香港人在荷蘭, 比利時 | Hongkonger in the Netherlands & Belgium: 1月 2013

2013年1月28日星期一

期

1月28日

今天朋友晚飯聚
才發現原來今晚是我們三女生聚一起的最後一晚

她們之後會在韓國見面
雖然感覺可能會不一樣
但總算可以見

她們走後
我跟她們下次再見
卻會是什麼時候呢

但我肯定我們是會再見的

2013年1月27日星期日

1月27日

有時
我希望世界沒語言
語言有時是障礙
先是每個國家有唔同語言,已經係溝通的一大障礙
次是再多的文字形容也好, 還是表達不足不夠準確

但是只要大家有種connection, 只要在一起便會連通,不用多解釋已完全明白
這種connection 肯定是無分國界的, 但語言卻是連通這種connection 的最大障礙

今天跟你們過了可以說是人生其中一段最美的時間
不自覺隱藏的感覺都釋放出來
流了原來不知道需要流的淚
面對了原來刻意不去面對的真實
空虛過後
豁然開朗
然後重生

到一切慢慢回復正常
才驚覺原來美好的時光是可以過得這麼慢!
當大家都以為已經早上太陽出來也許已經是下午的時候
原來只是凌晨2點多
真的很不可思議
更怪的是, 大家好像一起回到正常時空, 時間突然走得很快, 轉眼到了早上6點

然後我們才發現大家都不能準確讀出大家的名字
但是誰管它呢!!

我知道
自我了解自我發現的過程很痛苦
了解別人, 接受自己及別人全部的過程亦十分艱辛
還要明白及接受他人的不理解
最痛的日子我想我都走過了
昨天見著我的兩位好姐妹也走過了
能相知相惜相了解是一種難得的情份
真很感激我們6個月前的遇上

她們離開的日子在即, 一起過了今天也真的無憾

這種友誼, 實在太美
這個大自然真的很神奇

我也一樣, 真的好愛妳們
還有你, 就在那裡傻笑傻笑

我沒信什麼宗教, 但我那種很禪的修煉在這裡似乎已到了一個境界

2013年1月21日星期一

雪

近來下了2場大雪

大顆的雪慢慢的飄下來, 很美很美, 覆蓋著整個城巿, 一切都靜下來

之前未見過的雀, 冬天出現, 據說是來獵食的, 他腳下的河道就有很多鴨鴨

在家門前做2 個小門神

我很喜愛的Meerkoet (終於知道佢個名, 英文係Eurasian Coot) 都上岸了,喜歡他們是因為覺得很像新世紀福音戰士其中一隻使徒, 哈哈

小朋友的雪橇出動了

到了Oosterpark, 樹在笑

湖部分已經結冰了, 很漂亮, 但還未穩定, 未敢在上面行走

我發覺我真的喜歡大自然及鳥兒動物們, 真希望可以有部好的相機把牠們都好好照下來

但在此之前, 有時間會先好好研究怎用手機照更好的照片, 我真的是位新手呢

Happy New Year 2013

12月31日

早上起身買煙花! 好在11點幾都還算早, 走既時候人龍已經排到出門口

好開心在德國同荷蘭都可以玩煙花!

下午到了公公家~他們每年都會親手炮製過年應節食品 appelflappen (炸蘋果片)同oliebollen (炸提子..團?)

仲有真正既nut crackers :P

晚上到友人宿舍~

可惜是日雨真的太大, 出街玩煙火同倒數的煙火沒照片~! 但很特別~其中的3位朋友不久就要離開, 好開心可以同佢地一齊過!!!

大雨下還是堅持到了間club, 索價35 歐只係入場費(我聽過50 歐但任飲) ~ 不過係theme party, 人人都扮海盜, 仲開埋旁邊 factory 做dance floor, 真係唔錯~

好在間野近屋企.....

1月1
party on...!!

荷蘭家過聖誕

12月25日

聖誕日, 其實德國人荷蘭人都主要跟家人一齊過, 就好似我地既新年一樣. 這年是我第一次不在港過聖誕, 很有幸地能參與荷蘭家庭的聖誕聚

當日意外地收到很多禮物, 但不一定知道是誰送的..他們都說, 多謝聖誕老人啦 :) 人在外地卻還是很溫暖

晚上的自家聖誕晚餐, 真係極無敵......不論是裝飾擺設食物質素節日氣氛, 真的沒有理由想要出街食的

頭盤煙三文魚鰻魚..都是我的最愛, 這裡的鰻魚(三文魚也是)也真不便宜, 但因Aunt 知我鐘意, 特別醒多條比我T_T

雞湯

餚製多個小時之超軟稔稔的火雞, 真係好稔好味...!!!! 仲有薯仔+小菠菜 (唔知真名係咩)~

食到火雞都已經飽到反肚...似乎我真係細食左好多, 但係都好想食多d 食多d , 仲有甜品真爆肚了~

12月26日

到了哥家作客, 又一餐聖誕飯~~

聖誕包包~是提子甜包中間仲有果仁paste 的

個果仁paste 有人大愛亦有人反感, 我係唔鐘意的~..食周圍D 包就OK :p

晚餐頭盤蜜桃肉碎蛋沙律, 好好味架!!

主餐~GOURMETTE! 好陌生既名, 但係其實係韓燒d friend

唔同既係一人一個小pot, 放自己鐘意既生肉, 蔬果, 同醬汁煮熟~

因為個pot 好細, 好似玩緊煮飯仔, 好得意~哈哈

甜點印度蛋糕(幾好味~)+ 肉桂味雪榚 (個人唔鐘意肉桂...)

12月27日

Barcelona 認識的一位朋友來了amsterdam 就一齊飲野~

因功課考試旅行既關係我都冇時間出街睇這裡有冇聖誕氣氛 , 只係經過小小街同Centraal station, market 就未見到, 但係氣氛比Barcelona 好~ 但是還是覺得德國的christmas market 最好

12月28 日
再來一餐~這日到了位Uncle 家食飯,嚐了焗魚及意大利飯~

這位Uncle 較年輕, 比較好聊~是位architect, 但在家裡他也有些自家制的傢俬,其中一樣, 真係覺得他應該sell 佢個idea 比ikea 之類的公司!!

2013年1月12日星期六

Student Advisor

現在讀的preparatory course 已到了最後一個月

就是在這個月內要完成一科, 剛開始就來了一個佔10%的小presentation, 不久就會來intensive 的,共佔90% 的2 份paper, 搞得掂就下個月正式讀我的master!

話說之前有在此提過交constant 既學費就可無限加科

我也已經找到我想讀的科目

一加之下, 有4 科business 科想加..其中3科其實係form 左個minor, 可是這minor 跟我core (我讀communication) 要讀的有部份時間clash, 而且基本上attendance 係complusory, 如加晒study load 會極重, 我同student advisor 約見了, 睇下有冇機會唔extend 我個degree, 而又可以加科.

討論過後, 首先佢都好支持讀這個minor :D 但係我地點度個schedule, 都係一定要extend 或postpone 個master 4.5 至6個月,但除錢方面, 我還有點怕我留得太耐,如返香港會唔夠人爭

如果你係老闆, 收到一封cv, 這個applicant 去做左幾年野後一口氣去1年working holiday 旅行3個月再讀 2年full time master, 你未見到這個人的, 你會對這位applicant 有咩諗法呢?

可能之前我怕這方面多點點,但我也比之前知道我做這堆野為咩, 肥左第一份assignment 後, 我對學校已經轉左做認真mood, 我o係度, 唔係剩係為左玩架!!

2013年1月8日星期二

平衡邊緣

總是突然會有在邊緣, 多一秒都覺得承受不了的感覺

真的很危險

除了小動物外, 還有什麼可以讓我看到就能心情一鬆會心微笑呢

2013年1月7日星期一

Barcelona 5日遊之 5 La Boqueria & 小偷情怳總結

12月24日

last day!
KFC 的大薯蓉真係N 年冇見過, 這裡只售1歐, 簡直係好最好既朋友! 今日有半日時間, 就睇多點點之前只能到此一遊既地方

不得不提這裡的street artist 好多都係classical , 真係基本上人人都係好勁的!

La Boqueria 巿場, 梗係唔好錯過!

黑毛豬還是冇食, 希望下次有機會啦!

BCN terminal 2 比起terminal 1 真係頹得多

荷蘭人, 真係好習慣同陌生人好friendly 地吹水, 佢地唔明白點解 (e.g 香港的地鐡內) 人要避免交流& 避免接觸, 荷蘭人見到大家(唔識的人), 只要咁arm 有眼神接觸, 都會好友善大方地say hi, 如有d 人在車內吹水, 側邊的人聽到又啱佢 topic 的, 都會好友善地加入.

在機場內, 因為大家都返amsterdam 好多都係荷蘭人,就自然好多人吹水上來

但可怕的是, 大家討論的都只係robbery 偷野搶野

其實我坐metro 時不時都見到有警察, 感覺好似好安全, 但係要知道道高一尺魔高一丈, 其實只係我地遠遠低估左小偷既數量...等我summarize 下我在短短1.5星期內所聞/ 行程內所遇的

Case 1: 在metro 內, 有2位荷蘭太太坐在車門旁, 其中一位將包包攝入手肘同腰間之間, 外套之內, 坐著坐著, 突然覺得古怪, 驚覺包包被搶了, 小偷已奪門而出, 車門亦剛好關上了......

所有重要文件金錢電話護照都沒了, 事件發生只是她們抵步第二天, 什麼心情都沒了, 發誓以後不再來

Case 2: 也是metro, 有一家荷蘭人見到有部份人帶著藍色耳機, 看似是遊客, 你知荷蘭人愛閒聊, 就問問他們是否join 左咩audio tour 所以幾個人都聽住同一樣野

他們回答說: 唔係, 我地在睇水

原來成班都係賊 =_= 耳機用黎通風報訊, 但係比人問起, 佢地又好誠實 =_=

Case 3: 我們跟新朋友到la ramblas 飲野, 在街上他們被數人靠近, 其中一位朋友係著住緊身牛褲, 也常check 荷包仲是否健在, 那數人散開後不久, 朋友驚覺銀包已經唔見左, 但是街上冇人走佬, 個個都行得好從容, 佢就一支箭衝去找一可疑人物, 我們好快知唔對路, 分頭去找另外2個可疑人物, 剛好在位警察在不遠處出現, 那2位先生先交出銀包, 但我地發現錢仍然唔見, 佢地才肯交出.. 最後問返朋友佢feel 唔feel 到有人笠佢野, 佢話真係感覺唔到架

好相信佢個case 係萬中無一地可以拿得返..

Case 4: 電話影相時比人搶

Case 5: 比人潑可樂, 賊人扮好心幫佢抺乾淨, 實為搜身, 比人搶左個袋

Case 6: 唔知詳情, 總之係比人搶晒重要野

Case 7 : 被偷銀包

Case 8: 我地在metro 眼見至小2個疑似小偷, 比我地睇實既情況下都係下個站急急落車, 快步行去升降機 (唔係電梯!)..可能扮等升降機, 等一陣又行返去platform

都係個句,搶得乾淨快手, 捉到坐3 日又開工, 超級好搵, 警察又唔上心, 去西班牙堅要extra extra 小心, 小小機會都唔好比佢地!

仲有好多其他方法偷野, 可以上網search scam city: barcelona 同睇wikitravel