discount for parachuting and its kinda expensive for me......if I would have the financial capability to do it, i would!!

There are just so many great things out there waiting to be experienced

零professional 裝備人生第一次單車4日3夜旅行

Now I like the fact that the Netherlands is flat, coz you can bike super easily!

我們俩都未試過單車旅行, 想著反正有咩事可以搭火車返家, 咪去囉

我喜歡大自然草地海洋, 佢就在google map 度一眼就話行沿海既這條路啦 (紅色條線)

基本上, 就咁出發了

Day 1: Amsterdam-Waterland-Monnickendam-Volendam

我地下午約1點先開始起行

算係好短既一日

第二次黎Volendam, 真係仍然覺得係其中一個holland 最靚既城巿

一出Volendam 就找到一個十分理想camping 點, 後面睇日落, 前面睇日出既180 度海景...

6點多7點就紮營

訓覺既時間先知...原來這裡係排水口, 凌晨先排@@, 成晚都好嘈, 不過!!我有帶耳塞!!

Day 2: Volendam-Edam-(中間經左幾個小villages)-Hoorn-Enkuizen

Edam 這小小城巿都幾靚!

小小可惜中間有段路係車路冇海景

Hoorn 很大很可愛, 巿中心的所有燈柱都有衫著的

從地圖睇hoorn 跟enkuizen 的距離比volendam 去hoorn 短

但係!!

我地跟海岸線踩, 其實原來仲長過volendam 去hoorn...

Enkuizen 也很漂亮

這裡找了個camping site, 因為太想沖涼了!!

另外仲bbq 左, 一直想左好耐了!

Day 3: Enkuizen-Lelystad-Almere 

這日路程最長.......至少60km+

從地圖所見, Enkuizen 出發其實有條長命堤壩

踩踩踩踩踩踩踩
(sorry cant type in chinese on the computers in school..)
we reached Almere right before it got dark
had a drink, watched football & dinner in the city
set our tent in the middle of a public beach inside the city
it was super chill. unbelievably,  it was the quietest night compared to the first 2 nights

Day 4: Almere- Muiden - Amsterdam

We packed our tent at 10am, still no one around at the beach.
Can't believe camping inside the city was much more quiet and silent than camping sites
We met a friend there, listened to his music and chatted
Then we had to start biking otherwise we would be late for a birthday party tonight
Although the journey was not super long
We were biking against strong wind which broke me totally
There was a festival going on in Muiden as we passed by. Narrow streets in this small city were packed with happy people. Cozy. Too bad my phone was out of battery.
Completely broken, exhausted and moody, we returned home safely. Had a nice warm shower n laid totally still to rest, we left home again for the birthday party


Afterwards, a friend of mine asked whether we brought anything to fix our bikes in case anything happened. The answer was no. We were damn lucky that nothing went wrong. I would love to say thank you to our bikes for carrying us along the way.

but after returning to Amsterdam for couple of days, my bike was stolen (again). And his bike had a flat tire (which we think was done intentionally by people who wanted to steal the bike).

So...

Now i have a real dutch bike. Finally, I am learning how to ride on a dutch bike which is a bit too high for me to sit on. I remember there was a saying that dutch bikes were the most difficult ones to learn.

But challenge accepted.

Update 返 - business course completed

其實隔左幾個月都冇真係記落blog
可能因為我打字慢, 加上要upload 的的, 我寫blog 用的時間還滿多的...有時覺得有時間情願做其他野..所以我唔係好regular update 既blogger..
而且覺得打出來同心入面想的有點出入
又愈來愈覺得好多野都冇咩要講出黎
然後日子耐左, 善忘既我又唔記得了
以前我好記得d微細野, 而家唔知係老左short 左變左定潛意識內disable 左這個功能
好多特別野都係過左就算

趁而家記一記最值得記的:

我讀的business minor 已經完成, 後期的cold call + spam email + 吹水+ 好彩 令我們找到2 個堅客,  ( 我既teammate 其實在上述4項都冇involve , 但佢樂意做admin 上 打report 寫business plan 這些在電腦後做既野 ), 令我地成為12 條team 內唯一有profit 既一team , 之後semi final 順利入8強, 最後在kickout (最後既大presentation) 得到了第二, 這屆minor 被譽為10年內最高質素, 而且聞說我地離第一位只欠0.03分, 仲有我地已經有profit, 我地個presentation 又次次改次次練, 所以拿第二其實都夠開心!

更重要既係, 有人覺得我地係第一.

當第一個客既order 到左後, 老師講有興趣加入, kickout 當日坐在前排既investor 們問我詳情, 到kickout完左, 有2位同學分別私下問可否加入等等.. 其實我覺得這些真實既反應, 比"第一位"重要..

這個minor 令我証明了我有這個能力, 亦可以做到, 但始終這是很短期的試驗, 這idea 也許不是我很熱衷去做的,  要真正自己搞, 長期保持熱度, 這還是另一個層次


我們努力的成果:

以後說起, 還滿值得自豪的 :)