Barcelona 5日遊 之 出發

12月19 日 考試+出發!

早上起身溫小小書, 就出門考試, 考完都唔想同同學對答案..見到d MC 大家答案都唔同, 就算吧啦...

阿sir 好快手地, 考完試冇耐就將MC答案post 左上網, 20條中左16 條對於我都算係好唔錯~ ! 仲有3大條open questions 佢唔會放上網, 只要答中部分我就for sure 合格!!

返家執backpack (其實早幾日基本上都執左...明明要溫書都走去執行李 ..好唔應該 :P)

搭車去到amsterdam centraal 先驚覺漏低左本passport, 好在時間預得好鬆, 拿拿林返家攞返..

今次我地由Amsterdam Schiphol 機場(AMS) 飛Barcelona El Prat Airport (BCN), 2個都係主機場, 去程坐Veiling, 回程坐Transavia,約2個幾鐘就到, 因為12點凌晨先到既關係, 已經冇metro, 就搭Aerobus (一人約6歐)去巿中心Plaça Catalunya, 近半個鐘就到, 真係幾快

BCN 機場Terminal 1 又大又靚 :) Areobus 乾淨又舒服

之後轉Nightbus N9 (單程2歐, 但只係因為已經冇得買T10飛所以焗買一程) , 前往我地住既平價hostel - Ole' Barcelona (住single/ twin room 都係一人低於10歐/晚..但似residential 多過似hostel), 就在大教堂Sagrada Familia附近

間hostel 真係好minimal, 要求只有有張乾淨床同有得沖涼就夠的話可以一住....個人覺得住一次都還好

check 完in 就大覺訓, 唔知點解咁好訓!! 一星期積埋既累就今日出晒黎..

交完功課的數天

第二份功課已經成功交左, 合格就預左一定有, 分數就希望咁多啦......! 話說我這裡唔係A B C 咁比grade, 係1-10分, 合格係5.5, 有7或以上已經叫ok~10 分係不可能的, 基本上最高係9
 
交左功課就可以放鬆一下, 是晚去了朋友家hea, 中途竟然見到白雪雪既野兔在草地休息

灰色細細隻既野兔就見得多, 白雪雪仲要有一隻係賓尼兔真係第一次見, 好可愛呀!!!!!!!!>3<

第二日有朋友自柏林來,天氣好差, 所以開心地在家一齊食飯, 之後冇落雨了就去睇The Hobbit 3D, 我同她都覺得套野長到呢..同埋想超完美得太過份..不過又有位鐘意到不得了既人:P, 又因冇留意套戲咁長, 已經冇車返屋企, 唯有打的 =.=

接著第三日就真係請韓國好友們到家中打邊爐^^ 十分開心佢地鐘意~其實韓國同日本都有差唔多既野, 材料都係差唔多, 只係個sauce 唔同, 不過韓國打邊爐都係出街打

她們買了蛋糕外, 仲收到她們的禮物, 沒想過會有! 開心~!! ^^鍊係就係香港都會有的, 但係這條由布拉格來, 感覺更貴重 :) 柚子蜜冬天也十個好用~

可惜係冇影咩相..又玩到夜一夜..人人過夜, zzz .....

由做功課至e 幾日都夜夜都唔訓, 又打2過次邊爐, 又多零食, 要好好鍚返皮膚了 :( 皮膚一向敏感的我這幾日特別痕 :(

另就是自己上了kimchi 癮, 在港已經鐘意食, 但在亞洲超巿見到就買左, 一星期內而家已經第三盒....食食下都諗... 人地話健康, 但我成日覺得健康既野都係唔好味的..就上網check check, 原來kimchi 係one of the healthies food ..哈哈, 繼續食囉... XD

不過韓國好友說這種比較甜, 我之前去佢地家時食過是較鹹的

仲有2日就考試,同日就飛巴塞喇!! 不過barcelona治安真係差, 好多朋友都講過, wikitravel 又睇左, 上網睇埋scam city: Barcelona 見扒手偷野真係好快好爽手之外, 仲今日新鮮見到認識的人被人當街搶走部手機, 遊客尤其亞洲人特別易中招, 真係.........小心小心!! :(

生日快樂

生日就是繼續做功課, 因為實在太唔想這份都肥...

也真的沒特別想要怎慶祝, 願望也只是簡簡單單

今年只想生日可以在荷蘭打第一次邊爐, 也是第一次自己買料搞, 明明買唔算多野, 但已經至今可以打足4次...電飯煲又真係可以打到邊爐, 十分高興~

今次成功了之後就可以叫多d 朋友黎打

另外, 得到你的祝福已經很好..

其實我也會想念...

Barcelona & BDay r coming!!

近日常聽朋友說旅行

才醒覺怎麼我沒想過...考完試後至1月頭已經是我最長的假期, 之後長小小的假期又係peak season, 咩交通都貴過而家.. 唔去幾時去!?

就係因為咁,明知要趕功課..但係對手離唔開keyboard 去check  機票等等..

所以2日內, 就買定了機票book 埋hostel, 就在考完試當晚飛Barcelona!!! 諗起都興奮呀呀呀!!!!

Barcelona 12月平均有6-11 度, 雖則都係日短夜長, 但相對Amsterdam 而家已經徘徊0 度, 真係十分ok!!!

是日天氣十分好, 就有目的咁去行Dappermarkt

聖誕新年就黎, 見多左d 應節既熟食檔開左, 其中一檔賣Appel Flappen (Google translate: Apple fritter) 係炸蘋果片, 上面再灑點糖霜, 係荷蘭人送舊迎新必食的~0.75歐一片, 3歐5 片, 第一次食, 覺得太油了點.. 好的Appel Flap 應該是多蘋果而只有薄薄的炸粉~

今日黎既目的, 就係要買我既生日禮物^^

之前其實o係度睇啱左對手套同帽,  不過手套個攤位今日已經唔o係度..唔知之後仲會唔會見到><

 帽就成功買到^^, 估幾錢?

7.5 歐, 對我算ok 啦~~!!! 以香港價可能覺得正常, 大約75 蚊左右, 在這裡買就覺得有點點抵..尤其係我冇得淘寶..

在德國荷蘭都好, 生日都係自己邀請朋友同自己organize party, 禮物的話多數都係自己講自己想要咩 (for 家人/愛人), 今年生日要趕功課, 但係呢, 飯就點都要食返餐, 我既邊爐仍是要打~ 

這些都令我 e 一日好開心 :D

迎接冬天聖誕

 溜冰, 我都仲係未識既, 只能做到平時行路咁..

同一個場有室外

又有室內

原來對上一次在這裡溜係今年2 月 O_O 我以為係好耐之前

好大隻又唔怕人的鴨(?) 據說佢地其實唔係鴨><

 地上執到帽:D 真係執到了 - 在家附近執到這頂帽 :P 仲要係我鐘意的款, 新帽共3頂 :D

 

我舊年冬天返左香港, 同歐洲冬天無緣, 今次係第一次體會這裡完完整整既冬天 :), 琴晚第一次見落雪 (之前只見雨雪同地上的雪..唔係飄落黎個種), 真係好開心!! 在窗口旁已經可以拿到雪

d 雪真係好軟綿綿~..! 有雪第一件事就係整雪人!!! 琴日一個細細個的, 今日整個大小小的

 不過佢吸煙的XD 附近的風車都舖左點雪
 
 到dappermarkt 買左好多野, 其中一個蔬菜攤既包裝袋好可愛 :)

 仲買左棵赤裸既聖誕樹, 再買左d 裝飾返屋企整, 好耐未試過...

仲有白色一串燈

同日也交了我重做份功課, 今次做得滿意, 希望ok 啦!!

不過都係會諗: 如果係第一次交這份就好了....:( retake 既功課最高分都只係pass..

給自己的生日禮物:)

12月又到, 離生日日子唔遠喇!

下個sem 有4科要讀, 一直好想快d 知這個sem 既schedule, 終於落實晒!! 執完個timetable 星期一至四都要返學, 但係日日都返2個鐘, 既然係咁, 係時候落實我上個sem 錯過左既機會-- enroll 多幾科!!

唔知之前有冇講過, 荷蘭讀書有個好正既地方(我唔知其他EU 國家係咪都一樣)

就係你比constant 既學費, 只要你時間許可, 同埋你fit 到個course既entry requirement, 你就可以無限enroll 任何academic course, 荷蘭所有大學既所有course(係所有) 都報得, 當然咩language course 呀興趣班唔當

一search 之下, 搵到幾個4 科心水既courses, 細找一下原來其中3 科屬於1 個大course , 只要enroll 到大course, 3 科都讀到, 上堂時間仲fit 我schedule fit 到漏, enrollment 亦尚未開始, 最最開心既係黎真的!! 仲有支強心針係原來舊年有個讀我同科的人join 左仲win 左, 証明時間係可以擠出黎的~

真係唔駛諗, 機會既野黎得就要捉得實, 即應科目要求send 封email 去indicate interest, 第二日即收到information intake 既日子同時間, 就在我生日前一日!

超開心~~ 如果讀到玩到, 真係比自己生日既驚喜禮物, 同埋下年年頭既新挑戰 :) 又會令我下個sem 變得極其變態地忙~~

昨天友人搞左個korean night, 見返其中一位友人傾起, 就feel 到大家志同道合, 希望佢都會一齊join 一齊玩!!

同埋我真係好好好好好掛住打邊爐, 我多左個願望, 係生日當日可以在家打邊爐, 希望可以順利達成 !!

追進度

上lecture 前一天終於睇書+ pointpoint
上堂時終於明佢講咩

同日再睇之前的notes
今日上tutorial 終於聽得明
太好

繼續努力
交完2 份功課仲有個exam
intensive 做功課schedule 開始喇!!
加油!!

肥了

不是指身形
是功課肥了 :(
要在這裡好好自責一下:(

之前大學差極都未試過肥...
這裡成班3x 人,至少 5個人肥左
付出同收穫真的是正比

讀咁多年屎片,道理而家至明:P
其實真的有點concerned..因為第二份assignment 已經黎了, 而且完全跟唔上
仲要redo 第一份
這個course 要份份assignment 都pass 先真係pass 到, 唔會第二份做得好就救到,  而且冇curve 拉, 唔怪得人話歐洲大學入就易出就難, 香港d 大學入就難出就易
這份感覺已經感受到了
而家係有點太遲, 不過今日起努力, 希望補救到....................

搞到我e 幾日好不安:(

外國讀書的不一定有錢

又德國working holiday 又荷蘭讀書
有錢人也? 絕對唔係.......

去德國working holiday 的錢是自己儲來的, 自己儲錢既功力也很低..儲得很慢, 相比自己身邊的朋友, 一比較起儲蓄, 朋友都覺得我其實真係儲得小.....(但係絕對好過冇) 尤其係買裝備時, 月月出糧月月清.本來留了一點本打算回港後可生活一段短時間, 不過到了working holiday 尾段, 不多遊一點地方之後便沒機會, 便把剩下那點都用了去旅行

回港後查了很多德國比利時荷蘭大學的資料, 歐洲其實許多大學費都便宜, 聽說丹麥奧地利是免費(但未查証是否只apply 於european citizen), 只是想讀的科未必有英文教授

最後決定了報左先算, 生活費方面自己在柏林打工時有一點點可生活短時間, 但真的不夠, 還是要向家人借 (會還的), 而且要省用才可過一年半; 而學費,  我有試過申請獎學金 (而我成績平庸不受理), 但是卻做了一大堆research + 博一博, 找到了想讀而用英文教授的科目, 最後要交的學費只是1771 歐一年, 省下了一大筆, 這還是值得引以為傲的

回荷蘭的機票呢? 我是沒有這個錢去買機票的, 就動用了所有的asia miles, 不夠換來回, 就只能換單程, 只付了1200港元機場稅同埋燃油附加費. 近來有位友人形容asia miles 為"任性quota", 真的貼切不過, 而我的"任性quota" 就只夠我任性這一次

現在在基本生活中,身邊同學會到處旅遊什麼的都會有點羨慕. 一如以往總會有點點羨慕別人家富有. 老實說, 如現在在港工作中, 生活一定比現在好. 不過, 這個機會和體驗, 也不是誰都有的..海外讀書的不一定是富有, 沒錢也有基本生活的方法

補記..書本方面, 而家個course 有2本書要用, 各為6x 歐, 仲有有套software license key 要買 20 歐; 最後, 這些都用左d 唔洗錢既方法啦..

這裡讀荷蘭文比在德國讀德文貴..學荷蘭文都係買左個1歐幾既app 自學 :P

sports activities 都貴..地點又唔就腳, 想起以前在康文署個d 幾好呢..同埋poly 有得免費上, book 場又平..T_T 運動方面, 希望下下學期schedule 快出...!!join course join course..

散步日

已經習慣了下午5點己天黑的生活

突然感覺到係一件好事, 在黑夜好一段時期, 以為已經很晚, 誰知看看時間才8時多

黑夜的時間好像管用了, 對於我e d 做功課要夜媽媽至做到既人好處較多

同時搞到我想早d 訓早d 起身享受耐點陽光

Citibank 張premiermiles 信用咭要收年費, 打個電話就有一個十分樂意的"好丫" waive 左佢

雖然在海外, 冇乜點用張咭, 還是留在身邊

是日想去International Student Network 度買飛12月頭iceskating, 5歐包入場包租鞋真係十分抵

天氣十分之好就決定行路去, 好可惜我有check 個office 開幾點, 但冇check 佢星期幾開門

但係! 途中見我之前想睇帽的舖頭, 十分開心地買左2 頂, 10歐一頂 (執粒價), 質素仲勁好, 堅抵!!正常價我估要40-50歐, 個老闆話要100, 其實都有可能! 因為比我之前睇既質素更好, 亦比我之前在柏林flea market 買(同埋唔見左) 既11 歐既更厚重實

唯一唯一可惜是只有沉色系, 我還是很想找一頂紅色的!


 
 另外就是今日用大學既email address 令dropbox 加大到16G :P (雖然其中11G 係只last 1-2 年), 不過因為咁先令我知道原來我個大學email address 唔係by default 比我, 要小小時間申請, 同埋已經係用緊Google App 喇!!

我之前屎忽痕都整左我個http://mail.after80.hk 落google app, 只係冇咩用:P

這裡開始有聖誕氣氛了, 由而家至12月5, 就係慶祝 Santa Claus (荷:Sinterklaas), 之後再慶Christmas

Leidseplein 仲開左個小室外溜冰場

唔識溜冰(如我)就可以用隻seal 幫手, 真係好得意

改改版面

改改版面

之前的深啡看久了有點悶

反正是template, 按一按就改好

相片大一點的也不會過界, 哈哈

夢衡

因為渡假期間這事太開心太滿足

可能為了保持心態平衡

回家訓覺就發左一個剛好完全跟現實相反的夢

現實係成個皇后咁, 夢入面就比人當係一pat 屎

真係似人地講話d BB 玩得太開心夜晚會發惡夢一樣


令我想起去年我有數次發夢發到開聲笑 (以前從未試過)

同年現實就有數件令我悲極的事

這麼一想, 我又更相信一切都有平衡

渡假樂:D

星期一晚上, 到了odijk "渡假", 這是每次party 後遺症最好的comedown 方法, 己經第三次証實是對的

每次到哥哥家都是皇帝皇后的生活:P 是晚佢要証明佢的pancake 係比細佬好, 証明了佢冇吹水的!

第一晚我們還是在討論數日前的那事, 不喜而散, 第二天大家又去了sauna, 真的是最好的relaxation 分法

入面還有唔錯的沙爹雞串連薯條成為我地既晚餐

好像因為昨天討論過, , 這晚似乎想法一致了

跟人的相處能夠這麼自然這麼信任, 可以一齊經歷這事, 感覺真的,真的,真的,好正, 真是The Best Ever! 原來比想像的更美好

第三天, 因為返學關係要返amsterdam, 從完全不熟悉的地方找路到巴士站再轉火車, 找對了車號, 但上錯了方向, 好在我識得個總站咋

而且天氣實在好到冇朋友, 坐耐左巴士, 反而仲開心可以睇耐d 風景

P.S. 新手機己經人肉運送收到, 有panoramic 功能, 太高興了!! 這是在等車時拍的

這日全日都因昨天的事感到很滿足很滿足, 放學又返去食飯, 傳統荷蘭菜, 特別適合冬天,主食薯蓉拌菜 + 肉汁+ 芝士,條腸可以係肉球, 側邊的一堆係apple mush,冇咁滯, 荷文叫做Stamppot (跟腸係Stamppot met rookworst)

第一次睇哥跳folkdance, 全部都係表演者, 可惜老師已說不能上載, 回家睇荷蘭對德國, 就回amsterdam 了! 放左幾日假咁, 真係輕鬆晒 ~~

變態的趕功課

這兩星期過得很變態

第一個星期日開始睇份功課, deadline 係星期四, 寫5-10 pages, 諗住時間好充裕

星期一去IMAX 睇skyfall (個人意見: 悶到嘔), 但下午同晚上加插了去朋友家, 之後整個星期二休息

星期三的凌晨才開始真正起筆, 下午上課後晚上繼續至星期四晨早5點幾就訓, 已經決定走星期四堂, 才訓到12點幾繼續做, 在deadline 前8分鐘submit, 才剛湊夠 5 pages...

以我而家返學既schedule 只有星三四共5小時, 又冇返緊工, 咁都要走堂, 我實在覺得太內疚, 我決定下次要早早做好!

星期五訓醒了就到朋友家食簡單晚飯, 也竟聊到這一個話題, offered to offer 還是令我有點內疚, 不過她們想試試,

星期六是袓父母60結婚週年, 也是一個特別日子, 不過有事還是令我不開心

之後安排了4人在家party, 也是另一個十分十分cozy 的晚上, 感覺十分良好, 真的只有這個combination 大家才覺得相處得舒服, 心裡真的暗自高興另一位朋友訓左覺冇黎 (而我冇打過電話去remind 佢) 不然這個晚上一定大不一樣

不過往往總是到中近尾聲的時候, 往往總是有不自然的情況出現..

我到而家都唔肯定我有冇聽錯....點解..會係我?? 仲要.. 真係...好難......

到而家過左咁多日, 我估我可能應該有點未完全理解晒

如冇理解錯, 我會好好奇好想知點解, 真的話, 我會/ 已經被建議要 覺得係一個好大既讚美

未完全理解的話,我都明白, 因為其他人的口供都有點係這個方向的, 不過, 有點點失望囉, 哈哈!! (咁都笑得出)

不過最後, 慶幸冇事發生過, 希望佢返家訓完個覺之後諗返點解自己會咁講過

到早上11點才散水, 基本上冇訓過, 真係勁

之後的2天是休息日,但討論這事真的氣死了, 根本就不從我角度想想!

Leidseplein

之前話說買左第二架單車

冇耐之後其實都唔見左

今次都係在leidseplein,又係泊左好幾日, 唯一唔同既係今次lock  左落條柱度, 但係結果都係一樣~_~

其實我諗咩單車O係leidseplein 泊幾日基本上都會友被盯上...有double lock 緊係好, 但都唔夠secure..唔泊o係度就係最好的方法 =_=

leidseplein 係一個酒吧同club 集中既square

基本上夜晚出親去都係去leidseplein

除左有偷單車既人之外

亦見有不少黑人數個站在一旁

有男的經過就問佢要唔要買毒品

有時在酒吧也會見到

 這裡捉到你人/賣家都會即拉返差館

但似乎賣家還是有很多

討厭, 也討厭開始見慣了

====================
Halloween 晚上到了家附近酒吧扮鬼

同學帶了一位西班牙女生來

來了才不久, 跟某男生只聊了一句就不停的示意想到洗手間更進一步

她只顧著不停示意 卻沒有留意那男生其實是跟女朋友一起來

看到合眼的就行動了, 她還真的急不及待 ...
  
先不說男生, 西方的女生, 也真的十分開放 -_____- "

Open relationship

記於這天的凌晨3:38

也許是我見識小, open relatioship 這一個term 我還是在第一次住hostel 認識的朋友fb status 內見到, 便到了wiki 查一查, 喔, 原來有種關係, 大家認定對方, 但是雙方/其中一方是可以跟其他人有性行為, 是尊重彼此的自由, 連性方面的自由也包括在內

在我的concept 內我還是不能接受自己的伴侣跟其他人..我也無法想像自己會在這種關係中, 之前也沒有/沒發現身邊有這種關係的朋友, 我們的culture, 性還是禁忌, 在西方, 曾經有過sex revolution, 性已經唔係咩要避忌既話題, 大家happy fucking, 有性病就醫返好就得

返回正題,是晚跟一位在Open relationship 的朋友稍稍聊天, 我跟他不熟悉, 但是他是我好友的(舊也好現任也好)男友, 他是這段關係中專一的那位, 而我的好友是男的, 雙性戀, 是自由的那位

這樣跟他一聊,其實真的感受到這種接受程度的偉大(你說是笨也好),大家都知道, 花天酒地開心過後, 他們還是一起回家, 睡醒後的日子, 大家也是毫無疑問的一起過

在這段沒見到什麼希望的日子, 我好像再見到了美好的事情

Party 關門開燈的時候, 朋友們就圍著穿上外套相視而笑的離開

也許是時候我要從新appreciate 身邊的一切美好, 負面情緒也時候要終結

希望明天醒來, 或數天後醒來, 看的不一樣, 試試回到以往的樂觀

沒想到這天,我一向十分反感的事, 今天真正的令我mood lift, 這個感覺, 原來真的久違了..

選擇

這年2月份回到歐洲

老實說不時有後悔作了這個決定

如果當時可以能忍那點痛瀟灑利落一點



但在如果如果又有什麼用?

現在還活著已經很好, 不是嗎?

早上醒來

想起那一天

再追溯引致那一天發生的那一天

原來就來一年

傷害自己的日子,原來一直沒有停

自去年的那一天起..

生日還要說快樂嗎?

說了大家都快樂嗎?

走下坡的一年

原來就是由那一天開始

電話

唔見iphone 兼電話爆炸後, 真係感覺十分之唔方便

2人共用一部電話

一齊時還好, 一分開行動就煩了

始作俑者終於買了一部新電話比我暫時用

暫時的原因是因為舊老細知我冇電話後買左部強大既小米手機比我, 在此先十分感謝!!

有單車了, 有返部電話, 有返上網, 感覺終於開始正常返了


好可惜此時有人唔見左我張ov-chipkaart (搭車張八達通), 但單車坐位太高我仲未坐得

冇這張咭搭車就貴至少double..

雖然基於我既投訴, 咭係即刻買返, 但係唔係咁就會開心返囉

買返唔係問題, 成日要破壞我正常生活, 要令人唔開心唔方便晒時間晒精神同晒錢先係問題

究竟幾時先可以做到預防事件發生呢?

我想要正常生活者, 點解咁難?

單車

在阿姆斯特丹, 城巿範圍不大, 公共交通又出奇的貴, 單車還是所有人的首選

這裡的單車路完善得很, 交通燈也特別有給踩單車人士看的

我一直未買單車, 終於去柏林前買左架

是凌晨返家途中有人踩住架單車黎問你要唔要果種

這種單車都是他們偷回來的, 賣的價錢很便宜, 一般10歐就有 (2手約40-80)

買賣偷回來的單車都是犯法的, 而且罰很重

不過, 因為我知道有真人真事是, flea market/ 2手巿場內有人找回被偷的單車...相信他們都會偷單車來賣....

所以..既然買2手or 在街買都係買賊車..就在街買, 平咁多..

這一部, 其實本來15歐, 因賣家冇錢找的關係(好藉口!), 就20歐買回來了

但調整坐位的東東壞的, 便用了16歐在單車店修好

出發柏林前一晚2人到Leidseplein 但3人回家所以不能踩單車, 就泊了在Leidseplein 內

4天柏林回來後單車已經不見了 -.-

單車本身沒鎖, 鐵鍊鎖上卻沒鎖在柱上, 而且泊在最不應該的leidseplein..-.- 本來已經是被偷的單車還是比較輕易地再被偷吧 -.-

近幾日又有買單車的機會出現了

我通常是在凌晨才見這些人出沒, 但這次, 就在下午的學校門前

10歐買回來了, 另外7歐買鐵鏈鎖, 但單車本身還是沒有鎖 (所以就被偷嘛.....!)

現在小心泊車...基本上回家就泊室內

單車被偷基本上是人人都會發生, 希望儘量唔好咁快發生啦!!

話時話, 這2部單車, 都十分穩定, 坐車尾pat pat 都唔會太痛個種, nice 架

9月26 拿居留証&辦事日

9月25 & 26

25 號訓死, 完

26 號又晨早出去了, 因為學校話我個居留都搞掂了, 可以去入境處拿. 我以為去到要等好耐, 點知入去, 拿籌, 坐一坐低, 下一個號碼已經係我

我終於在荷蘭有合法居留了

在這office 內見到我很喜歡的免費咖啡機, 可以飲熱朱古力 :)

回到Amsterdam, 幫張chipcard 增值, 就去了學校附近間ING 銀行開戶口, 又要等幾星期

我d visa 呀居留呀銀行呀其實理論上開學前正常人已經搞掂晒 -.- 好在而家終於搞到晒

之後返學, 冇精神聽書..

放學回學陪人睇醫生

家裡睇唔到波既關係出左去睇

返到家, 功課未做文件還未準備就陳屍床上了

非誠勿擾, 我會努力的..

9月24 Visa + 追車日

早早起床出門, 見到有松鼠 :D  (琴日出門見到有狐狸, 以為係狗, 知道左之後嚇死左=.=)

早上同Dutch Consulate 有個約會

學校說:" you can pick up your visa now", 所以我去柏林諗住去pick up

柏林的Dutch Consulate 說: "did you know that it takes a week to pick up the visa?"

真係冇聽過 -.-

"im sorry the procedure for issuing visa is now undergoing a change..now we can no longer issue visa immediately but we have to send it to Den Haag (a city in the Netherlands) to process and it takes a week blah blah blah"

就咁我本passport 就被拘留了, 好在係dutch consulate..本野在Den Haag 搞掂後睇下可唔可以直寄比我, 唔係既話佢都會幫我在柏林寄過黎. 如果我去german consulate, 以佢地咁死板既處事方法, 我一定要返柏林拿返本passport

去間foto shop print 左張火車票後 (1歐..有被姦既感覺:( ) 回家執野

因為小小意外真係太遲出門口, 火車16:37 開, 我16:2X 先出門口, 雖然相隔一個站, 但係由家去車站漫漫長路仲要1抽2 lung, 去到sbahn 站仲要等3分鐘先有車..16:33分上車..去到hbf, 即時睇由咩platform 開車, 即時飛奔過去

我在扶手電梯上望住架火車移動, 心想仆街了...咁啱miss 左.....!?

望一望時間, 16:35, 真係好X 好彩..........係架車啱啱到..........

上車冇耐就開車

以後都唔敢喇..........

在火車上去左餐卡飲左個湯同埋咖啡, 又係另一次強姦...共8.X 歐, 試左一次夠了 ~

回到阿姆斯特丹..知道自己德國號碼個電話在暖爐上爆炸之後, 其實我唔係好想返屋企了...........成個好心情冇晒

阿哥想出去飲野, 好啦飲野, 11 點幾返到12 點就又出門

 咁又到左6點半

9月23 柏林友聚之mauer park

是日星期日, 雖則之前住柏林一段時間, 但星期日返工既關係, 我係從來都冇去過Mauer park, 星期日有flea market, 今日終於如願以償!!

入面真係好多野睇, 唔覺唔覺我地行左都有4個鐘, d 人賣 2手衫褲 真係會1歐咁賣, 有點心機時間運氣同唔怕人著過的話, 其實買黎著訓覺都抵

我用50 cents 買左件H&M 長袖橫間衫 :D 抵到爛

仲買左頂我好鐘意既帽 (但好可惜..已經在回程既火車上唔見左)

話就話mauerpark 收5點, 但我地走既時候都已經6點半, 當然都眼見d 舖收檔

之後本來想去食一心, 到左先發現星期日唔開, 其他分店都唔開

就轉左去間食傳統豬手既德國餐廳- Tiergarten quelle, 就在Tiergarten 站其中一個出口旁, 似乎好出名, 等左好耐先有位, 見到人人枱上的食物都係大大碟

入門口先撞到一位認識的港人, 冇耐坐低, 竟然見到另一位朋友於7月份在這餐廳杯墊上的留言, 真的是太巧了

因為我地2個女仔既關係食唔落豬手

就每人叫左個湯, 叫個細沙律同一碟意粉諗住share

點知湯未飲完人已飽, 飲完食埋個沙律後已經食唔落其他野

就直接cancel 左個意粉閃人, 希望下次有機會多d 人一齊食, d 野都幾好味

天氣很冷又累, 回家後就唔想再出街了

9月22 柏林友聚之 Ikea + Hotpot!!! :D

下午起床, 跟朋友一齊去Ostkreuz 間行ikea 兼食lunch

ikea 入面間food court 堅大, 野食既選擇都好多, 慳錢的關係, 我食左個兒童1歐餐, 有茄汁意粉同一包小蘋果汁, 1歐當然係1歐質素, 估唔到我煮意粉既詣藝竟然可以媲美ikea 大廚房

另外仲同朋友share 左一份牛扒, 唔係減價都唔買, 算係ok, 不用一試 :P

之後去左一個風箏festival, d 風箏既造型真係好可愛, 尤其係蝙蝠, 有似蝙蝠俠個icon 既, 亦有眼大大腳fing fing 既得意版

仲有一個大型風箏我覺得好impressive, 係一個大蛙人, 其中一隻腳仲有小鯊魚咬住. 有藍天做背景, 個蛙人真係好似在海入面潛緊水咁

去完掃我未來個月既日用品之後, 就到我最喜愛的環節- 打邊爐 :D

這間在charlottenburg 的利好餐館, u-bahn 一出數步即到, 價錢同lucky star 一樣, 但食物款式比較多! 而且仲有得叫1.5L 既可樂, 唔駛逐杯order 咁貴

是晚見返多一位之前在柏林的香港朋友, 仲識多2個新朋友 :) 去了其中一人家吹水後, 就回家訓覺, 累死了

9月21 買錯車飛坐錯車往柏林

昨日下午5點幾訓到凌晨5點幾

set 好鬧鐘 check 好火車時間 坐著出神  之後又訓返

電視新聞簡單報導了中荷貿易個event, 如不是今日出發往柏林, 我會是在場的....可惜

上了火車, 車上的controller check 飛

我接過佢蓋上印後的車飛, 發現有古怪

controller 蓋印的日期是9月21 日, 而我車飛的日子是9月20

我有一陣以為係controller 的印錯, 因為我一直一直都認定我係買星期五的車票.. controller check 飛時也毫不猶疑給他遞過去

真的好符碌沒被發現.. 車票上蓋了荷蘭同德國controller 共2個印

但怎想也想不到為何是9月20日....當時是什麼心態買也忘了, 是不是打算放學就出發? 怎想也不對....總之應該是我買錯了

車程6個多小時, 想起來原來我今次第一次搭火車過柏林, 相比我較多搭的巴士要12多個小時, 6個小時真的容易過... 在車上合上眼, 就一堆景象在腦海中..........

到達了柏林, 食過M 記一個McDeal 3.79 歐的餐後就前往朋友家 (話說在荷蘭..店舖己經不接受1 同2 cents, 但我有好多..所以點都比d 1, 2 cents M 記, 希望可以用盡佢)

到站後收到她的電話, 說她在中央車站等我

沒想到她會來接我, 雖然我錯過左, 但係都好開心呢, 上一次不辭而別真的不好意思

之後一齊出去飲杯野就回家

她們播著舊歌


如果今天將失去　眼前的一切　剩低清風兩袖也不計
唯獨你一個是不可給取替　是我生命裡的一切
如早知今生跟你　有幸可相愛　在當初應更努力為未來
其實我知道　是可一不可再　

...


其實我也好想一切可以簡簡單單

盲遊世界

9月17 - 20

這4日3夜, host 了3位來歐洲盲遊世界的香港人, 其中一人會全程矇眼, 另一人會帶住佢, 話比佢知景物如何, 佢再畫返心裡所想既景像出黎, 目的係體驗一下視障人士去旅行的情況

這個program 的詳情在 https://www.facebook.com/darknesstrip

我們第一次host 人 (如用"接待" 這詞實在太失實), 其實都有點點不知如何是好, 最後除了打掃好家裡外, 心理上同實際上都沒準備什麼

也因為近來困擾的事還未完結, 作息時間又十分不穩, 導致頭2日都沒什麼接觸

很高興第3晚終於大家有時間可以一齊圍埋食食飯  玩玩遊戲

希望佢地覺得在這裡的時間過得還好

當晚哥哥來了, 是夜挑戰家的capcity, 擠了共6人, 而且明知第2日要返學都照出去, 但係冇諗過最後只訓了30 分鐘, 最後一天送了他們離開後就回家訓死

很久沒接觸香港人, 所以其實都幾開心可以host 佢地, 覺得他們這次旅程真的很用心很認真, 希望佢地之後既旅程順順利利

心裡還會很羨慕他們正副業都很能兼顧, 其中1 位還自己創業, asia miles 儲得很兇, 有2 位的機票也是用asia miles 換的, 我相信有人知道這些都是我很想做到的事..

第3天, 陪佢睇左醫生, 其實對於我, 佢應該轉mode 定係完全停, 我都唔係好知, 之後佢仲要睇, 再睇情況..

上次電話interview 左份event 既中英翻譯工作, 收到confirmation 可以做, 可惜火車票已問過不能改, 最後份工既hour 又小左, 買過張火車票就賺唔反幾多, 在柏林host 我的朋友又會麻煩, 我的行程又會變得好趕, 最後都係reject 左個job. Translate 都係我好想試做的事, 希望下次再有機會, 我也會安排得好點

啤酒節同中秋節又到, 沒想過咁快又一年了

對於某件事, 唔知應該有咩感覺

開學喇

終於等到visa 批出既消息

今星期尾又去柏林喇, 這次會是單人匹馬去

買完來回火車票(星期五去星期一返) 當晚才想起有份potential 既會場翻譯工作在星期五...我已經開始失憶了.......

9月初學校開學了, 已經冇人同我講野架啦, 第一堂已經開始發夢...頭半年我會讀一個準備課程, 只有一科, 所以我既schedule 係星期三下午兩個鐘, 星期四三個鐘就冇其他了! 時間很多, 錢銀短缺, 未有visa 的關係不能打工, 所以只能打等..

返學第二日識到另一個韓國女仔, 佢讀既野同我一模一樣, 剛巧當晚約了我在international student week 識的韓國女仔夜行, 就叫埋佢一齊去

其實韓國女仔同香港女仔都好似, 港有港女, 其實韓也有韓女..

這次先去了間在Rembrandtplein 既Studio 80, 這日12點前入場唔駛錢, 不過這段時間人係小, 但音樂都OK! 冇耐因為都係想去paradiso 既關係就去喇~

電話報廢

繼iphone 唔見

近日另一部電話入水已經死亡

香港德國號碼全都不能聯繫了

真的很麻煩

既不是我丟的又不是我弄濕的

別人沒錢賠, 我也沒有閒錢買過部

用著別人的電話, 感覺又不是自己的

好像跟我所有一切熟悉的人和事距離愈來愈遠

跟新認識的更不用說

很無奈也很無助

當每天回家都對著同一堆爛攤子

時而都有點情願自己一個人住

別人負能量負既程度

竟然係可以大到係糟殃在我身上

一不留神, 又會有咩事發生?

9 月新開始

踏入9月, 已經覺得係一個新開始, 希望一切繼續轉好

8月尾是事件的最壞, 當事情去到最壞, 就最接近轉捩點..

9月的頭2天是星期六日

到了他哥家作客, 尤其對他來說, 簡直放假一樣

他哥自keyboard 修好後(少於一個月的事), 已經創作了數首歌, 而且聽來很舒服

另他們聽到音樂腦中就想到能配合的旋律, 並且隨手就能彈出來, 這些真的是天份

第二天他們在房間中待了15分鐘, 已經有一段約3分鐘的曲成型了

晚上睇dvd, 一套spanish 文+ dutch subtitle 的戰爭片, 好在對話唔多, 間中都有人英語翻譯 :P

第二天午(早) 餐過後去左間近utrecht的sauna.比起之前唔見iphone 當日去fashion hotel 還好, 大點又便宜一點. 但是還是不習慣..囉

晚飯是中餐外賣, 有叉燒有沙嗲雞串同炒飯

老實說, 這裡的食材 & 質素真的好, 叉燒一點也不肥也不硬, 炒飯一點也不油

當然在外地的關係, 沙嗲不是我們食開的味道, 這裡是較甜同較像花生醬

叉燒也不是跟蜜糖汁而是跟甜酸醬, 但食材好既關係又幾好味架喎!

之前有日在間中餐館食過油雞飯,  雞是用醬油等煮過的, 雞皮都是醬油的顏色, 對香港人來說味道是有點濃, 汁有點稠, 不過d 雞真係一點肥都找唔到..歐洲人真的很重質素

==========================================================
9 月5日將會開學!

我的返學schedule 只係星期三返2個鐘, 星期四3個鐘.....................

其餘day off,  未有visa 未交學費未有學生証的我還未能打工, 剩下真的沒多小錢(交完學費就清袋個種)參加d 咩活動(雖然好想), 之後點生存, 我都好期待知道!

International Student Week (4)

8月23

最後一日

因為今晚有個final party, 入場劵要在下午的sports day 拿, 焗大家去sports day :)

不過我其實好鐘意e d 唔駛錢既運動班, 後悔冇早d 去玩多d

最後我去左個karate 班, 係咁踢教練 : P

回家訓後就去final party @ Club Trouw

他竟然放棄唔去, 明明係佢最想去既party..

場地ok大, 3層, 最底係garderobe + 舞池, 3樓一半係酒吧一半係舞池, 最高係一個小小的閣樓可以睇到2樓

但係是日音樂很麻麻..太慢

這幾天, 我都跟韓國女仔在一起, 我們第一天已認識了另一group 既2個男coaches, 2個都見過我的他, 其中一個coach這天, 雖然知道有他, 還問我不下10次去唔去佢屋企, no 是講了, 我說回自己家, 他說要跟來, 我說要跟韓國女仔一齊走, 佢又話可以叫埋佢一齊去佢度. 真係..連student coach 都這樣不懷好意, 我可以在哪遇到正常人?

最後我同韓國女仔扮見唔到佢地, 一齊走..因為冇車我地決定一齊行路, 去到一個路口各自回家, 回家後sms 比對方

我地既sms, 竟然係同一時間 send 比對方 : D


話說第二日這個coach 仲有sms 我

我交給他回覆, 真係笑了: P

International Student Week (3)

8月23

睡遲了, miss 左個canal boat trip, 不過之前去過所以冇所謂..下午..去左個maritime museum, 本來間museum 應該唔悶既, 不過個guided tour 真係悶到9彩....一個好悶既tour guide, 每一幅畫都停落黎講解..

之後自由時間回家看他.....

晚上去了女coach 家(只離我家2條街) 食飯

佢間屋好靚, 是很長的長方型, 在大廳有開放廚房, 2間房, 獨立洗手間同沖涼房, 有咖啡機有洗碟機大雪櫃..我地一group 10幾人放入去仲有空間, 佢一個人住,................................仲要係full time 學生, 間屋原來係佢父母買落的.........真係哇哇聲

隨後就去左leidseplein 間Boom Chicago 睇一場comedy show, 都ok, 不過一次夠了, d 笑位有點舊, 鐘意香港式低能gag 多d :P

既然係星期四, 就去左paradiso, 運用我既student pass 免費入場 :) 今晚的音樂唔錯!

International Student Week (2)

8月22

早上是去了學校座康樂活動大樓 CREA building, 可以免費試上一些興趣班, 我見到Yoga 就2話不說就去上堂了

我之前在港上過一陣子yoga, 老師會播點meditation 既音樂 留意呼吸的做

這次學是沒有音樂, 有groupmate 說她在德國學也沒有的. 個人覺得有比較relax

過後就去個lecture hall 1個鐘齊齊學簡單的荷蘭文, 很高興有部份我已經識 ;)  同埋有讀過德文, 荷蘭文要學會容易點, 希望之後有點財力繼續學啦....!

學完就有個city tour, 中途食這裡最有名的薯條Manneke Pis, 但實在太大包同太膩..食左小小真係食唔落..係咪好食呢, 個人覺得冇咩特別

之後有數個鐘自由時間, 這個時間就夠我回家眠眠

晚上的活動還是最吸引的 :P

今晚係pub crawl! 去左Surprise Bar (冇咩Surprise), 去左2間club - Paleis (細但都ok) 同Pirates

這幾天認識了位漂亮的韓國女生, 本想一齊去melkweg, 可惜心知不妙..........

2點幾一齊在車站等夜車, 原來日日都有夜車, 除左星期三!!

最後一齊打的....

International Student Week (1)

8月21

我才由柏林夜車回來,  還沒有休息就去學校開始一連4天的international student week

早上2小時登記時間, 登記完就到了自己所屬的group 等齊人, 之後由2個coaches (好似組爸組媽咁) 到canteen 食lunch


荷蘭人的lunch 主為凍食.. 大多都是三文治..面包之類, 今天我的lunch 是法包夾吞拿魚醬


由於等待既時間太耐..我已經睇勻學校送的吉包內的東東, 發覺都幾唔錯!

入面有
- paradiso 既student pas, 星期三四入場唔駛錢 (平時至少12歐, 仲要星期四多為student night 會較好)
- 有張club 8 既一次免費入場
- 這裡人人都識既online order website 既coupon (http://www.thuisbezorgd.nl/)
- 在這裡幾乎獨巿既超市Albert Heijn儲分咭

這時也是以折扣購買ov-chipkaart (香港張八達通咭), 10歐張咭, 其中5歐是credit, 我有個groupmate 自己另外買左, 張咭本身是7.5歐, 沒有credit, 但是張咭靚一截

仲用5歐買左張ESN card, 都係比international student 用的, 正既係星期四去escape 唔駛錢..去一次都回本了, 而且去club 8 有半價,  仲可以玩桌球免費(有時段限制) , 星期日去club air 平4歐~這些都係amsterdam 最大的clubs. 只係melkweg 同sugar factory 冇discount~因為我知所以覺得抵, 但我諗好多人都係剛到埗, 未認識所以冇買

lunch 後也是乾等時段..因沒有睡的關係我已經是累爆了

之後個coach 帶我地周圍行, 我決定離group 返家訓覺..因為緊接著就係既節目 "official welcoming"..聽到都興奮..

訓完, 夜晚學校仲有個節目係Neon Light Party @Westergasfabriek

到場已見人人都畫晒衫畫晒面~ 入場後人人都夜光, 買野飲仲好平~啤酒果汁都係1歐杯, 正常要2-3歐杯~

好可惜我部iphone 於數星期前跌左, 我又冇相機, 冇得影相..

4日旋風柏林行(4)

8月20 星期一  cancel bank account+掃貨+night bus

又熱又餓的checkout 了, 發現我張身份証唔見左

我們昨天去的只有一個地方..就打電話去問, 好在..真係在Berghain..我們分頭..佢拿身份証, 我去cancel bank acc + shopping..

走了1km 的路找到deutsche bank, 終於cancel 我個戶口.

話說我在士耳其旅行時打電話去deutsche bank block 左我張提款咭, 原來在佢地record 中block 咭既原因係"lost card", 比佢地係咁問我點解仲有張咭囉..-.- 本來諗住keep 咭留念但費時佢地煩就帶張咭去..早知自己keep 啦

掃我最愛的sehr gut 的日用品

本來約好的rideshare no show, 他根本都唔接電話都預左係流, 最後去ICC 個ZOB 買夜車車飛

這次夜車人不算多, 有些人都可以佔2個位, 但係都不足以令你可以訓得舒服..

全程我諗只有他訓得比較好, 因為佢咁訓...

跳出框框既一力作..有睡袋的話我下次都可以一試 : P

4日旋風柏林行(3)

8月20日 星期日  Berghain

12點半, 係凌晨, 就起身了. 打算2點前仲未忙之前入場
可惜因為提款咭提唔錢問題搞左好耐
3點幾先至去到門口
這個時間去, 己經預左要排2粒鐘兼一個no 不能入場
最後所有都預中左, 他當然唔高興啦..但事實就係咁, 興都冇用...氣氛很僵, 但我地還是打算找個地方等粒半鐘再試

走著很冷的空地時, 見到不遠處有團野火

圍著野火坐著5個人, 這個空地其實十分舒適, 到處都有大樹枝可以坐可以生火, 仲有張舊梳化

問他們 我們可否加入 是這日最好的決定

他們之中有對情侣, 還有2個德國人跟一個西班牙人, 就在短短一個鐘混熟了, 我們的能量全都回來了

而這位西班牙人, 原來跟2個在德國working holiday makers 讀德文時認識, 他還幫她們問如何找工, 找什麼工, 世界真係細!!!

6點, 回到Berghain 門口, 長龍仍在, 但我有預感門口的bouncers 其實係認得我們的, 他決定直接跟bouncers聊聊, 我們就可以入去了 :)

Berghain 有一半是Gay, 上半身赤裸一點也不出奇, 瘋狂的是這天有位仁兄, 只穿外套只著鞋 裸fing, 真係第一次見

有一位亞洲(中國或香港)女生在4樓的送她男友的超級挑逗誘惑式跳姿, 在3樓的我們睇得清清楚楚....

還有這位年輕男生, 見他第一次, 給我5歐想飲我杯水 (趁佢唔覺即時比返佢個fd), 第二次得到他很真心的讚美 (哈哈)

而這個女生拍拍我的頭, 畫了一個大心心, 我不以為以, 以為是給"我們", 我背對她時, 剛好他面對她, 她再作心跳狀, 指明是給"我" 的..

星期六 (其實已經叫做星期日了) 的好處是什麼都開,  花園開了(原來仲有個小舞池), 所有酒吧枱都開晒, 今次真係行勻晒成個場, nice!

可惜是日音樂太響, 也不是我們喜歡的那種, 可惜可惜

2:30pm 離開, 很累, 回hostel..昏睡至第二天..

4日旋風柏林行(2)

8月18 星期六  Arena 

check out, 花好一點時間找第二間hostel, 諗住在附近間河邊cafe 坐坐就出發去第二間hostel, 驚覺原來Arena 就在間cafe 不遠處

其實點睇都覺得好正, 成個泳池在河中. Weekend entrance fee 只係4歐, 旁邊有間club仲有個antique market

pic from http://arena-berlin.de/badeschiff.aspx

今日天氣係好熱好熱, 但係落這個泳池真係好凍.. 2M 高既池對於唔太識游水既我係太高, 大部份時間都只可以坐, 同埋游過對面

接著來了一場locker 個鎖連所有belongings 都唔見既虛驚........

如果當時真係唔見晒d 野, arena 真係絕對要包我地食住2日連回程...

之後就去左hostel check in, 我地住在Ostkreus 的A&O Hostel, 話就話係Hostel, 間房比The Fabrik 這間3星酒店還要大還要乾淨..A&O Hostel 有好多分店在柏林, 其他在巿中心的都不能連住2日/要同人share 房..... 但係Ostkreus 既好處係近夜蒲點Ostbahnhof 同Waschauerstrass, 我地正正就鐘意這個方便處. Checkin 完立即訓覺..因為2小時後就要出去喇!

4日旋風柏林行 (1)

此行目的有
1. 拿進入荷蘭的visa(但未批出)
2. cancel 我在deutsche bank 的account
3. 掃日用品
4. 再去Berghain

8月17 星期五   Rideshare+Golden Gate

由阿姆斯特丹去柏林, 都係用最便宜的方法, 唔係night train, rideshare, 就係night bus

今次rideshare, 第一次坐campervan (可以開車+紮營的van), 天氣十分悶熱沒冷氣, 車內一行7人,   好在勉強在窗縫吹到一絲風才不致中暑

當天住的地方就在車上問人借電話上網找hostel...weekend 即興找hostel 既single room 並不是那麼容易

settle 後去左reception desk 介紹的一間club- Golden Gate, 我記得在某website 上都列10 best clubs 之一, 就去了, 音樂唔錯, techno, 不過之後同行的他被pick-pocketed..還好不是貴重物品, 但係之後直到離開的這段時間真夠詭異..

Reach out..

Some things are really not going well...
i wonder if i can help
how i can help
how anyone can help
who can help
who should help

i used to think that i should just leave
but leaving leaves the problem unsolved
and makes the problem even worst

how to tell someone to stop doing something when one doesnt think its wrong, and meanwhile you are not convinced that it is that bad too?

how to get someone's life back when one has already lost it for years?

how can i live with everything thats going on?
...

辨入學手續

8月2日是已經跟學校預約好的intake appointment

一直唔肯定自己駛唔駛交既資料, 就在這個appointment 確認要交, 唔肯定既學費雜費都一一得到確認了

心中準備著會發生的3個可能性 , 最後係我second best 既可能性落實左, 當刻真係好開心 :D 因為第3個可能性, 其實就係我讀唔到

由舊年12月開始search programme 至今中間多重困難多種憂慮心情起伏又太多不確定性.......8個月之後, 行走邊緣同踏空既感覺終於離我而去! 真係好似在黑暗中行走良久, 轉個角突然見到光一樣. 在腦海中的計劃, 有了這個第一步, 應該不難了

是晚, 食最愛的壽司慶祝 !!! : D <3 <3

7月份

轉眼7月過左, 冇工作既我, 時間何以還是過得那麼快?

重點是旅行 - 去了9日8夜的土耳其(istanbul+ pamukkale), 小休後又即興到了荷蘭最大離島Texel 紮營4日3夜

不過去之前, 又發生了一堆事. 上回提及有一個基本問題, 回來之後這個問題困擾我良久..再這樣我真的會受不了, 但真的很難很難提出,.. 可是某天, 情況對的時候還是說出來了. 雖有掙扎, 但最後的坦誠, 我真心相信, 在我識既人當中, 絕對冇可能有人做得到. 他也不可能對其他人有同樣的坦誠. 對於我的影響, 就像腦部未開發的地方突然打通. 腦開發. 我曾這樣跟我的朋友形容: 這個人, 我真的裡裡外外都認識了

是真的, 相信我, 這不是件容易的事. 前無古人, 我相信後也無來者.

之後同一個星期四, 這應該是第一次跟他和他哥哥一齊出去. 到左一間club 過左瘋狂又美麗的一晚. 其中一樣好難忘的是我見到我覺得這生之中最靚有最女人味的人, 但佢係一個男人, 是一位Armani 的model

那天我更了解的不只是一個人, 是兩個人

到了早上的白痴事, 不會再出現, 但大家卻慶幸發生了, 理由是遲早都發生, 早點不好嗎?

不過呢, 了解了並不是KO 了件事. 還得要接受, 要磨合, 是無間斷的工作...

8月了, 要接受讀書方面的現實, 其實已經放棄態度, 但今日見到有人連offer 都無, 又令我諗諗難得有機會, 放棄是好嗎?  但是能力方面...........

7月4日

走了, 問題不是解決了
來了, 也不表示一切會好起來..

我回到了一個當初已出現的問題內

..而這個問題, 我真的不懂應怎處理..
也不知從何, 及跟誰說起


一直在黑暗走著
幾時才會見到出口的那點光?

那邊廂
你終於走出陰霾
找到新幸福的希望

這邊廂
...
.....

柏林的最後1日

7月2日 趕買車票趕走人


訓過了check out time, 本想extend 間房多2日自己住, 不過full 了不能extend, 又唔想搬, 就決定提早回荷蘭

急忙的打好包, 在lobby 內找rideshare火車機票巴士

rideshare 己滿, 即日的火車/ 機票也正常/ 變態的貴
巴士要打電話問, 話筒的那頭說剩下還有2張車票, 不過不能電話訂, 要自行到旅行社買
他隨後上網找附近的旅行社, 打了數個電話, 不是說他們沒有賣巴士票, 就是沒人接電話

最後決定, 行李先放左酒店寄存, 叫酒店幫手call 的士, 直闖euroline 在ICC 既ZOB, 一定有得賣, 只係唔知比人買左未

好在, 最後2張車票, 我們買到!!

可是他身體還未復完, 途中間中想吐但不能吐

佢想食雪榚..邊食邊不舒服..
佢想食壽司.. 去左Friedrichstrasse 間一心, 但最後又想吐..又吐不出來

到酒店拿回行李, 去了超巿買食糧後時間又不夠了, 這麼多行李又不想轉車, 佢又唔舒服,最後又是的士
(但2程的士+2 張巴士票還是比2張火車票便宜共40多歐)

回去ZOB 己差唔多係開車時間, 點知有delay 2小時, suppose 原定抵達時間係早上5點45分, 佢仲可以7點返工, 但因delay, 來不及..佢電話冇電, sim card 又不能用在我電話上..只能用我電話短短打了回公司, 講到一半我電話冇credit 就斷了線...

夜了開始冷..好在有大睡袋..好似露宿者咁

等待2小時中途佢還是想吐..巴士來了, 把他的車票交給他了, 放好行李後車票卻不見了

同車還有另一人的車票也不見了, 但是司機是有張list 寫明乘客名字, 有埋身份証比佢對名, 唔明司機同佢d 同事點解死都唔肯比佢地上車, 不停地話要有車票, 咁你張list 印晒d 名用黎做乜x? 德國人的死跟rule 都已經見慣不怪了..

好在...當佢在放行李的地方瘋找車票的時候, 佢地才說可以對名上車

這程巴士中, 幸好他只有一開始不適, 之後很想睡就冇乜事

而delay 2個鐘的巴士也許是全速開動, 只停了一次10分鐘, 竟然係準時到...利害!!

柏林的倒數第2天

7月1日 Berghain 

就是要去我們都好想去的berghain, 在數個"best club berlin" google search result 的website 內排名第一, 也被列入 ‘Best Club in the World’ on DJ Magazine’s 2011 annual list @ http://www.timeout.com/berlin/features/905/berlins-best-clubs-and-alternative-nightlife)


Berghain 保留著其前身power station的格局, 有4層, 首2層為Berghain, 頂2層為Panoramic Bar, 還有一個花園(當時冇開), 是我去過最大的一間club, 實用面積有9成 (唔似watergate..外面睇以為好大, 但2層感覺都幾細)

在個外國forum 內見有人講要在星期六/ 日3-5am 入場極難, 門前的bouncers 也並沒有實際的理由會拒人於門外, 等候2 小時或以上的下場好有可能係一個粗魯的no; 而最好又不用排隊的時間約為早上7點 (唔係講笑), 而星期日去變態既地方係佢由3am 開到星期一既6am..

因為起身晚的關係, 我們下午2點幾3點先去..哈哈...感覺好怪..下午去club..都係第一次

最低一層berghain冇開, 這裡有跳舞的地方, 酒吧, 也有很多黑暗的角落.

第二層, 樓底很高, 酒吧旁仲有張swinging 既板可以坐/攤在上面, 可惜到5點幾6點這層berghain 關門, 所有人都上panoramic bar 繼續

  第三層是一個小舞池, 還有很多toilet 同坐低的地方

     

第四層是坐低的地方, 有一個小露台睇返落第三層

這裡音樂十分十分正 (techno), 很髒, 好多同性戀的, 跳舞的, kissing 的, 醉的, high 的, take 左野的, 開放的, 完全享受的, 由唔知幾點開始O係度一直到關門的人 等等, 十分之熱, 夠accepting 夠liberal 又有人陪的人可以一去

這天留在berghain 實在很懶, 旁邊有間露天餐廳, 又有得睇波, 出一出berghain 曬太陽食完野睇半場波hea 完再入場, 晚上氣氛當然更好, 可是今晚只是開到2am, 我們就轉場再去了suicide circus, 不過星期一, 人冇咁多, 佢又唔舒服, 就打的返酒店休息了

suicide circus 還是我倆的no 1, 始終乾淨點, decoration 好一點, 又鐘意佢似indoor 卻係outdoor 的舞池, 不會很熱, 而且身邊的人群感覺比較跟自身相近一點, "正常" 一點

但是有機會下次會想再去, 因為berghain 同花園都仲未睇晒, 也十分十分鐘意佢地既音樂

6月30, 反枱日

早前已同新老闆電話講好, 7月1就開始唔返

接手當日6月29日, 突然話預左下個月我會返工, 因為我做得好什麼什麼的

做唔係問題, 不過7月中土耳奇的旅行已經訂好了, 我也預好左唔做, 我只想在柏林多留幾日, 見見剛開始德國working holiday的好友, 去還未去的地方

最後我隨口up 左個我可以最遲留低的日期, 大約一星期, 佢地就想我這星期都返工, ok...多搵小小唔係問題

====================================================================
6月30

他到柏林看我, 是日我放假..suppose 如無意外佢5點幾6點就到..

我就在7點尾醒來奇怪為何佢仲未到, 佢冇電又打唔到比佢, 剛好琴日還左上網隻usb 手指比老闆娘check 唔到whatsapp  或facebook..就走出街找上到網的地方, 至收到消息

原來他在過來的夜車中已經遇了些事已經要對上警察, 沒怎睡好, 電話又冇電, 行程又遲了, 到我宿舍我又不在(因上到網知道佢會遲就諗住出去接佢), 又開始下雨, 諸事不順, 最後, 佢擒入左我間房..........仲有人見到佢半天吊在我窗外...好在冇人報警........

我回來後告訴了他有關扣錢, 計錯糧的事..加上很多很多之前他都知道的事, 還未休息的他忍不住到樓下, 找剛梳洗出來的老闆娘單獨和平的聊聊

老闆娘一如以往, 重點回答 "這唔關我事" "我也不清楚", 他反問"那什麼關你事" 的時侯

老闆氣沖沖的走下來, 認定是他在搞事, 已經在怒吼, 拿出電話說要報警之類, 打電話比新老闆要求我地要立即走, 話佢白食白住仲搞事 (首先佢並冇白食, 我地放假都一早出街!!!), 話我地唔識法律, 保險已經打折等等, 他又不懂德文& 英文, 完全唔比機會我地講野, 他講德文, 老闆就怒罵"Kein Deutsch sprechen!!!" - "唔好講德文!!") 就往他肩膀打去, 再拿出鑰匙, 想亮出繫在匙上的軍刀

此時毛都悚埋, 我跟老闆娘各止一方才停下, 否則肯定有人流血.... 我們立刻退回房間, 執野走人

走前問老闆娘拿返我報稅張紙, 佢要求我在張証明我昨天出幾錢糧既紙上簽名, 我地唔肯簽, 佢都唔肯比張野我

拿著很多的行李, 在附近的警署摸門釘後打的去最近的警署

關於打交同blackmailing (扣留我報稅紙)的事佢地記下了, 佢肩上的紅印也被柏照留了証明, 可惜至於關於工作上要report 老闆報假數, 卻要我們到別處辦理, 我們已經很累也有很多行李, 決定先找地方settle 再算

之後在potsdamer platz 的他累到在街上都訓得著.. 在anhalter bahnhof 附近找了間budget hotel 留宿2天. 放下行李後, 什麼都冇食, 一訓, 由下午4點到第二日早上10點.. 整整18小時

我還記得老闆娘最後說
"你要知道中餐館跟其他地方是不同的, 你帶著他, 不要希望在其他中餐館工作"

呸!!!!!!
1. 首先中餐館本身也只是一間公司, 是有你這種人去打理才是變得"不同"
2. 你算係恐嚇? 唔做中餐館會死?
3. 唔知你點教你個6歲仔?

由當刻起, 除非我確實知道其員工得到應有的福利, 否則我一律杯葛中餐館

任務完成卻有一肚氣

一直在等既保險咭
終於收到
大學既final registration 終於也正正式式地交左
之後就係聽天由命既時間
批唔批, 都冇謂多想了
將會去土耳其9天旅行, 返到黎check email 就會知

============================================
今日也是我工作的餐館交接的日子
大廚明天將會是老闆
現任老闆今日就同我地清人工
最後佢地在我人工內扣了部份保險的錢

這件事，其實真係嬲
一開始以醫療保險引我繼續做, 等佢賣舖得以順利賣得安心, 我亦正需要交保險比學校
最後因為幫佢慳錢又要幫佢合法請我, 佢報人工只報200歐
which turn out 係令我冇醫療保險的
唔問佢張保險咭佢一世都懵你
搞左一排而家終於改返報420歐
但420 歐的話, employee suppose 係唔駛比保險錢, 全係由老細比
點知今日出人工時就講話又一人比一半, 100 歐　(都唔知係咪, AOK 話就算唔做自己比都係150歐, 一半都只係75!)
這個錢, 佢賭一次波90分鐘就冇左啦
佢係老闆我係打工，對100歐係多係小既睇法梗係會唔同
當employee  幫佢日日賺緊佢一個月人工既時候, 佢只係當你係草
佢而家既講法係覺得你做得好, 所以施捨你繼續比你做, 你當時唔做大把人可以頂上
佢真係唔諗下當時想人留低時佢點講野!

新老闆前文已提要會更差
我目的達成隨時拍蘿柚走人等睇戲

中國人, 就是利用對法律唔熟悉, 凡事冇所謂,  年輕天真而supply 大量既中國人
中國人對付中國人
真係好悲哀......................................................

我聽聞有朋友的中餐館是報足稅的
雖則經三除八扣後人工真係唔高
但係總好過拿得多點人工然後發現你應有既保障原來被mook(唔識打)削左

好多人working holiday 都係做中餐館
唔怪得之前有位曾做中餐館既朋友咁慨憤
我又係咪自閉得太耐變左憤青?

不過..我都有我目的留在這裡, 只是時間不許可, 令凡事都不能計劃完美
目的達到, 算係咁啦
可惜結果係點, 仲有一段時間至知
我只知我能控制的部份已安排好

是日有感

真的很多事無從說起

雖我返工六日每日十粒鐘幾乎是冇時間
返工時冇客n 老闆唔睇住時, 就會上網睇d 野..
放工後剩的時間不多, 又在房內或餐館內上網睇d 野..
放假的時間也不多, 除非落狗屎, 唔係都會100%外出..睇多一點柏林..

時間很小
但感覺還是很多事在發生
我也感覺在忙很多的事
感覺自己了解自己多了
之後的路明確了一點
勇氣還是繼續要有

我已經是香港小撮的人選擇了德國working holiday 的路..
也是這一小撮人之中再選擇嘗試繼續留下
小小撮人之中有一些方向
希望是這小小小撮人之中挑戰自己成功....

這段期間發現自己已經處理了/ 在處理一些我從未想過會要處理的/複雜的事..
每一次都會覺得這事是too much for me 既時候..
可是還是關關難關關關過..
挑戰個人border 後眼界又闊一點..
可接受的事(經痛苦的一輪掙扎後)又多了一點..

早一排我身處不確定中
現在這段時間已經叫過去了
雖還有些不確定性
但比之前的範圍縮窄得多
也在我可想象範圍之內

今天突然想爸媽
可說是在德以來第一次
真想給他們一個緊緊的擁抱
問一句你們會以我為榮嗎?

還有事要等, 要research, 要處理
各樣的挑戰會繼續來
不知哪來的毅力, 請繼續陪住我!

BNO

quoted today from http://www.ukba.homeoffice.gov.uk/britishcitizenship/othernationality/britishnationaloverseas/

"On 30 June 1997, when sovereignty of Hong Kong returned to China, British overseas territories citizens lost that citizenship if they were connected only with Hong Kong. Special rules were introduced in 1986 to allow British overseas territories citizens from Hong Kong to acquire the new status of British (national) overseas.

British overseas territories citizens from Hong Kong who did not register as British nationals (overseas) and had no other nationality or citizenship on 30 June 1997 became British overseas citizens on 1 July 1997."

then is registering as BNO a trap??

11-12 May

近來因為visa 同讀書問題有許多的擔憂

近來開始電郵的跟一堆同我完全陌生既英文字母聯絡, 在港時Li Chun Po, UvA, DUO, 解決Nuffic..IETLS..問題...最近NHS (關於EHIC), IND...

就是收到連續數天的壞消息, 最後能否讀得成已經成疑, 情緒很低落..下午再收到一個要睇醫生既消息(正當我冇保險之時), 夜晚用了幾分鐘見了一個以後唔會再見既人..

當everything comes together, 是晚, 我已經到了一個地步, 是朋友從skype 中都見到我無希望同放棄的眼神


幸好, 我睡得還是很不錯, 這是我十分感恩的

終於到星期六放假, 決定放下煩事, 之前工作多累都好都要出去走走, 到了Rathus Steglitz 站, 原來在我住的地方間中見到路牌上寫的Das Schloss 就在這裡, 是一個商場, 也有巿政圖書館(可惜我找不到入口-.-), 剛好我的mood 係shopping (windows 個種)

 天花扮水族館

 之後唔覺意行左一個站..到了Schlossstrasse, 又一個大商場

 當日見好多人拿著這家店的紙袋都好好奇, 咁啱比我見到有這家店, 音響很好..!!

 除賣衫仲有香水 shower shampoo 等賣..有支香水好甜香, 好鐘意, 不過我此刻努力搵錢..e d 咁奢侈既野都係唔會買..

晚上去了打邊爐, 雖然得好小種類既野食, 但實在好耐冇打過, 真的很感動!!