有時

有時, 我真係冇唔開心既權利

Freaking tired

Couldnt get enough rest though I slept for like 8 hours these days

Don't know how long it takes to recover after an overnight party

To me a lot is going on recently. many things left undone.  a decision awaiting me to make. No harm in trying indeed, but I am still not so convinced. If i am not convinced, I am afd I can't devote wholeheartedly to it. 

11-14/7 重點提要

14/7
- words with friends 棋逄敵手, 玩到好緊張!!! 由被拋離百幾分等機會追到只相差8分..最後輸23分, 但雖敗猶榮, 破紀錄一個字有成70分!!!同時因為咁差唔多4點半先訓...
- 第二晚返新水吧, 這一份工係6點食一餐, 10點再食多餐, 真係食唔到咁多, 2日我都只係食6點O個餐都已經好夠..
- 用國語講"我沒有QQ 喇~"
- 開始覺得自己有d時間錯亂..唔記得星期幾, 幾多號, 同埋計唔返香港時間同日期..可能係唔夠訓之過
- 落實北歐團成團, yay : D


13/7
- 今日開始自己住的日子, 直至同屋7月尾返黎

- bb 成日以"bb" 黎稱呼自己, 循循善誘左一排, 今日佢開始識以"我"黎叫自己喇 : D 又多樣滿足
- 交了去北歐7 天遊既錢 : D
- 以"學生身份"成為Deutsche Bank 的客戶, 哇哈哈!!

- 蘋果話整返個電話mon 承惠199 歐羅, 仲貴過香港1700. 真係睬佢..
- 返第三份part time (暫做2星期), 都係水吧. 一定係我腳頭好, 第一日返工就忙到#$%^&*()_+. 手部皮膚敏感的我, 可以過到這2星期吧?
- 這餐館的同事都估我歲數, 老闆娘話"你O係e度一年之後就返去報讀大學啦?", 廚房哥們"17-8 歲有沒有?" 呵呵

12/7

- bb 好鐘意所有事物都有爸爸媽媽BB囡囡同姐姐, 今日畫了bb 豬 : D . 仲有爸爸豬媽媽豬囡囡豬姐姐豬, 一鑊(煮)熟

- 買了去Legoland 的票 : D 好期待

- 買了由8月份科隆返慕尼黑的火車飛(for 北歐團完結後返家), 二人同行只需49歐, 仲要坐IC+ ICE, 平到喊!

11/7

- 令到唔食肉的bb 自願地食左2啖肉 : D so 有成就感
- 補記: 唔記得幾時不願比人紮頭髮的bb 會乖乖地坐定比我幫佢紮 : D

9-10/7 完美無瑕夢幻黑森林之旅

對我來說這個title 一點也不誇張, 真係全程搵唔到可以挑剔既地方, 真的是完美, 真的是夢幻

首先天氣實在是好, 天氣預報話會落雨, 都只係第二日落左些小. 天氣好, 影既所有相都好靚.

黑森林的Triberg, 彷彿走在夢幻街

試了黑森林蛋糕, 除中間層cream 太勁酒味外, 我覺得都ok 好食. 而且竟然仲平在我在慕尼黑食過O個舊 

 擅闖民居近距離見到好多牛牛

 Triberg 著名的大咕咕鐘屋

 

細小但好grand 的教堂

德國最高的瀑布

搭車過Villingen (原來就係話發現雙頭蛇的地方!!!) 晚霞很漂亮

到了Villingen, 人生路不熟, 卻見到不遠處在放煙花, 咩都唔理就向住煙花方向一直行!!! 感覺好奇妙, 又令我記得之前返工在灣仔擺booth, 放左工望住摩天輪跑到添馬艦個冬季嘉年華一樣

今次係我第一次Couch Surfing, Host 真係十分nice, 雖然成11點幾, 都帶我地一遊Villingen, 也帶了我地到一個party 地方

回到Host 家傾傾計, 仲一嘗到黑森林啤酒同腸仔

第二日的早餐簡直媲美酒店, 仲有homemade blueberry 果醬! 之後仲車返我地去火車站 - 前住巴登巴登!!

參觀了Casino, 真係好grand 好靚, 但似乎我地只睇了一部分, 聽人講係好大的

潛入了老爺車展, 慳左9歐入場費

之後就去左溫泉- 其實感覺係一個暖水泳池, 幾靚架, 仲有我最愛的冰火池, 行左咁多路, 真係好relaxed, 而家本來我地買飛係買2個鐘, 點知比錢時個職員話多送一個鐘!! 慳左3歐!!

仲有得飲温泉水, 味道怪怪的..但係話對身體好

返慕尼黑回程火車- 由Stuttgart 返Ulm 站時, 由天晴的地方慢慢駛入烏雲密佈的區域之際, 見到一條極完整, 極鮮明既180 度大彩虹- 已經覺得好興奮! 誰料, 架火車竟然在彩虹下通過, 感覺 - - 簡直就係猶如置身童話故事中般夢幻!!!!!!! 那種感動...真的不能言喻!!!! 

仲有好多相影左, 真係放都放唔晒..我部電話用到冇晒電, 同屋兩部相機共三舊電O係溫泉之後都乾晒塘..影到彩虹真係好好彩

而且我又覺得..巧合又黎喇..早排我先問我同屋..點解慕尼黑成日落完雨好好太陽都唔見彩虹..我試過專登落完雨望下天數次都唔見有... 今日就見到喇..仲要勁靚tim ................ 個天真係唔孤寒, 一睇就睇最好!

3/7 Tegernsee 一遊

今日遊Tegernsee,  並沒有在計劃內. (應該說其實好多旅遊我都沒有計劃過) 剛好前天flatmate 問我要不要跟他的朋友一齊去(而佢本身係唔去的). 咁趁得閒就去啦!!

Tegernsee 的see 就是指sea, 這個小鎮的中心是一片海. 本來打算在此游水的, 可惜沒預料天氣實在太凍!! 照出來的相都較暗

在海邊有好多木凳, 如果........幾浪漫寫意呢

我地去左坐快艇, 在船上睇風景, 見到海邊的這些沙灘椅, 真係覺得德國人真係識享受生活

 途中見到有音樂表演, 表演者都著住巴伐利亞的傳統服飾

 周圍都有綻放的鮮花

 很喜歡經常見到鴨子~隨時會行上岸散步

 又係有好靚既建築物

如果好天氣一定仲靚D, 同埋我地最後都冇行山, 所以小半日已經好足夠~

掛念

28/6 抵睇舊畫館+BMW World + Olympia Park+Tollwood

是日星期日, 入舊畫館只要1歐, 好抵, 值得一去!!

如畫!

有陽光有草地就有人訓, 好正的生活

好高既樓底, 同好長既走廊, 真的是classic 藝術館的感覺

 

感覺好立體

  這張是我的最愛, 已經set 左做電話wallpaper

 

 "幫你刮格肋底毛!"  "好呀...啊!~!~!~!"

之後見距離天黑仲有好一段時間, 就去左BMW World + Olympia Park 行行

 行左好一段時間, 見到愈來愈多人, 就跟住人潮方向去-

去左Tollwood! 本來都plan 左要黎, 但估唔到行下行下到左. e 段時間有類似嘉年華會既summer festival, 好多手作, 飾物的攤位

有些帳幕內會有地方比人跳舞. 

啤酒candle, 同埋流沙畫, 好特別

 

 好有特色的鐘!!! 係壓扁左既酒樽鐘!

我走在這裡周圍都係德國人, 終於覺得去左d locals 先去既地方~唔係見到咁多tourists 了! 不過d 野好貴~~冇買任何野~

Email-Pal

Pen-pal 聽得多, 但如今都好小人寫信了.

之前住hostel 認識的人, 其實大家見面一兩日, 之後都分道揚鑣, 可能add 左facebook, 就冇點聯絡. 可能覺得睇下status update 咪知近況囉

反而冇add facebook 的, 卻有email 一直聯絡 - I 先生, 同在之前hostel roommate 介紹認識的澳洲CBC -K 先生.

I 先生的行程已完成回港, K 先生剛遊意大利, 現在在希臘晒太陽

大家的歷險終會有完結之時, 旅途中的遇上是一種緣份, 能保持聯絡更是難得

之後香港見!!!

2/7 Regular day, but Special night

今日既節目係(super)market research, 慢遊左2間超巿, 諗住去第三間時, 行行下行左去睇衫:P

人生第一次在H&M 買衫, 在德國, 仲做緊Sale, 買O個件只要5歐, ok抵

咁就唔覺唔覺地行左3個幾4個鐘, 就夠鐘返晚上水吧份工

今晚雖然冇book 枱, 但係客似雲來, 第一次咁忙, 都唔係好搞得掂, 老闆的細佬黎左坐坐, 最後都要佢幫埋手, 今日出錯野飲x1,  撞爆杯x2....sosad, 太忙關係, 做多左一個鐘, 食埋飯都12點幾

這些都係初體驗, 是特別, 但最特別不在此, 特別在感覺

第一:
因為老闆娘是有學healing 的, 一直都好想同佢傾多點計, 今晚終於有這個機會, 真係覺得同我諗既野也實在太似.. positive..law of attraction. 其實唔洗理e d terms, 只係講緊你諗咩, 你就會得到d咩. 心入面既野正面, 你遇到既事就會係正面; 反之亦然. 簡單道理, 卻經常受質疑.

咁啱佢都提起focus, 專注, 巧合程度簡直係玄妙. 佢supportive 既程度係令我有感動到想喊既衝動, 唔識形容, 一句"Follow your heart"穿透左入心. 現在, 我就是在following my heart. 之後, 我有很大的想頭, 不知道將來可不可以做到. 但是我想,  既然咁多人都唔滿意現有的生活模式, 要脫離現在去追求自己嚮往的生活為何會是一個大想頭?

我是不會明白為何有人有件事想做, 但永遠有句"我都想, 但係xxyyzzz" 纏住自己, 最後件事永遠只係不斷重覆在"想"的階段

仲有佢既30 歲想achieve d 野, 40 歲feel the power, 認同& 佩服不過! It's never too late to make a change!

第二:
專注日的第一天, 感覺非常良好, 做左大掃除, 心靈負擔的確減輕不少, 也感受很大的正面改變, 現在這樣, 很好!!!! 愛的感覺都回來了 :)

第三:
歡迎你成為了我的好友行列, 因為今日的坦誠對我來說並非容易

專注

近幾個月經常會想起這個字, 最近佢正式成為我2011年的目標之一

專注, 就是心無旁騖, 將全副精神集中在某事上, 因為我認為專注會達至成功

例如, 我有不經意的專注了在儲asia miles, 幾乎碌咭的積分都是轉做asia miles

因為專注要儲分, 一開始自不然會留意搵用最小錢儲最多分的方法, 之後就幾乎唔洗再點research, 成件事自然的運行。不經意的儲分, 都己經換過2張免費台灣機票, 另一次再去台灣都平左800蚊, 而家仲有45000 miles O係手等用。咁啱有留意開, 間中都賺到幾百蚊免簽

不經意的儲了日日賞, 唔知幾時無啦啦有70幾蚊, 返到香港可以食3餐免費麥記, 錢駛晒都唔駛餓死

不經意的專注在投資, 一開始乜都唔識就自學一下,至少有D concept,  開始月供匯豐 (現己停), 先唔好challenge 匯豐係咪一個好選擇, 但係唔需要理佢, 三個月派息一次, 再以股代息, 合埋眼隔多幾年後無啦啦可能多左幾手, 也先唔好challenge 我幾年後會唔會有金融風暴

不經意的專注在工作, 第一份工作做了近5年, 一直也是捱,也得到幾次升職加薪的機會

不經意的專注在運動, 找到了康文署aerobic及樓下yoga 班, 又平又教得好, 原來aerobics 斷斷續續都join 近2年

在專注之前, 當然要知道要target 在邊方面, 定好之後, 就開始專注這件事, 直至變成自然, 咁就完成

有樣野我至今都未係好專注, 這也是失敗的原因,  一直也是一波未平一波又起, 沒有多時間反思。這件事長遠不健康, 也十分直接影響未來我的時間可以用在咩地方, 不得不正視

我相信今次的專注會好影響我一生

所以, 一定要成功