沒完沒了

真係已經好唔想因為這件事再討論落去

糾纏 8 個月

句號。

25/6 士多啤梨園

今日去了士多啤梨園! 其實任何人都可以去, 係冇入場費的!! 可以帶一個盒去採摘, 門口的伯伯會先幫你磅一磅-

 好新鮮同好多汁的! 同埋一路摘仲可以一路食..冇人睇住你的!

 最後摘左350g 左右, 佢標價500g 係3歐, 但只收了我1歐, 朋友200多g, 直頭唔收錢tim! 十分好人

晚上返水吧, 門口見到架Land Rover, 粗獷得黎又幾型

 沖左杯Lycheeschorle 來試試

 排骨飯 ^_^

 今日老闆講有本雜誌既食評家rate 左佢間餐廳為中菜之中既第一, 登左在雜誌上, 知道都開心!

問左老闆借左這本書..基本德文生字由此學起

返到宿舍, flatmates 開party, 有人帶左個projector 黎, 估唔到可以運用到這個空間睇戲

 再次玩poker, 再成為了贏家 : D

24/6 又見到日出+Flea Market+返工+Clubbing

上次見日出有解脫的感覺, 今次心情卻很沉重, 這次的日出雲沒那麼多而且很集中, 只見到很小彩霞

 放工就出發去flea market, 中途轉車的這個Muenchner Freiheit 站都幾靚

到達了Friemann (Free man?) 站, 同時打破了只有S-Bahn 在地面上行的傳言

 在廢墟內的一點顏色

 到了Flea Market

沒有想象的咁多地攤 (應該說很小), 大部分都係在室內

Flea Market 都係賣D 古舊野, 睇中既野就冇, 覺得搞笑既野就多D

賣一隻!?!?

個公仔..好驚呀..有好多這類公仔..

超任!!! WOW!!!

比較喜歡的, 有生命之匙

得戚豬

佢地既動作, 代表緊..頭暈身燙頭痛肚痛?

勁變態既Lego 人囉!!!

 晚上返水吧, 我的角落

 晚飯 : D

 放工後去"Ruby" clubbing, 有coupon 免費入場, 我係冇帶任何靚D 既衫黎..

好靚既mirrorball

 飲了一點點的酒(真的是一點點), 但卻很清醒, 是進步了嗎?

23/6 睇ballet, 超正呀!!!!

今日落雨, 本來冇安排任何活動, flatmate 突然叩門, 問到有冇興趣一齊去theater 睇ballet 表演, 7歐ja wo, 試下無妨! 

去到買飛 (因為上網買貴1.5歐!!), 已經留意到四周既人都著得好formal, 心感不妙, 冇諗過係一個咁莊重既場合, 我仲著得好hea, 真係即刻覺得有點不尊重場合

入到場, 哇..... 

 好grand 好靚呀..........

7 歐既票係企站來的, 在好側邊的位置, 幾乎大部分既表演都睇唔到, 直至中場休息, 偷偷地走去其他好d 既地方..

之後個位好到不得了!! 好鐘意這一幕-

 燈光一轉, 就變成另一幕, 勁!!

這場ballet 服裝佈置都好華麗, 成場show 2個幾鐘, 有咁靚既theater, 企到一個好位, 仲要知道最貴既票要成100歐, 我li 7歐簡直係抵爆!!! 這裡睇一場戲最平都要5.9歐!! 真係多謝flatmate 的好介紹!!

22/6 報讀德文

報讀了VHS (好似工聯會咁好多課程, 但外表是好似演藝咁) 的德文課程, 由A1 開始讀返, 7月底開始返學, 6個星期intensively KO 成個A1, 相比在香港讀歌德分A1.1- A1.4, 讀成個A1 要一年, 時間同價錢都慳唔小, 有點期待, 唔知這邊的教法係點架呢?

計過數, 讀VHS 一個鐘都只係3歐以內, 其他有德文學既地方都要一個鐘5歐幾, 而且久仰VHS 大名, 教得好唔好都好, 點都要一試

 報名表格都係德文, 好在有staff 幫眼睇睇

 反正都出左街, 順便去埋幫部電話增值

love is fragile, I have to

21/6 開心大發現 之大草原+ Beer Garden

在這裡食早餐食得好健康

返工日, 同BB女去花園畫公仔, 佢成日會叫我畫恐龍, 直到今日佢話" 點解咁似魚魚既~" 我先畫返右下角O個款比佢 ..XD

 留意佢地口中係有食物, BB 餵佢地食的!

放工返到家樓下見咁好天氣, 就在附近閒逛, 發現左這條路, 看似有盡頭, 但又睇唔到係咩, 就行過去望下

原來係個大草原! 雖然D 草冇English Garden 咁翠綠, 但係勝在夠靜, 冇人, 而且都係一片藍天冇遮冇擋, 如果晚上唔落雨, 睇星會係一流

 是晚出去Beer Garden, 8點幾才是夕陽, 10 點多才天黑, 真的很喜歡日照時間這樣久, 感覺時間好見使

 到了Beer Garden, 沒有入場費, 也沒有最低消費, 大家自律會買杯野飲, 即使好似我咁唔飲酒帶野入黎飲, 都冇人check, 而且仲可以外帶野食, 燒野食都得tim

 天黑了愈來愈靚

是晚只花了錢在買來的晚餐, 我並冇在Beer Garden 內消費, 只用了2歐, 有咁好環境舒服傾計, 真係好抵

17/6 第二份part time

第一份part time- babysitter- 做左個零星期, 可能個小朋友都乖吧!!感覺都做得唔錯。

老闆人很好, 知道我想揾多份part time, 佢又知道有朋友想請人, 琴日就比左contact 我打去問, 係在餐館幫手的(今次真係喇), 當日晚6點幾7點就直接過去餐館見見面

這家是高檔港式菜的餐廳, 我當初唔知道, 仲著得好hea, 有點唔好意思。老闆很友善很健談, 簡單談完工作範圍,時間, 就開始聊天, 背景家庭股票生意無所不談。 而且我知道佢老婆係做Healing Therapist, 覺得真的有點緣, 因為我好友對這方面極有興趣! 同時知道佢都是相信吸引力法則, 佢都話好多有錢人黎佢度食飯, 都係有差唔多既想法! 閒聊完,很喜歡這種很正面的感覺!

最後我近11 先走, 中間老闆請左我食2餐飯+好多杯野飲!!

德國人的口味都幾咸的, 味道都較重味

這份工不是regular 的, 就是他需要人手時會打比我, 最後一連二日都去左幫手, 第一日都好緊張, 因為未做過, 有倒瀉過菜汁, 第二日教左我小小水吧工作, 終於可以自己整到Spezi, weisseschorle, apfelschorle, 倒到支裝啤酒落杯又有點泡; 清理好枱面又可以放好餐具, 總算有效率同冇做錯野, 哈哈! : D

第二日返工的晚餐, 炒鴨飯, 給自己整了一杯apfelschorle (蘋果汁+ 有氣水) 試試 : D

Babysitting 份工包lunch, 這一份基本上都包左晚餐, 所以2份都返晒的話, 我就只做早餐就夠~

繼續~~~~~只欠讀書, 只要讀書fill 埋我下午的時間, 就係當初我最ideal 的時間安排! (雖然好忙)

12/6 Bayern National Museum + English Garden

是日星期日, 去Bayern National Museum 只需 1歐!

但係呢, 入場費唔包special exhibition, 所以只得一個超細既exhibition 睇, 個人覺得, 1 歐都唔抵入去..平日仲要成4定5歐 tim.. 感覺被騙了 =.=  行半個鐘都可以睇完了, 但係入面既木雕展品又的確係幾靚

同時發現, 原來個museum 就在English Garden 旁邊!! 所以就入左去漫步一下

中間有個大草原, 抬頭望係一片藍天白雲, 真係好舒服!!

這晚去了友人家作客, 吃回港式家常便飯, 很開心 : D 如果我住的地方都有個飯煲就好